Wednesday, March 19, 2008

KDO = KRC





K.D.O Malaysia hpe Yaten na masa hta hkan nna myusha ni a rawt jat lam hpe madung dat let K.R.C mying hte lang hpang wa sai re.

Wednesday, March 19, 2008 by Admin · 0

Tuesday, March 18, 2008

Hpa majaw ( KDO? hpe KRC ?)mying galai ra ?

On 3/17/08, Lahpai Ong wrote:
KDO malawm ni yawng hkamja ngwi pyaw nga na hpe kam ai,,

Anhte shinggan nga ai ni mung hkam ja nga ga ai,,mana maga de a kajawng sha KDO a mying galai ai lam hpe na lu ai majaw loi mi mau kajawng mat ai,,
* Hpa majaw nga jang KDO a masing hte ýaw shada lam mahkrun ni hte grai shai n htawm gyip dik ai lam de rai wa ai majaw ngu jang n shut na re,,
* Moi KDO hpe shanwg ning nan gaw de sa wa ai ten hta e Ngai galoi mung tsun tsun re ai ga langai moi na ni a kraw hta ngam nga na re ngu kam ai,, dai gaw anhte KDO ngu ái gaw UNHCR lam hta sha shang lawm tsap sa na matu n re,,
* Myusha maka lam hta ja ja tsap na matu re,, myusha mung masa lam hta tsap ai ni ngu jang grau teng ai,, KNO a statement hta lam yan 7 shatawng shada tawn ai hpe mu hti lu na kam ai,, malaysia hta mung moi gaw Hpung lam hte seng ai sha bawngring ngu nna hpaw tawn ai hpe a san sha mu ai,, dai hta hkalup hpung na ni law taw n htawm hkalup hpung lam hta grau shaja taw ai zawn rai nga ai,,dai nna myusha masa lam hta gaw gara u hpung mung n nga shi ai re,, hpung n bung jang shada kahkyin mung yak nga ai ten,, lam shagu hpe myit yuy dat jang grai hpang hkrat taw ai,, shing gan matut mahkai kawn hkawt,,,dai malaysia kaw sha pyi shada machyu na shara mat taw ai majaw moi na myitsu ni gaw KRC ngu ai hpe mung myit yu lai wa sai, KDO na depart langai hku gaw grai manu ai, dai mying hte gaw grai gyip ai hpe mu ai,, ga shadawn refugee mying n hkam la n htaw ti nang hkrai jawng sa lung ai jinhpaw ni gaw dai KRC ngu ai hta n lu sa shang lawm ai hpe a san sha chye mai na shadu ai le, kdo na bungli galaw nga ai masa ni gaw dai ni na ten hta myusha masa lam hta Refugee lam hku sha shamawt mat na nga jang n dai maigan du taw ai Hkang Myusha ni hte she bung mat na hpe mung shing ran mu dat ai, ten nga jang lawan ai hku bai mi na jaw ai lam hta tsap let mying galai chyai nga na malai bungli jat ai hku KDO mying sha lang let bungli galaw let rawt jat sa wa ga ngu mung n gunjaw shatsam dat ai, ya lung wa ai ning baw ni yawng hpe mung kabu gara hkap tau la ga ai, dai n htawm ya na ning baw ni e nanhte woi awn sa wa na myusha ni a shawng lam hpe sung sung myit yu n htawm yawng hte rau ta gin dun let hkawm sa jang grau awng dang wa na re , ya moi na ni kahkyin tawn sai kdo hpung shang masha ni gaw nanhte dai ni lung wa ai ni a majaw hkra bra mat jang gaw nan hte gaw kdo hpe hpya ai ni sha tai mat na re majaw a tsawm yawng hte bawng ban n htawm mying galai mayu tim shawa hte bawng nna galaw mu ngu nuhtet ga hte,,n dai hte mi hkrum shaga dat ai,,

Awng dang lam gaw myusha hte mung dan a matu rai wa u ga ..

Ong lahpai
+4541461841
+4522291702
Hansjacobsvej,12,st.th
6760.Ribe
__________
Re: From Kamli

Hkau Ong,

Hkam kaja nga na hpe kam ai.. Hkau a laika hpe hkap la lu ai majaw kabu ga ai.. Ndai KDO amying shing teng galai ai magam bungli lam gaw, anhte KDO magam gun ni sha daw dan let galaw sa wa ai nrai nga ai. 02.03.08 shana de anhte rung kaw e Malaysia nga Jinghpaw wunpawng wuhpung wuhpawng yawng jawm myit hkrum let ndai KDO amying shingteng galai na matu yawng daw dan lai wa saga ai. Wuhpung wuhpawng ningbaw ningla ni gaw: Malaysia Kachin Baptist Church (MKBC), Kachin Christian Fellowship (KCF), Malaysia Kachin Catholic Community (MKCC), Wunjat Unity, Kachin National Organization(KNO), KDO mu gun usa ni hte mu gun ningnan ni yawng rai nga ai. Wuhpung a amying shingteng sha galai ai rai nna, yaw shada ai lam ni, magam bungli ni hte hkrang ni gaw mi na hte maren sha rai nga ai.

Moi ten na masa lam gaw ya ten byin nga ai masa lam ni hte, mala la nan shai mat sai hku re hpe mu mada wa ai majaw, Malaysia du nga ai Myu sha ni yawng a ra sharawng ai ni hpe jahkum shatsup lu na matu mung, myu sha ting a rawt galu kaba wa na shawng lam a matu mung daw dan dat ai lam rai nga ai..Mying langai ngu ai gaw majoi run kau mai ai baw nre ngu ai hpe, 2006 KDO bai gram gaw gap hpang wa ai shaloi, an lahkawng tsun shaga lai wa saga ai..

1) Moi gaw Malaysia kaw e refugee ngu hkam la na hpe myu sha ni hkrit tsang ma ai.. Tinang kanu mungdan kaw nga nga ai makyin jinghku ni hpe wa mi hkra wa kun? nga nna hkrit tsang ma ai re.. Raitim, woi awn nga ai ningbaw ningla ni a kanu kawa makyin jinghku ni kaja wa hkrum hkra nga ma ai kun (5 ning laman hpe maram yu dat ga). Wuhpung a ritkawp hte maren wuhpung kata a hpung shang jahpan list hte magam bungli hpe shing gan masha wa chye na ahkang nnga nga ai. UNHCR kaw tinang tsun ai lam gaw officer, tinang hkum nan hte interpreter marai masum sha chye mai ai confidential file she rai nga ai. Dai majaw anhte ni myit tsang ai lam gaw anhte a shawng lam lahkam ni hpe pat hkum nga ai.

2) Moi gaw Malaysia madang sha rai nga ai.. Ya gaw Mungkan madang de matut mahkai wa saga ai.. International NGO ni law law Malaysia de shang wa ai ten rai nga ai. Re ai ten hta, anhte ni mung Kachin Development Organization (KDO) ngu ai hpe lang tawn yang anhte hpe mung NGO langai hku sha myit nna, garum ai lam ni hte refugee ngu ai hpe masat masa galaw na ningmu shai wa ai. Malaysia hta magam bungli galaw ai ni jawm mahkawng let hpaw ninghtan da nna, ra rawng nga ai ni hpe garum ya ai zawn re wa ai. Ndai zawn sang lang dan ai gaw anhte a matu bungli kaba zawn byin wa nga ai.

3) Lai wa sai shaning ni hta gaw Kachin refugee ngu yang mungkan a ningmu amyu mi re nga ai.. Raitim, 2007 September uprising gaw anhte myen mung nga myu baw sang ni a hkam sha ai lam hpe mungkan ting mu mat wa ai hku re.. Dai majaw Refugee mying hte rai tim, cease fire gaw n hkap shing dang lu mat nga ai. Religious persecution, Forced Labour,Racial discrimination, Rape hte Land Confiscation ni gaw anhte a hkam sha ai lam ni rai nga ai. Political langai hte sha gaw Refugee ngu ai mying hpe nlu ka-up kau lu nga ai. Gadai nmu let Kanu Jinghpaw wunpawng mungdan kata e hkam sha nga ai ni hpe, anhte maigan mungdan hkan nga nga ai ni gaw, gwi gwi gawng malai tai ya ra na re hpe ja ja hkam la nngai.

4) Myu sha magam bungli ni hte Mung masa lam ni hta gaw galoi ten rai ti mung shang lawm mai nga ai. De matu mung jin jin sha rai nga ga ai law.. Raitim, maigan du ai ni a matu gaw mung masa lam yan hta KNO wuhpung hte rau sha rai nna,shamu shamawt wa na lam rai nga sai.. Malaysia kaw gaw, Myen mung myu bawsang ni hte rau, tsin yam lam hpe madung tawn nna, lata gin dun let ra ai lam shagu hta lahkrip ra ra jawm galaw hkawm sa nga ga ai.

5) Wuhpung shang masha yawng hte n bawng ban lu mat ai gaw ningra ai lam langai gaw rai mat ai.. Dai majaw, Malaysia mungdan hta e nga nga ai wuhpung wuhpawng ningbaw ningla ni yawng hpe saw shaga let ndai magam bungli shabyin ai lam rai nga ai. De a shawng e, NGO ningbaw ni,Malaysia mungdan masha ni, Myen mung myu bawsang ningbaw ningla ni a ningmu ni hte hpaji jaw ai lam hpe hkam la ga ai.. 17.03.08 shani hta gaw, UNHCR rung lakying Field Services Team(FST) a ningbaw rai nga ai Madam Ellie hte hkrum let ndai amying shingteng hpe shagrin la lu saga ai.

Dai majaw Hkau Ong hte hpawn, ngam nga ai chyu rum wunpawng sha ni yawng mung Malaysia mungdan hta e hpaw ninghtan da ai Kachin Development Organization (KDO) hpe Kachin Refugee Committee (KRC) ngu, a mying shingteng galai dat ai lam hpe chye na sang lang na hpe myit mada ga ai law..

Shana ai,

Tangbau Kam Li
H/P : +6016- 3070244
________________________

Mail From Australia
Re:Date: Tue, 18 Mar 2008 14:43:31 +0800
simsashata@hotmail.com

Dear Hkau Kam Li,

Hkau shagun ai sumla lu la sai. Hkau ni hte hkrum shaga lai wa ai lam, ndai ngai ai Melbourne myo hta nga ai myu sha manaw manang ni hpe bai tsun sang lang dan ni ai, yawng mung dai kaw na masa hpe chyena let, myit dum nga ma ai re. Anhte ni mung dai kaw na myu sha ni a lam hta garum shingtau lu na matu mai byin ai masa lam ni hpe jawm myit nga ga ai re.

Bai nna, KAA ningbaw langai rai nga ai Salang Sydney Ja Yung Lazum hte mung bawngban let galaw mai na masa lam ni hpe jawm myit jahkrup ga ai. Galaw sa wa ai masa lam ni hta hkan nna hkau ni hpe mung bai matut shana wa na ga ai.

Amyu sha lam hta,
shd, diri gam
Australia
____________________

Dear Hkau Kam Li,
Ya na zawng myu sha shawng lam hpe sung sung myit nna galaw wa ai masing na lu ai majaw grai kabu sai. N dai lam hte seng nna detail bawng ban mayu ai lam shana dat ai. Ngai hku nna phone hte shaga wa na re.Hkau Ong
_____________________
Mail from UK and Thailand Dpt:
Re:

Ngai hku nna gaw ndai lam gaw positive step re. Malaysia kaw nga ai ni hte mungkan shara shagu na amyu sha ni direct akyu hkam la na re. Bai anhte galaw nga ai Human right report mung n dai kaw fit byin na re. Rau yang ngai hpe phone hte shaga wa rit.

Amyu sha lawt lu lam hta,
Hkanhpa
____________________

KDO malaysia hpe KRC mying galai lang na hpe lamat wa sai 2006 ning na yawng pawng let galaw ai hpawng hta mung myit hkrum da ai re lam chye lu ai.Raitim lam masa amyu myu a majaw ya dai n she lang myi bai shagin nnalang mat wa ai re lam chye lu ga ai.

Chyu rum Wunpawng Myu shani ngwi pyaw hkam ja ngamyit ga law....
____________________
Reply here :
kdomalaysia@gmail.com,( KDO office mail)
kdomalaysia@yahoo.com, (KDO online yahoo group mail)
mrgumzet@gmail.com, ( Kachin online journal web host mail)
tangbaukamli@gmail.com,( General mail )
______________________

Tuesday, March 18, 2008 by Admin · 0

Download