Mail from people

Hkau Gumzet Uma hte hku hkau manang ni!!!

Kabu gara ai hte ngwi pyaw hkam kaja ai chyeju gaw n-dai 2007 ning tup hta WA KARAI wa kaw na tut shaman ya nga u ga law.
Nang drop ya ai shiga e-mail ni yawng hkra a matu nanhte daide nga manaw manang ni yawng hpe chyeju dum nga n-ngai.

Anhte a yaw shada ai ban dung shadaw de du wa lu hkra jut shara mi kaw na manu mana manu dan ai hku madi shadaw lawm nga ai hkau nang hte rau KNO hte KDA na chyu-rum ai myutsaw Jing Hpaw Wun-Pawng manaw manang ni yawng hpe n-dai laika kadun hte hkrum shakram dat n-ngai.Galaw sa wa ra na magam bungli ni grai law law wa mi nga ai hta na ti-nanag man hta galaw ra-ang nga ai magam lit ni hpe galaw sa nga ai nanhte hpe mu lu ai majaw Wa Karai hpe mung chyeju dum ai.Nanhte galaw sa nga ai lam ni yawng hpe mung na chying wa kabu n-gun lu nga n-ngai.Du wa na Febuary hta Denmark mung dan hta galaw na Rawt malan program a matu kaja hkrak dik ai maga hku n-na lu galaw hkra kyu hpyi myit dum dat n-ngai.Mung kan masha ni mu mada ai hku anhte shakut sa wa ai zawn Hpung Shing Kang hte hpring tsup ai Hpan Wa Karai mu mada ra tsaw ai hku n-na mung anhte yawng sadi sahka hte hkawm sa shakut shaja sa wa ga ngu n-na nye a mu mada ai lam hpe n-dai laika kadun hte ka shawn dat n-ngai.Anhte Singapore ga e nga chyu-rum wun pawng myu sha kaji kaba yawng hkra hte wa mung rau sha myit mang hkrum let nang ngai wa mi n-nga hkat ai sha lu kahkyin ai ram kahkyin gum din let hpawng de nga ga ai.Ra ang wa ai lam ni hta mung tut madi shadaw karum la hkat lu hkra lam tam let matut mahkai hkat nga ga.Mung kan pin ra n-tsa hta pra nga ai anhte Jing Hpaw Wun-Pawng myu sha ni a hkrum hkra nga ai tsim yam kaji kaba mahkra hte hpe Hpan Wa Karai gaw majoi n-yu shalai kau na sai.N-dai shaning n-nan hte rau dai ning 2007 ning tup hta "LAK LAI SHAI AI CHYEJU NI HPE ANHTE HKAM LA WA NA RE NGU MYIT SHING RAN MU LET , HKAM LA LU WA NA CHYEJU NI HPE LA DING DA NGA GA LAW" ngu n-na n-dai laika ngau kadun hte rau hkrum shakram n-gun jaw dat n-ngai law.

Tut kyu hpyi nga ga. Karai Wa gaw anhte a hpyen "JAUBU" re. Ra ai lam ni yawng shi hpe ap ga. Shi hpe "SHAGRAU" ga. Mung kan ting hpe "UP HKANG NGA AI HKAW HKAM" mung rai nga ai. SHi hta a-sak hkrung hkawm sa nga ga. Shi hta manoi manat ai wa gaw A' nga ai. "GOD IS LOVE" Yawng a n-tsa hta Karai Wa tut lam woi bau sin makawp maga nga u ga law.

Myit dum kyu hpyi nga ding yang hte,
Hkau Mahka Brang Ja

mvno

Dear Hkau Kam li

Hkau nang shagun dat ai shiga hte opinion lu la ai majaw kabu sai. Nang mu mada ai hkrak nga ai. Mung kata nga ai masha ni yawng mung lawt lu na lam hpe gaw tam taw nga ma ai. Raitim myi pat da jaw ai majaw, lam ginjang hpe n mu mada wa ai masa rai nga ai. Ya na zawn masa lam ni hpe galoi mung garan gachyan na gaw grai ahkyak nga ai. Hpa ji masa lam hte mai gan mahkrup madup kaw gaw anhte JW ni hpang hkrat taw na gaw teng sha rai nga sai. Mung Kata hta e galaw mai ai kaga masa lam chyawm gaw kara hku rai wa na kun? N chye maram shi nga ai. Kaga ethnic group hte n bung ai masa lam ni mung nga nga ai. Ya na zawn shi lam hte lam shakut dingyang rai nga yang gaw anhte JW mung zeng wa na re.

Myit dum let shana dat ai

STEVEN AWNG
Thailand

Mungdan shara shagu de na ka wa ai (maikaja ai )Mail ni hpe ndai kaw e shana wa na ga ai,Myit lawm ai ni ndai email e mai shana ai lam shana dat ai law.