Mail from people

Happy New Year 2007 KDO Ni Awng Dang Sai

Tsawra ai kahpu kanau, kasha Kamli hpang laika shana dat ai. Nang yaw shada ai lam ni, 2007 ning hta grau nna, awng dang u ga ngu nna, kyu hpyi ya nngai law. Tinang amyu sha rawt galu kaba na matu shakut nga ai lam na lu ai majaw grai a rawng la kabu nga ai. Bungli grau nna masan sa wa lu na matu n-gun jaw dat ai. Akyu rawng na zawn re na ni hpe sha hkap la ya rit.

1. Jinghpaw mungkan hpe maram yu yang shada myit hkrum ai lam nnga ai hpe adan alen mu lu ai . Anhte Wunpawng myu sha ni wuhpung wuhpawng hku nna, Miwa mung, Myen mung hte India mungdan ( 3 ) kaw shanu nga ai. Raitim shada n-gun lu hkra re ai myit hkrum gahkying gumdin lam nnga ai.

2. Dai mungdan ( 3 ) kaw nna mungkan mungdan ni hta shanu nga ai ni shada mung magyep kap hkat ai lam nau nnga ai hpe mu lu ai.

3. Tinang kanu mungdan kata kaw nga ai anhte amyu sha ni mung, shabawn, hkang tawn da ai hpun shabawn ayai mat ai hpa grau na du mat sai.

4. Tinang kanu mungdan kata nga ai hpu nau ni hpe ya aten wuhpung wuhpawng kaba hku nna, gahkying gumdim shangun nga ai gaw KBC sha rai nga ai hpe maram lu ai. Dai KBC kata kaw makam masham lam re majaw laknak lang ai hpyen hpung ni yawng lawm nga ai. Laknak lang ai hpyen hpung ni hpe gahkyin gumdin na matu grai naw yak nga ai.

5. Tinang kanu mungdan ( 3 ) hte maigan kaw nga nga ai anhte hpaw tawn da lu ai wuhpung wuhpawng ni mung grai myit hkrum ai zawn kata lam nru ara ni law nga nga ai. Shada myit hkrum ra ai ngu yawng chye timung myit hkrum na lam hpe shada lit la let n-gun dat, da ting shang lawm ai lam n-nga ai.

6. Lahta de na lam gaw ngai na ningmu ni rai nga ai. Dai majaw anhte kanu mungdan na hpu nau ni hpe shada gahkyin zinlum la lu na matu laknak lang ai hpyen hpung ni re majaw nloi shi ai raitim maigan de du nga ai anhte ni tinang kanu mungdan de na amyu sha ni a lam hpe mahkrum madut la nna World Kachin Unity Association ( Mung masa hte amyu sha rawt galu kaba hpung ) zawn re lu hpaw yang grai htap htuk na ngu maram lu ai.

7. Anhte Wunpawng amyu sha ni masa lam amyu a majaw party hpung gade law timung shada sat hkat ai lam n galaw ga. shada garum madi shadaw hkat ai hku she di saga.

8. Ngai na mahkrum madup langai mi nga ai. Wun Rawt Nawku Hpung na hpu nau marai 20-30 daram hpe Bangkok mare UNHRC tsing yam tsingdam hkrum ai masha ni hku nna woi shawk shawn ai shaloi tinang amyu sha ni dai rung kaw amu gun ai masha n-nga ai majaw myi mam grai kaji let tsun dang rang nna lu shang lu ai. Dai majaw UNHCR rung , NGO rung hte tinang nga ai mungdan kaw dai mungdan masha( Citizenship ) lu hkra shakut nna Asuya rung magam hpe gun hpai lu na matu shakut ra sai. Malysia de annhte galaw ai grai hkrak ai. Rung tsang hte tsang kaja ai maga hku nna adawt nna anhte amyu sha lam hpe kaga amyu sha( Chin, Karen. Rohijah) zawn hpyi ra sai.

9. UNHCR hte seng nna laklai ai shi ga ni nga yang chyeju hte shana ya na hpe hpyi lajin ga ai. Shada matut mahkai ai lam hte tiang amyu sha ni a matu kaja ai shi ga ni hpe shada htai lai hkat saga.

10. Malaysia hte Singapore de na hpu nau ni ( KDO ) hpe yu nna anhte n gun grai lu ai. Shada madi shadaw mat wa na re. Ngai nau ngai sha hpe shadum mayu ai hta anhte amyu sha ni a kaba dik ai mahkang gaw “ Ningbaw galaw mayu ai lam hte Hpaga yumga ja gumhpraw lam “ rai nga ai. Nang shabra ai hte maren “ Kachin State Day” galaw na matu salng ni hte bawngban na re. Hpang de matut mahkai hkat ga.

Ngwi pyaw hkam kaja nga u ga.

Chyeju dum let,

Myitung Thomas

Call : 085-8126785
E-mail : myitungthomas@yahoo.com, kachinchurchbkk@hotmail.com
okck91206@yahoo.com