Friday, April 20, 2007
Dear....
tsawra hkungga ai hpushawng hpuba kdo ningbaw ningla ni yawng hpang de ngai laika bai kadat ai..yawng a matu akyu rawng ai kaja ai lam re hpe sanglang tsun dan ai majaw grai chyeju dum nngai..shawnglam masing ni mung kalaw ra lam ni grai nga ai kalaw nga dingyang mung rai nga ai lam na chye lu ai majaw ruyak jamjau lam law law a lapran kaw na awngdang hkawn hkrang ai myithkrum kahkyin gumdin ai langai hte langai tsawra hkungga chyena lata gin dun myit mang hkrum let grau grau nna malaysia du myu w.p sha ni yawng a daw hpum daw nu tai walu hkra myusha lawt lam hta akyu rawng tangdu hkra shakut mu ngu n-gun jaw dat nngai.....
nye ahkam sha mu mada ai mujut hpe lutang madun ai ngai grai myit dik ai grau nna gaw sanglang tsun dan ai laika ni ngai kaw ngai myit mada ai hta ren hkawnhkrang wa lu chyena wa lu ai,,kaja wa ngai ndai laika hpe malaysia kdo de send na matu ngai n-yaw shada ai kaga ginjaw,buga ginwang kamging ai san ging ai tsundan ging ai ngu ngai hkam la ai ngai chye ai matut mahkai hkringdat de ngai tangshawn hpyisan shana ai,,ngai kaja wa laika ka send ngut ai hpang nye a myit hta nchye tsun ai myu myi hkam sha ai ndai lam gaw njaw nhten nye hkum ngai shut dum wa ai karai kasang mung nhkraw ai hte nanhte kdo de mung kaga laklai gram lajang ai lam n-galaw sai sha send dat sai nanhte ningbaw ningla hpushawng hpuba ni hpe ahtu hkra ai gasi ga ngau ni lawm na sai nkau myitsu ni ngai hpe tsun wama ai ngai grai tawngban ai,ngai shut ai mara dat kau ya marit yaw..
ngai langai myi nchyena ai marang e yawng a matu hkrat sum hpa gaw ntai mat u ga....ngai zawn nga hkam sha nchye na ung ang wam dam nga ai ni mung law law naw rai na nhten,,, ngai ngu mayu ai gaw maigan mung kaga de mung le ga lawt lam mahkrun tam ga kayin kaye rai ga buga de mung nkau myi nhtang wa ga,,,sut nasa mung masa dai ni na mungkan masa hpe gaw anhte tatut mumada hkam sha sai ni she tangdu ai hku woi awn lu tsun dan lu kalaw dan lu na re ngu kam ai,,,,,kaja myit lawm myit shangsha ai ni a matu gaw htaw hkren nga na re nchye na ai ni manang wa rai di rai ai manang wa sha tan di sha ai nga ai hta byin wa yak wa yang yawng sharai la nmai rai mat na hpe mung dum ga,,sanglang tsun dan ga..gwi ra ai prat re ma jaw tinang hkawn hkrang ai gwi gwi hte daw dan na matu n-gun jaw hpaji jaw lam woi ga,,num ma asak kaba sai ni hpe sha lit la sai nga jang mung myit yu ga,nalaysia kaw nga tam sha kut yang tinang marai langai shata 4-5 laning myi ram bungli kalaw di free calling hte mai matut asak hkrung ai mung dum ga, tsun dan ga sanglang dan ga. tengman ding hpring kangka jaw hkak ai hku lawt lam tam yang grau kaja na re.grau awngdang lam lu na re ngu ngai kam ai..shawnghpang pai hkra kayin kaye rai sungsung myit yu tsan tsan hpe mu lu hkra tsaw ai de shakut lung rai shakut ga hkrunlam grai kalu grai yak hkak jam jau nahpe mung dum ga gara maga hku htap htuk manu ai hpe sawnding lik shading sharai lawt lam mahkrun tam ahkrai la ga,,
shut ai lam nga yang nara dat sharai la ya marit ......
malaysia du w.p.myu sha ni yawng hte myusha yawng agawng malai tai shakut shaja nga ai kdo ningbaw hte ningtau malawm ning yawng hpe tsawra hkung ga let......
zawngbuk hkawnglum(or)moses tangbau
myusan16@yahoo.com
Friday, April 20, 2007 by Admin · 0
Saturday, April 14, 2007
Tsawra ai kdomalaysia ningbaw ni hte jinghpaw amyu sha ni yawng hpang de mail hte hkrum dat ai.ya yang mail n tsa kaw laika hte ka nna ningmu ni hpe lachyum shaleng htai dan ai lam ni hpe mu lu ai. n dai zawn tinang amyu sha ni a ya yang byin nga ai lam ni hpe tinang tsap nga ai shara kaw nna,tinang a yu jut hku shaga tsun ai lam ni hpe yu yu ai shaloi,kalang lang yu jut n bung ai lam ni nga na re. raitim ahkyak dik gaw nang ngai yawng kadai wa tinang amyu a matu htap htuk hkra bungli galaw nga ai kun? ngu ai gaw madung rai nga ai.Dai majaw, KDO malaysia ningbaw ni e kadai wa hpa mi nga tim, nanhte galaw ra ai bungli hpe sha shawng lam n gun dat nna galaw yang rai sai.Amyu sha ni hpe makawp maga galu kaba hkra galaw ai gaw,maigan kaw mi rai rai, bu ga kaw mi rai rai langai sha re.Myit daw na lam n nga ai .shakut mu.
Zawngbuk hkawnglum ka ai lam ni mung,shi mu ai yu jut hku rai na re.gade a yu jut hku mi yu yu hpang jahtum e gaw, kaja wa tinang amyu sha ni hpe gara hku galu kaba hkra galaw na.gara hku nna makawp maga na. tinang MUNGDAN hpe bai lu la hkra gara ladat hte an hte myu sha ni jawm galaw na ngu ai gaw madung lam rai nga ai.
amyusha ni hpe pawnba ai bungli galaw wa ai lam ni hta shada da myit galu ga.n bung ai yu jut ni hpe jahkrum la ga.ladat jaw jaw hte n gun dat, amyu sha ni yawng myit hkrum nna shakut ga ngu n gun jaw dat ai.
Tsawra ai MYUTSAW share shagan ni ,Amyusha yawng a matu n hkrit n tsang shawng lam de n gun dat sa wa ga. n den ja` ja` shakut ga.
Amyusha yawng hpe tut tsawra let,
Bawmwang laraw,
KNO,
Zawngbuk hkawnglum ka ai lam ni mung,shi mu ai yu jut hku rai na re.gade a yu jut hku mi yu yu hpang jahtum e gaw, kaja wa tinang amyu sha ni hpe gara hku galu kaba hkra galaw na.gara hku nna makawp maga na. tinang MUNGDAN hpe bai lu la hkra gara ladat hte an hte myu sha ni jawm galaw na ngu ai gaw madung lam rai nga ai.
amyusha ni hpe pawnba ai bungli galaw wa ai lam ni hta shada da myit galu ga.n bung ai yu jut ni hpe jahkrum la ga.ladat jaw jaw hte n gun dat, amyu sha ni yawng myit hkrum nna shakut ga ngu n gun jaw dat ai.
Tsawra ai MYUTSAW share shagan ni ,Amyusha yawng a matu n hkrit n tsang shawng lam de n gun dat sa wa ga. n den ja` ja` shakut ga.
Amyusha yawng hpe tut tsawra let,
Bawmwang laraw,
KNO,
______________________________________________________
Dear.
Dear.
myusha yawng hpe tsawra ai jinghpaw w,p myusha yawng hte majaw amajaw mungkan jut shara shagu chyam bra shakut shaja hkawm nga ai hpushawng hpu ba manaw manang ni yawng hpe hkungga tsawra kam kaba let..
dai ni na chyurum ai myu w.p.sha annau ni a myit masa,gam maka,sut masa,maigan hkrun lam labau wa myit yu sumru mahtai tam nmu,jaw ai shut ai nchye lata,hpatwat lapran e chya,masu magaw,a myu,labau shanut mungdan a zingrut she myi tai wa na kun ngu,nye a mu mada mujut,hkam sha ,yin la,chye na,hkrum katut ai lam ni hpe jaw ai shut ai masam maram shading sharai ya na matu tang madun shana dat n-ngai..
madung gaw malaysia du w.p.sha yawng a matu nga KDO ngu ai wuhpung wuhpawng hte seng nna tang madun madi madun mayu nngai.ngai chye na ai kdo gaw maigan du w.p.sha ni yawng a matu kahkyin gumdin myit hkrum mang rum na,langai hte langai masha a myu ni a mungdan kaw yak hkak jamjau hkrum wa yang n-gun a wai myit hpe sharai la na,lawt lam mahkrun tam nga ai myu sha lam yan mungdaw mung dan hpe makawp maga madi shadaw ai hta maga myi hku shang lawm na,anhte buga ginra,kahtawng ning chyawng bumlang hkaraw shara shagu majaw a majaw yak hkak jam jau kaw si hpang gara nga ai ni hpe karum shingtau pawnba hkyela na ngai gaw ndai hku chye na ai,
KDO hpaw ai na wa ai hte rau chyena ai ni nchye na ai ni w.p. myusha yawng ngu na daram shanglawm wa sai n-gun mung grai ja wa sai,rai tim KDO a galaw sa wa ai magam yingam bungli ma sing ni malawng 90%gaw(UNHCR)ngu n-na,malaysia kaw kaja wa,matsan mayan jam jau ai chyahkrai n-mai gaidawng gai-da,nlu lu nlu-sha,rudi n-nga,wam wam dam dam,lagaw lata n-hkum ai zawn re ni hpe yu gawn lajang karum madi shadaw na,kara ka dai wa lit la woi awn ai gaw ngai mung myit n-lawm di n-chye ai,,dai de malaysia du w,p sha ni hpe lit la sha lai ya na hku matut mahkai ya na hku she rai wa,myi she n-jaw masha a myu law law a man hta mungkan hta hpyisha a myu myi she tai wa ka-ya hpa,masu sha amyu ni she rai wa saga ai kun,,grau n-na gaw w.p myusha anhte yawng a makam masham hte nhtan shai wa ai gaw karai kasang mung myi she nhkraw kun ngu ,,,,ndai lam ni hte seng nna grau jaw hkra grau chye na hkra grau ngangkang hkra matut mahkai hpaji jaw lam matsun madun ya ma rit,, KDOMALAYSIA@YAHOO.COM,de matut ma hkai ya ma rit,,,
laiwa sai2004,2005shawng daw anhte w,p sha ni malaysia de ya na zawn uhpung nawng nawng ndu npru nsa ai rai tim dulu sai ni shakut ai sadi sahka ma ai nta buga nuwa ni hpe jagumhpraw ni mung grai lu shagun jaw ai lam maram lu ai,calling , visar.hku myi rai rai kaman hpa nnga ai myi rai rai,du nga ai shara galaw ai magam bungli ni hta shakut shaja sadi sahka ma ai masha amyu ni asut masa magam bungli ni hpe myit lawm myit shangsha chye mayu,lu mayu ai myit hte hkaja shakut let gumhpraw ni mahkawng buga de nhtang wa,lu tam la ai gumhpraw ni hte tinang nan bai shakut yu,buga na manang ni,kanau ni,nuwa hpu shawng hpuba ni hpe maigan ga maigan a myu ni gumhpraw hpe kara hku tam shakut ma ai hpe tsun dan tinang mula chye la ai kasi kaja ni hpe tsundan kalaw dan ai lam nga ai hpe mung mu maram lu ai.2005hpang ndai daw de gaw law malawng npu lam hku shani shagu anhte w.p ni sha nrai myen mung mungching sha yawng dushang dikdik,grau law gaw hpunau hkang ni hte anhte w.p sha ni kaga a myu ni gaw law malawng sa tim calling visar hte grau law ma ai, w.p sha ni law malawng npu lam hku,loiai,hkyam sa ai,lawan ai,grau nna gaw (unhcr)tsin yam lek mat lu lang na matu kdo ni nan lit la ya matut mahkai ya taw ai majaw,ya2007hkan gaw w.p sha ni sen kaba she du wa na sai,buga shagu kahtawng shagu ngu na daram myu w,p,sha ni dupru wa masai,nkau myi magam,manaw,mala,makaw,malu,maroi,e nta ga de nu yen wa hte kanau kaji htum sha nga ni baw mung lawm wa saga ai,myenmung kaw janmau a myu myu gup la lu sai ni,jawng sara,tsi sara,hpung sara,yawng hkum yawng yawng gaw(unhcr)tsin yam la na ni hkrai hkrai 90% malawng gaw kam ai hku masu a myu myu hku masu rai,law ma lawng ngu na daram hpe unhcr tsin yam rung na ni kaja wa tsin yam masha shatai la kau nkau myi hpe gaw mungkan shiga kaw shabra garum hpyi ya rai.nkau myi hpe gaw mungdan kaba ni lusu ai mung dan masha ni(sponsor)jaw shan hte masha shanhte amyu shatai la woi la kau hkrum sai ni mung law lawrai sai,
kaja wa malaysia kaw hpa nlang nlu ai nmai nga ai gaw nrai nga ai sadi sahka shakut shaja maja let nga ai ni law law,kaja wa anhte w,p,mung dan,myit mada shara shim lam nnga lawtlam kaga n-nga saga ai ii,anhte w,p myusha ni mungdan kaga de pru jagum hpraw tam hpaji tam mahkrum madup la hkaja na matu jagum hpraw nlu ndai daram madang hku matsan wa saga ai kun ii,kadai mung kadai chye ai hku bra ayai sana hku ii,jiwoi jiwa ni moi moi kaw nna an hte a matu dudaw sai hkaw rai makawp maga maden da ya ai w.p.mung dan hpe matut litla makawp maga na kadai,jiwoi jiwa hpushawng hpuba ningbaw ningla,ni a hkang,lahpa,yingam ni hpe matut litla karum shingtau shangtsap kalai lana kadai,chyechyang ai,zetlet ai,magrau grang ndenja marai rawng ai,asak aprat naw ram ai,w,p,myu sha ni law law wa sung sung nmyit yu,lamdam bra a yai magang wa nga saga ai,ngu ngai gaw grai myit kaji yawn myi prwi ni kraw kata hta ing taw nye ai,,du nga sai ni sha nrai,bai du na hkyen ai ni law law nga ai lam nga ai,nkau myi kahpu kana ni nang de nga ai ma jaw,unhcr rung kaw masu da ai ni a madu wa tai na ni,madu jan tai na ni,kanau tai na ni law law nkau myi du nga masai,nkau myi masu ai re nchye kaja wa karai kam kam di sawa kara de mung nrai rai wam wam dam dam rai nga ai ni law law re,nkau myi nta ga na ni,si ai myi re hkrung ai myi re nchye,malaysia kaw unhcr tsin yam lak mat hte kam ai hku maru marang maigan num la di nga ai gaw nga rai bungli mung grak lagra n-galaw rai nga a yai nga ai ni law law re,unhcr lu na matu hkung ran poi mung shata shagu kalang lang bat shagu nga ai,mai gan ga ding hku de la buga nta ga nhtang wa na nga ai gaw na pyi n-na ga mat sai,
nkau myu shayi sha ni hpu nau mai gan la hpe unhcr lekmat lu ai majaw shim lam lu ai majaw nga kam kaba hkan nang mat wa ai ni mung law law rai sai,grau n-na gaw w,p, bu ga de na,ningbaw ningla hpushawng hpuba,buga hpung sara sagu rem ni a kashu kasha ni du hkra du nga shajang sai mai gan ga gumhpraw hpaji machye machyang satam hkaja ai nre sha UNHCR tsin yam lak mat sa la na du sa ai lam chye lu ai,ndai malaysia kaw sha pyi bungli kaja lu shara kaja luna matu 2-3ning shakut hka ja rai yang she loili sha ra lu tsun shaga na ga ni chye wa ai,yana anhte myu sha malawng a myit ma sa wa kara de mung njaw jaw bungli mung grak lagra nkam kalaw kalaw sana ngu yang unhcr rung na ni bai ya sha ya sha shaga ai majaw bungli madu ni hte nhtuk wa jahtum gaw bungli kaw na le ra,lam shagu hta gawngkya myit daw asum jaw kau chye ai anhte myu sha ni a matu,awngdang lawt lam grau she tsan,lup hta lup,matsan hta matsan,mayam hta mayam,tinang kang n-ka atsawm n-myit yu ai tinang a labau amyaw amya shanut shanat jahtum e gaw tinang lagaw hkang sharaw hkang bai shadu rai hprawnglam lawt lam tam yu yang mung mye re baw myi she rai wa n-hten,,ok ngai na laika grai kalu mat sai ka gaw grai naw ka mayu n-ngai ,raitim ndai hte hpe naw masam maram shading sharai ya marit,ngai ma langai a mujut hkamla chyena shut ai marang e,,myusha yawng a matu labau hta ntsawm nhtap hkrat sum hpa,n-gun yawm hpa tai mat na hpe mung grai tsangla n-ngai,,ngai kaja wa nchye na myit nshang sha ai gaw teng sha re,,malaysia du w,p,sha ni yawng tsin yam lekmat awng rai mai gan ga bu htawt htawt ma,tim ngai langai hkrai sha myen mung jinghpawmung wa na ngu myit dawdan da chyalu re,,nye a nlung tai shakut mayu ai myjt jasat shut ai rai yang mung,shading sharai shadum shahprang lam matsun madun,matsan dum la marit,,,
grau nna gawKDOmalaysia a UNHCR hte matut mahkai ai,w,p myu sha kaji kaba hpe mung kan ginra mungdan shagu de shabra ai lam jawe ai shut ai,chye mayu nngai,masha wa hpe masu tsun dan,mungdan langai ngai a madi shadaw ai hkam la,shanhte mung dan kaw sa nga,shanhte tsun ai hku galaw,shanhte jaw ai shashanhte sharin ya ai hkam la shanhte amyu sa tai rai yang,jaw ai jinghpaw mung mungdan lu mai ai nga yang gaw ngai naw myit yu na,,,shut ai rai yang gaw,lawan ai hku kdo a shawng lam gram lajang ya marit,,woi awn nga ai ningbaw ning la hpu shawng hpuba ni hpe grai tsawra hkungga shakawn shagrau n-ngai,,,
jawhkrak ai lawtlam mahkrun,hte awngdang ai yawng a matu kaja htap htuk ai,myit hkrum mangrum kahkyin gumdin ai,,hta,,,karai kasang,,chyurum ai wunpawng myu sha anhte yawng hte rau a nga nga u ga,,,,ngu,,,,,,,
kyuhpyi let
zawngbuk hkawng lum(or)moses tangbau,,
__________________________________________
De,
De,
Lahta na laika hpe Kachin Development Organization (KDO) a gawng malai hku nna, ngai Tangbau Kam Li kawn htang shana sang lang dat nngai law.
01.09.2003 hta myu tsaw mung tsaw myit rawng ai masha marai 7 gaw Malaysia mungdan hta du nga ai Jinghpaw wunpawng myu sha ni hpe myu sha lam yan hta woi awn gahkyin gumdin na matu lawu de na lam ni hte hpaw ninghtan hpang wa sai rai.
1) Jinghpaw wunpawng myu sha ni myit hkrum mang rum gahkyin gumdin let, rawt jat galu kaba wa na matu;
2) Myu, htunghking hte laili laika hpe makawp maga let, gaw sharawt madi shadaw na matu;
3) Myu sha ni a hkrat sum nga ai, Shinggyim ahkaw ahkang(Human Rights) hpe hkam sha ging ai ahkaw ahkang tsep kawp lu la wa na matu;
4) Ru yak tsin yam hkrum (Kaji dik) ai ni hpe dang di dang dep ai daram garum madi shadaw na matu;
Hpaw ninghtan hpang ai hte yak hkak lam law law hkrum ai hpe chye lu ga ai ( e.g Ningbaw ningla daw ni rim hkrum nna camp de du mat ai hpang, KDO ngu ai mying, mat mat na daram re mat wa ai). Malaysia mungdan kaw, myu sha magam bungli galaw na matu gaw shim lam ahkyak dik re hpe mu chye lu wa ai majaw, UNHCR rung de maju jung matut mahkai let, myu sha ni hpe makawp maga na matu lajang wa ai rai nga ai. Shawng daw de UNHCR lek mat gaw mai gan mungdan sa na matu re ngu ai hpe gadai mung nchye na ma ai. Malaysia mungdan kaw Pyada(Police) ni a lata kaw na lawt lu ai ngu ai daram sha chye na ma ai.
Shawng daw de UNHCR hku nna, Kachin ngu ai hpe masat masa galaw let, lani mi hta masha marai 2 hpe hkap la ya ma tim, yawng shang lawm ai lam gawng kya ai a jaw e, ndai ahkaw ahkang hkrat sum mat saga ai.
2005 ning, UNHCR rung kaw na masha nnan hkap la ai lam pat mat ai kaw na gaw, Malaysia du J.W myu sha ni a zim lum ai lam yawm mat ai hpe mu lu nga ai. Anhte yawng a matu shim lam lu na lam nnga mat ai zawn re nna, tinang a bungli kaw sha shim lam a matu, makoi rawng ra mat ai zawn she rai mat ai.
15.01.2006 hta KDO mu gun ning nan ni hpe kalang bai lata satsam saga ai. 01.03.06 hta KDO rung hte tsin yam ginra hpe, wuhpung hta Ja gumhpraw lap mi pi nnga tim, nawku hpung hkan na hkoi shap let, shagrin la lu saga ai. Yawng rau jawm hkrum zup na shara (centre) langai hte machyi makaw, bungli nlu re nna nga shara yak hkak ai ni a, jahkring mi hkring sa ai shara mung tai wa sai.
Lahta na daw gaw KDO labau kadun mi rai nga ai.
Hpa majaw hpu nau Hkang ni UNHCR de maju jung ai hpe shawng maram yu ga. Mungkan hta "Chin" ngu ai hpe chye na matu magam bungli galaw nga ai masha kaba lachyawk mi sha rai nga ai. Shanhte a masing jahkrat da ai hte galoi mung a tsun nga ai ga langai mi gaw," Anhte gaw ya prat Lak nak lang nna mungdan lu na nre sai; hpaji chye yang she hpaji hte lu hkra shakut la na re; Myen marai 10 hpaji chye yang, Chin marai 10 hpaji chye ra ai," ngu ai shaning ladaw galu masing (long term planning)re nga ai. Re yang, masha wu nawng wu wa hpe hpaji shakung ya na matu gaw, Myen mung kaw nmai byin ai; dai majaw galu kaba taw nga sai mai gan mungdan de a loi sha, Ja gumhpraw nau nma ra ai sha, masha wu nawng wu wa hpe mung lu pru shale na matu, UNHCR lam sha nga ai hpe maram lu ma ai. Thailand kaw gaw Karen hte Karenni ni hpe sha lak san ahkaw ahkang jaw ai majaw, Hkang ni hku nna, Malaysia hpe maju jung wa ai lam mung rai nga ai.
Anhte buga hte masa lam ni hpe bai yu yu ga. Lak nak wu hpung ni mung gap hkat jahkring sai. Myen wa mung Jinghpaw mung hta n gun grau shadat wa nga ai. Miwa mung htu shang wa nga sai. Sut masa hpe myen wa hte Miwa jawm jum kau wa nga ai. Politics expert ni hku nna, KIA/ KIO gaw shaning 15 ram hta mat mat wa na lam nga ai ngu maram ma ai. Gara hku? Hkap la ai nhkap la ai gaw hpang de she re na re; raitim, ndai madang de gaw J.W myu sha langai hku nna, gara hku mung n kam byin wa shangun nngai. Re yang anhte ni hku nna hpa mai galaw na ta?
Anhte Jinghpaw wunpawng myu sha ni gaw, myu tsaw mung tsaw myit rawng nga ai ni chyu sha re. Raitim, Myen wa hpe nlu dang manga hkraw nga ai. Dai hpe yu yang, Myen wa jaw ai hpaji hte sha gaw, gara hku mung mungdan lu na lam nnga nga ai. Anhte a hpaji ninghkring ni hpe mung, mayun gap sat kau ma ai lam ni chyu re. Dai majaw marai 1, 2 sha hpaji chye yang nmai sai. Yawng ngu na daram chye ra na re.
Mungdan(Kachinland) nmat na matu Lak nak wuhpung hte masha n gun nkau mi sin nga ra na re. Maigan kaw du nga ai ni gaw, galu kaba taw nga sai mungdan ni a, hpaji masa hka ja let, ndai mungdan hpe bai lu la hkra, mungkan madang hku bungli galaw sa wa ra na re. Ndai hpaji la na lam hta Malaysia mungdan hpe ngai ntsun mayu nngai.
Mayam ni zawn Malaysia mungdan kaw magam bungli galaw nga ai Jinghpaw wunpawng myu sha ni hpe sa du gawan yu marit. Malaysia mungdan kaw na buga de bai ginhtang wa let, buga kaw galaw lu galaw sha nga ai masha gade wa dang nga a ta? Shaning 10 jan nga yu sai masha ni a prat hpe yu dat ai hte chye lu nga ai.
Dai majaw Malaysia du nga ai J.W myu sha ni a matu lam masum sha nga ai;
1) Buga de bai wa na;
2) Malaysia mungdan kaw bungli galaw let nga nga na;
3) Mai gan mungdan le na;
Ndai hte kaw na anhte a matu gara wa mahtang kaja htum re na hpe myit yu ga.
Buga wa yang hpa galaw na myit a ta? Shawng nmyit yu na gaw hpa hpe mung ndaw dan ga. Malaysia mungdan hta ya ten, Asuya kawn tara n shang nga nga ai ni hpe lani hte lani grau grau shagyip shagyeng wa sai. Rim hkrum yang, Ri Dam hkrum sha na re. Muslim mungdan langai re hpe mung dum ga. Re yang, hpang jahtum langai sha anhte a matu lam kaja hte byin mai ai masa lam ni nga nga ai hpe mu lu ai.
Malaysia kaw Jinghpaw wunpawng myusha ni 2000 dang nga na re hpe maram lu ga ai. Law malawng gaw ramma pan ni re ma ai. Ndai n gun hpe lang let maigan mungdan hta myu sha magam bungli galaw na matu kaja dik ai hpe hkam la lu ai. Raitim, ndai masha ni hpe loi naw shakung jahpan ya ra na re. Yawng a matu myit yang gaw, UNHCR lam langai sha mu lu nga ai.
Masha yawng myit ai lam madung langai nnga yang myit hkrum ai lam nmai lu ai. Malaysia du J.W myu sha ni yawng gaw UNHCR myit mada ai hta bung nga ma ai. De a majaw KDO mung yawng hpe gahkyin gumdin mayu yang UNHCR lam hpe nmai yit kau na re.
Putao, Myitkyina, Hugawng, Man Maw, Sam mung kaw nga nga ai J.W myu sha ni gara hku myit hkrum ai lam lu na ta? Myit masa lam gaw langai hte langai bung nga ma ni? Malaysia mungdan hta dai shara ni hkan na masha hkum sum hpa du nga ma ai. KDO rung hta J.W myu lakung kru a ga shaga mai ai shara re nga ai. Magam gun ni yawng gaw, J.W Myu lakung kru a saidaw saichyen ni rai nga ma ai.KIA ,NDAK,KDA hpyen ma dingsa ni ndai mungdan hta du nga ma ai. Ndai mungdan hta anhte ni myit hkrum ai lam n lu yang gara shara hta lu na ta? De a majaw KDO gaw UNHCR hpe grau maju jung ai.
2,000 ngu ai masha n gun gaw, 1,000,000 mi ngu ai masha hte shing daw yang hpa nrai nga ai. Raitim, ndai masha ni gaw hpang de myu a matu akyu rawng ai masha ni byin tai ra nga ai. UNHCR kaw tang shawn ai anhte a case ni yawng gaw, Buga hta kaja wa byin nga ai lam ni sha re nga ai. Anhte myu sha gara lak nak lang wuhpung hpe mung hkra ai lam nnga ga ai.Buga na ni shanhte kata byin nga ai masa lam ni hpe mungkan de nlu tsun tim, Malaysia du J.W myu sha ni kawn, gawng malai tai let mungkan de tang shana ai lam re ngu hkam la ai. Jinghpaw mung hta byin nga ai ni hpe, J.W myu sha ni ntang shawn yang, gadai tang shawn na ta?
Maigan de yawng sa ga ngu ai hpe anhte KDO mu gun ni mung nhkap la ga ai. Raitim, maigan mungdan ni hta anhte masha ni nga nan nga ra ai. Ya ten, UNHCR rung hta, tinang a Kanu Kawa, Kahpu Kanau, Ningrum ningtau bang la ai hpe pat hkum wa ma sai. Ndai hpe chye na na matu tsun shana ai lam sha re nga ai.
Laga myu sha ni marai 1000 mi maigan du tim, marai 50 dang sha myu sha bungli galaw yang galaw na ma ai. Anhte myu sha ni marai 100 du yang marai 80 gaw myu sha magam bungli galaw na re. Dai zawn byin tai wa hkra KDO hta lit nga ai. Lit nga ai zawn ya ten, J.W myu sha ni shanu nga ai nta shagu hta KDO mu gun ni sa du let sang lang dan nga ga ai.
Ga malai langai nga ai; " Hpaji tam yang, maw hpyi zawn re u" da. Kaja wa myu sha ni kunghpan wa na, maigan mungdan du let hpaji hka ja wa lu na, hpang de myu hte mungdan a matu akyu rawng na she re yang, KDO gaw UNHCR hpe madung dat na sha re nga ai. KDO a laning mi galaw mat wa ai hte awng dang mat wa ai lam ni hpe chye mayu ai lam nga wa yang email hte kahtap san wa marit.
Yawng a ntsa e, K.K kaw na ngwi pyaw ai hte shaman chyeju gaw tut anga nga u ga law.
Myu sha lam hta,
Tangbau Kam Li
Ningbaw
KDO-Malaysia
Phone : (+603) 2145 0430
_____________________________________
Saturday, April 14, 2007 by Admin · 0
Subscribe to:
Posts (Atom)