Mail from people

DU KABA LAUWA ZAWNG HKAWNG HPE HKUNGGA JAW N NGAI

2012-01-24T21:53:00.002-08:00

Ngai gaw, Du Kaba Lauwa Zawng Hkawng Hpe Hkungga Jaw Nngai.

Du Kaba Lauwa Zawng Hkawng (Sutdu Kaba), nhtoi 21-1-2012 ya 6:40 a.m aten, Madu Yesu hta yup pyaw mat wa sai shiga gaw, mungkan ting chyam bra mat wa sai. Lamu ganghkau laika pa hta yu dat yang, yawnhkyen ai, hkungga ai, shakawn shagrau ai, dinglun ai, ahpyak ai, jahpoi asawng ai, kinsha lasha ga du hkra hpring nga ai hpe mu lu ai.
Kadai hkawhkam wa rai ti mung, gara share shagan wa rai ti mung, hpaji ninghkrin wa mung, tsi sarawun wa mung, suthti kummi wa mung, matsan jahkrai wa rai ti mung, lani mi si na sha re. Shinggyim masha gaw, hkum hkrang si mat tim, mying hkrung nga lu yang, dai gaw myit dik mai ai lam re. Masha law law wa hkum hkrang asak naw hkrung nga ninglen, mying si mat ai ni nga ai.
Ndai ten na Jinghpaw Wunpawng sha ni a mabyin sat lawat hta, kaning rai yang, hkum hkrang si tim mying hkrung lu na ta? Kaning rai yang, hkum hkrang naw hkrung nga ninglen mying si mat chye a ta? Ngu nna ga garan sanglang dan na gaw, n si ai tsi sara, n shut ai tara kasa n nga ai zawn, tinang nang sawn ginhka la yu saga.
Jinghpaw Wunpawng sha ni gaw law la ai amyu ni n rai nga ga ai majaw, shada da pu gang sin machye chye ai myit, shada da makawp maga hkat chye ai myit, shada da mara raw hkyamsa hkat chye ai myit, shada da myit tau hkat chye ai myit, shada da arawng la hkat chye ai myit rawng ai rai yang, grau kaja na re hpe mu mada ai. Kadai mung hkum tsup ai gaw n nga ai. Agung alau ngu ai gaw, Yesu kaw pyi du pru ai lam Chyum Laika hta mu lu ga ai re.
Hpa mi rai tim, Du Kaba Lauwa Zawng Hkawng a myu tsaw myit gaw, hkungga shagrau ging nga sai. KIA rai yang she shagrau na; NDA-K (ran pru) re majaw nyeng nau n garu ai zawn re ai hku tsun shaga dinglun ai gaw n manu mu ai. Hpa baw nawku hpung hku kamsham hkan sa ai raitim, sumsing mungdan hpe myit mada ai lam maren sha rai nga ai zawn, hpa baw shingteng amying hte rawt tsap ai raitim, myu tsaw ai lam maren sha rai na ga ai. Wuhpung wuhpawng n bung hkat wa ai lam; shada hpai shai nna ran pru ra ai lam ni gaw, byin chye ai hkrai rai nga ai.
Gawng shingyan a ntsa asawng asang nga tsun shaga ai mung n htap htuk na ga ai. Kan tit ai hpe nau lu su, nau lu sha nna tit ai ngu dinglun jahpyak tim, tsun dinglun ai wa mahtang she hpoi na rai nga ai hpe dum ra ai. Kade lu sha tim hpum n hkraw ai ni nga ai zawn, jahpawt shana japhtu hte hkrai sha tim, hpum she hpum wa ai ni mung nga ai. Hkum hkrang kadun la ai hpe n kaw n law ngu tsun tim, gawng shingyan galu ai ni n lu galaw ai magam law law shi galaw lai wa sai.
Jinghpaw Wunpawng sha ni a rawt malan hkrun lam gaw, kade wa naw galu na kadun na kadai n lu tsun ai. Kadai wa a asak hkrun lam kaning rai hpungdim na mung n chye lu ai. Hpawt ni na lam hpe daini anhte garai n mai gumrawng ga ai. Anhte a nsoi nsa anhte a hkum hkrang ni Lauwa Zawng Hkawng hpe hkum tsun, gwi wa mang daram pyi n rai mat na kun kadai n lu tsun nga ai.
Daini gaw, Jinghpaw Wunpawng sha ni yawng, Du Kaba Lauwa Zawng Hkawng hpe hpang jahtum hkungga jaw dat ging ai nhtoi aten rai nga mali ai. Du Kaba Lauwa Zawng Hkawng NDA-K kaw na ran pru nhtawm, shi si ai shani du hkra, myu hte mungdan a ntsa sadi dung magrau grang let, share shagan lai wa sai gaw, kasi la mai ai lam nan rai nga sai. Hpunau kau mi tinggyeng nga manu lam hta machyu ai ninghkan jasam wa a lagaw lata myi na tai nhtawm, hkrap let wa pu shup nga ai ni hpe yu yang, Lauwa Zawng Hkawng gaw, jaw ai maga lata la hkrup sai lam danleng nga ai.
Ya aten hta Du Kaba Lauwa Zawng Hkawng a hpyenla ni shawng lam majan pa hta tsap nga ma ai hpe na chye lu ai majaw mung arawng la shagrau hkungga ai. Tengman ai labau lit hta apnawng daw jau gun hpai ai lam majing rai nga ai. Dai hta grau ai kaga hpa n nga sai.
Anhte gaw, myu hte mungdan a n tsa sadi run let lam dam nga ai ni hpe mung n mai kabai kau nga ga ai. Sagu latsa hta jahku shi jahku hpe lawng e rawng da lu tim, mat mat ai langai hpe naw hkan tam ra ga ai. Anhte a sai daw sai chyen ni; kalang mi na anhte a myit rum share shagan manang ni hkrai rai nga ma ai. Shanhte a matu chyinghka hpaw da let, myit galu kaba madun ra ga ai.
Jinghpaw Wunpawng amyu sha ni agrin nga dingsa Du Kaba Lauwa Zawng Hkawng a mying mung agrin nga na sai. Du Kaba Lauwa Zawng Hkawng a asak wenyi gaw, Karai Kasang a htoi kabrim ai sumsing htingnu e, htani htana asak hkrung let, ningngai lu na hpe myit dik kamsham let, hpang jahtum shagrau hkungga dat nngai law.

Watsat Hku Chyingtek
25-1-2012

RAU SA NA KUN?

2012-01-24T21:53:00.001-08:00

Munghpawm langai hku n'kam sa sai majaw myen hte bawsang ni dai ni du hkra gasat hkrat ra nga re, madu mung daw madu ga hkrung shada up hkang shangun mayu yang hpa majaw dai ni du naw gasat ra nga na rai ta? Dai ni KIO/KIA a mung masa ningshawn gaw ngai hku na mu yang munghpawm hku sa n'htawm madu mungdaw madu up hkang lu ai de sa nna, madu up hkang ahkaw ahkang lu yang gaw mungdan lu ai hte maren rai nga ai dai kaw na awmdawm shanglawt lu na gaw naw n'yak na re, ngu ngai hku na mu ai, raitim myen gaw dai masa de du hkra n woi sa ai, manai makai rai ten garawt nga ai, kaja nga yang UNFC hku teng myit hkrum ai hte bawngban sa lu yang gaw mungkan na mung madi shadaw ai hte grau htap htuk ai, n'gun nga ai re, myen hkrit tsang dik ai mung dai masa re rai yang ya dai masa n'du shi yang UNFC gaw shingran zawn mung masa pandung n'du ai de du nga ai.

Hpyen masa ginsup ai gaw hkum hkrang dubaw asak htu jaw nna ginsup ai lamang rai nga ai zawn hpyen masa ginsup ai a marang awngdang ai hte hkrat sum ai lam byin shangun nga ai. Yawn hkyen jamjau arang law law bang ra ai hte kabu kara ai n'gun kaba mung byin shangun nga ai. Mung masa ginsup ai gaw masha law law hpe galai shai shangun lu ai zawn masha hpung kaba hpe si shangun nga ai. Raitim myu langai mi matu gaw mung masa hpyen masa n'nga yang n'mai ai ahkyak kaba re.
Ahkyak kaba ai,manu dan dik ai, sutlu manu dan dik ai lamu ga mungdan re majaw masha yawng a ra sharawng ai, manu shadan ai, myit shang sha ai hte hpyen law nga ai re. Dai ni annau ni hpe grau myit shang na matu, grau mung masa amyet lu na matu hpaga masa hpe mung masa hpyen masa hku jai lang ra nga ai re. Masha yawng myit shang sha nga ai hpakant hpe pat ra ai zawn Dap kaba 4 dung 8 hku len shalai na hkyen nga ai Gas salu hte yenan sau dumlawm lam hpe pat nan pat ra ai hte anhte ahkaw ahkang n'lu ai, ahkang n'hpyi ai nmai lai hkra galaw ra ai.anhte lamu ga hta galaw nga ai hpaga masa yawng hpe n'mai galaw hkra jahten ra ai, myen hte miwa a lapran hkra machyi ai lam nga yang chyu mung masa hpyen masha amyet pru na re majaw yawng myit shang sha ai hpaga masa hte mabyin shara ni hpe jai lang ra nga ai.
Mung masa hpyen masa hku madi madun na gaw hpyen yen tsin yam masha ni re, dai ni mabyin hte garum ningtum ai lam hpe law law htawng madun ra ai, myen gaw dai ni hpe shinggyin nauna myit hte garum na ladat n'nga ai hte sat sharu nga ai myu shamyit nga ai masa hpe ja ja tsun madi madun ra ai, Garum sa wa na ni hpe mung pat hkum ai masha shinggyin ahkaw ahkang tawt lai ai lam ni hpe law law lawan lawan ten shagu lang hte lang htawng madun ra ai,UN hte EU Asean US de ding yang tang ra nga ga ai.
Ya kalang bai n'gun kaba dat nna maigan du myu sha ni yawng mungdan shagu ninghkap n'gun kaba lawan madun ra ai, mung masa lam bawngban sa wa na hta n'gun kaba re.rawt malan masat shani yawng n'gun madun lu yang kaja dik rai na re.
Myen hta miwa hpe grau hkrit ra ai,myen mung kaw shaning galu sai chyup lu na matu myen hpa galaw shangun yang galaw ya ai, maidang masawp kashin shangun tim galaw na sha re,myen a kaichyan yawng gaw miwa chyu galaw ya na masa nga ai. Manu dan dik ai lamu ga re majaw miwa a hpaga masa gaw annau ni matu tsang dik ra ai hte hkrit tsang ra dik ai lam re.
Yup pyaw nga ai madu a ma ni a myi man hpe azi yu masawp yu nna n'gun la ga.
Shanglawt sai.
Baren Numraw

MUNG SHAWA MAKAWP NINGGANG

2012-01-24T21:52:00.001-08:00

Tsawra hkungga ai JWP myusha ni e,,

1. Anhte n dai ten hta e n ngut shi ai rawtmalan PADANG HKRUNLAM MAJAN MASING hta e Myusha hte Mungdan hpe magrau grang grang makawp maga mat nna Hkrat sum mat sai share shagan ni hte Hkala n ba hkrum taw ai share shagan ni hpe anhte mungkan shara shagu hta e du taw ai JWP myusha ni hku nna n dai rawt malan poi hpe mahta la n htawm alu gumhpraw hpe gahkyin la nna shanhte ngam da ai kanu kawa kahpu kanau ni hpe shalai ya, Hkala taw ai ni hpe mung n gun jaw ga sa shaga ya, kumhpa shagrau jaw ya let Anhte Myusha ni a Tsawra myit hpe jawm madun ga ngu saw shaga mayu ga ai. Anhte langai sha re nga ga ai, Pu gang jang sin machyi ai ngu ai hpe anhte n dai lamang hta shanglawm let madun sa wa ga law.

2. Maning na Rawt malan poi kawn hpang ai "Mung Shawa Makawp Ninggang" kumhpa hpe dai ning na rawt malan poi hta e bai shagrau lu na matu mung yawng jawm shanglawm sa wa ga,
n dai kumhpa gaw
Mung shawa kawn Myusha hte Mungdan a matu tinggyeng hku nna a tsam dat shakut nga ai ni hpe shagrau kumhpa jaw na hku re ai, n dai lamang hta gaw maning e NDF party kaw na Slg. jan Bawk Ja hpe maning na rawtmalan poi hta shagrau ya sai hku re ai.
Dai hta e shagrau ya gring ai ni a mying jahpan ni hpe mung sa ya marit, lata la nna yawng e hkawn ai hpe jawm shagrau sa wa ga.

N dai lam a matu mung anhte yawng Ja gumhpraw hku nna shanglawm sa wa na matu saw lajin dat n ngai. N dai lam hte seng nna shara shagu de du taw ai myutsaw mungtsaw myitrum ni yawng hpe bai shana hkat na matu lajin dat n ngai.

Myit hkawn, myit lawm ai ni bungli rau jawm galaw sa wa lu na matu jawm bawng ban ga.
Shagrau sha a gring ai ni hpe anhte jawm nna shagrau sha a let n dai Padang Hkrunlam majan masing hpe awng dang wa hkra jawm shakut sa wa ga law.

Ong Lahpai,
+4552811075
Willemoesvej, 13.st.th
6760, Ribe, Denmark

Thank you note from amb Mitchell .pdf ( click on)

2012-01-24T21:51:00.001-08:00

GA MUNG SHAGA, HKALI MUNG ASHAP

2012-01-24T21:50:00.001-08:00

Hkung ga let,
Mungdan Shanglawt Asuya KIO/KIA ningbaw ningla hpushawng hpuba ni hte mungchyingsha ni yawng hpang de ngai langai mi a ningmu hpe tangmadun shana dat n ngai.
Jinghpaw Wunpawng Myusha ni hte gaga rudi Wunpawng Myusha ni yawng madu uphkang ai mung(Kachin land) hpe tsep kawp lula na matu shakut shaja ding yang rai nga ai ndai ten hta hka hpunla grai ja dik ai hka ga-ang kaw du taw nga saga ai re hpe anhte yawng dum ga. Dai re majaw GA MUNG SHAGA HKALI MUNG ASHAP let matut shakut sa wa ra sai ngu mu lu nngai.
Tsun mayu ai gaw tara nlang ai Myen gumshem Asuya hpe n-gup aga mungmasa bawngban ai lam ding yang raitim Sinat lashawng gang ai lam mung n mai jahkring ai.Ga sha shaga nna hkali n ashap yang gaw anhte jawn tsap taw nga ai hkali gaw ndai ja dik ai hka hpunla kaw yawng lawm mat wa ai hta n-ga, Nammuk dara kata de lup mat wa chye nga ai.
Rawtmalan hkrunlam dai ni 50 ning jan hkra na mahkrum madup hte maram dinglik yu ai shaloi ...
(1)Sinat mahku nsen ngoi taw nga ai ten hta tsun shaga ai ga myu mi.
(2)Sinat mahku nsen zim mat jang tsun shaga ai ga myu mi.
(3)Daini tsun ai ga daini tara shang nna,hpawtni gaw tara bai n.shang mat ai, tara nlang ai lup mat amyu (Myen) re.
N-dai ja dik ai hka hpunla hpe myithkrum mang rum ai hte laidi lu hkra jawm shakut sa wa ga.An nau ni ngwi pyaw ai madu uphkang Mungdan lu na sha rai sai

Sau Nan Du
Sweden

Mana masu

2012-01-24T21:49:00.000-08:00

Mana masu nna nga kaba kapung sha mayu ai, myen gaw Democracy masing hkrang numshawn hpe kachyi mi mung grai nchye hkawm shi ai (2) ning ma kaji zawn, sinna dan ni hte tinang shingwang kata kaw mung chying masha ni hpe n'tsa lam hpyi masu hpun tawn nna adan alen masu taw nga ai.
Bawsang yawng hte ten langai hta shara mi kaw, lamang mahkyen jahkrat nna n'gam hte n'gam langai hpang langai masing shawng jahkrat dan nna, tsang hte tsang mai bawng ai. Bai sharen da ai bawng masha ni hpe mung ten langai hta, atsawm jahpan la nna kalang dat mai dat ai re, hpa majaw ten garawt nga ai kun? Hpa majaw madu mana masu ai hpe htawng madun nga ai kun? Shingna shingnyip mu yang hkrang hpe mu chye sai ten madu myit n san seng ai hpe madu gaya n chye ai hpe hpa rai madun nga ai gaw Gumshem myit, hpyen myit grai nmat shi ai, nsawn n'ang ai gumshem daru aya hte naw up hkang sha mayu ai ladat a jaw re hte, hpyen u shoi naw dun nga ai kumla sha re.
Tinang dep magra lu ai masha, tinang shingwang hta tinang a matu hkra machyi ai lam n'nga ai ni hpe dat masu ai shatsawm masu ai, mungkan na tara shang asuya langai masat lu hkra bai pat tawn ai, hpaga masa hte bawngring lam yawng hpe hpaw ya na matu, hkabun hku mu hkrup ai shuchyit zawn, ba hkang she tat daw mi dang chyang, gungbang tawn ai nga chyayet hpe la malau sha nga ai. Shani tup gatet tim udi gaw langai sha, rau yup nna du manat sat ai masa de naw shanang na kun? Madu hkrai sha na sha shadu tawn nna shat ban (1) hta, bawsang law law hte rau chyawm sha ga nga mai na kun? Madu lamu ga na lu malu yawng gun sa nna, madu matu n'lawm ai shat hpun de sa na kun? Kadai mi simsa masat htu htu, hpa mi byin byin, annau ni hte n bung ai nseng ai, annau ni shawng lam de kara hku chyawm galaw yang shanglawt lawan lu na de she myit sa wa ga.
1-Panglong ga sadi mung shanhte ahkyak n'tawn sai.
2-2008 a gaw da ai Tara hkrang mung mai galai na nre.
3-Anhte lamu ga hta jung tawn ai, htu tawn ai hpyen dap, hpyen n'gun mung dawm kau ya na n're.
4-Hpyen majan simsa lam sha madung tawn ai.
5-Mung masa hte bawngban mahtai tam mayu ai lam n'nga ai.
6-Munghpawm hkrang masa n'nga sai.
7-Tinang up hkang mungdaw n'kam jaw ai.
8-Anhte hpe hkrai n'gun kaba hte gasat na.
9-Tara hkrang kalai kau na lam n'nga ai.
Mung masa hte bawngban sa na mahkyen masing shawng n'hpaw dan yang kara hku bawngban na lamang shawng nmu yang bawngban n'sa ai nga dan yu ra ai. N'dai ten myen hpe n'mai shakya ya sai. Ja ja mazut zut dawdan ga. Myen hpe galoi n'mai kam ai. Mung masa hte bawngban jahkrup nna mahtai tam sa wa na lam n'mu yang, hpyen masa nmai jahkring sai hte, myi htan tu ladat, jau gawng ladat hte machyu pala (1) hta tai hpyen langai hku shara shabra, masha n'gun shabra nna, n'sim nsa, gap shatsang ra sai.
Hpakant hpe pat nan naw pat kau ra ai. Hpaga masa yawng pat ra ai. Mung masa mahtai lu jang kaja nan simsa chyalu re, mahtai pru hkra shanglawt sha nlu dingsa ja ja naw gasat yang she kaja na re. Mana masu nna nga kaba kapung sha mayu ai hpyen hpe Tinang mungdaw up hkang lu ai masa sha n'du dingsa gung bang tawn ai, mung masa nga chyayet hpe madaw naw dam jaw, tawn jaw ra ai. Bawsang yawng hte simsa lam kade mi la la, shanhte hte annau ni nbung ai, annau ni hpe hkrai dasang gasat ai gaw annau ni matu grau kaja ai hte grau ga tsun n'gun nga ai hte mungkan na asan grau mu chye wa na re. Sam chyang ni hte ningma hkang alun na lam de myen gaw hkyen tawn magang sai. Sumprat kaba dawk na, wa hkali dat bang na gaw myen a bungli re.
Dai ni mahtai lu ra sai ten kaja nga yang, hka hkanu nga yang lawan nga hkwi ga. N'dai ten myen a hpyen masa mung masa mungkan na ni chye hkra n'gun hte htim gasat yu ra ai, shaloi she myen gara hku ka manawt wa na grau chye na re.

Baren Numraw
By JPKS

KIO A MUNG SHAWA HPANG DE N DAU LAIKA

2012-01-16T20:33:00.001-08:00

OPEN LETTER TO UN SECRETARY AND HELLERY CLINTION

2012-01-16T20:28:00.000-08:00

SIMSA LAM HTE MUNGDAN LU NA N RE

2012-01-16T19:42:00.000-08:00

Jinghpaw WP amyu sha ni myen ni hte n mai kanawn ai gaw Karai Kasang mung chye sai, mungkan ting mung chye sai. Jinghpaw WP myu sha ni Laksan mungdan lu hkra Karai karum taw nga sai. Dai hpe ningbaw ningla ni gaw kamsham ai myit hte lajin ai lam hkrak hkrak galaw ra ai. Ya Shanglawt dap hku nna Hpakant hpe magra dat ai gaw grai nan jaw mat sai. Ya she miwa ni hpe kachyi mi hkra ai. Dai hpe gaw n mai tat ai. Ya pyi gaw simsa lam jahta na matu nga nna sa jahkruk shangun ai ni pyi n sa wa shi yang Hpakan ga de hpyenla 3000 bai dat na lam shiga pru taw nga ai. Dai majaw sawa lai hpe jai lang ai ni hte gaw galoi mung jahkrup n mai na re. Ya gaw myen hpyen ni dumbru dumgra byin hkyen taw nga sai. Dai majaw, shanhte rim bang da ai ni hpe pyi gaw bai shalawt let, myen amyu ni lahkum n shamat na matu chyawm bawngban taw nga sai. Shanhte shada n hkrum hkat tim, myen amyu ni ayai maw wa sai re majaw grai tsang wa ma sai. Dai majaw Shanglawt dap hku nna-

(1) Hpakan hpe n mai tat ai. Ya, myen hpyen ni a shang gumhpraw daw mi yawm mat sai. Dai sha nka dai gaw Jinghpaw WP mungdan gawgap ai shani dai hte arang galaw ra ai.
(2) Kaga amyu ni hpe tsepkawp n shang shangun ai sha, nga taw sai ni hpe mung Hpakant ga kaw na wa mat hkra ladat shaw ra ai. Hpa majaw nga yang, mungdan nnan kaw e, bungli n lu ai Jinghpaw amyu ni a matu kanbau ginra shatai ra ai.
(3) Ya Shanglawt dap hte myit n hkrum ai zawn rai taw nga ai, NDAK ni, Lasang ni hpang tim, myusha lam yan masing hte seng nna myit galu kaba the zinglum ai shiga ayan shalai ya yang mai na re. Hpa majaw nga yang masa lam hpe kaning n mai galai shai hkraw ai majaw kade n kam tim kanawn nang taw nga ai ni grai rawng taw nga ai. Dai ni gaw nau nna yang Shanglawt dap the langai sha tai wa na rai sai. Jinghpaw WP myusha ni myithkrum wa jang myen hpyen ni hpe hkum tsun kaning zawn re hpyen hpe mung dang na sha re.
(4) Kaga amyu rawt malan hpung ni mung Shanglawt dap hpe grau kamhpa wa hkra, ayan matut mahkai let shanhte a ginra kaw e majan hpe mai byin ai daram hpaw na matu n gun jaw ra sai. Dai lamang mali hpe shata manga dang lu shadik shatup jang mauhpa lamik kum la paw pru wa na re.

Ningbaw ni e Plan kaba she soi ga. Wuhpung nawng nawng kasa hkat n mai ai shara kaw e, marai masum hpra rai nna jaugawng hpung law law hpaw let, shara law law kaw na hpyen ni a chyinghka lam hkan, hka ja lam, hka shin lam, gat sa lam re ni hkan kahti galai hkan sin ai rai yang hpyen ni na na hkam na n re. Lu gap ai hta hkan let shagrau ai lam mung galaw ga.

Simsa lam bawngban let gaw nau nmai shana ai. Ya gaw miwa ni mung machyi lawm sai re majaw, majan ladaw na wa jang, miwa ni mung grau grau maw lanyet lawm wa na tsang ra ai. Hpa majaw nga yang, anhte amyu sha ni law law gaw miwa mung kaw na n gu ni, tsi mawan ni, kaga shahpa ni hpe madung jailang taw nga ai re majaw, dai zawn re kaw e, dingbai dingna byin shangun ai tsi amyu myu kayau bang na dut shalai ya na hpe mung tsang ra ai. -myen the miwa hpe gaw maren tsang ra ai re. Hpa mi nga tim, n dai majan gaw myen ni anhte amyu sha ni hpe yu kaji ai a majaw byin wa ai mabyin re majaw myen yawng mayawng, hpyen da, mung masha ni da, myit galai shai ai lam nnga ding sa gaw ya simsa lam la tim, hpang e naw byin wa na sha re. Dai majaw kaja dik htum gaw ya shade madang du hkra woi shakut sai the maren, lam daw mi kaw n jahkring ai sha, WP mungdan hpe ladat hkra hkra the woi gapdi la na sha ra ai. Ya na zawn , ding yang shakut mat wa ga, WP mungdan grai ni sai.

Shanglawt hpyen dap ting hpe Lamu kasa Gabriela woi awn u ga.

HELP KACHINLAND FREE

2012-01-16T19:41:00.001-08:00

Out of 15 associations in Kachin Baptist convention, 10 have been devastated by the regime government so far. All the Kachin villages have become desolate places. Villagers’ livelihood has been destroyed; their belongings have been taken away as booties by the regime soldiers in more than one hundred villages. More than seventy thousands are at refugee camps. The rest of the Kachin population in towns, cities still stays at home, but they are like under-house arrested. They cannot do their livelihood. Typically, Kachins earn their living working in the countryside. By grace, humanitarian organizations, International communities, and some institutions have been providing the refugees food and shelter. But now, towns, cities dwellers are beginning to face shortage of income and food, too. The life of Kachin people has been restricted inside or outside the cities. Many of them are beginning to mortgage their houses and homes. When regime soldiers meet travelers in the buffer zones, they ask the travelers if they are kachins or non kachins. These soldiers let go non-Kachins but stop kachin travelers and put into jails, torture, dress them uniform, use them as human shields or potters in the battle. The soldiers have even killed several motorbike riding travelers by mistake in different areas. In fact, this is lexical cleansing of the regime government on Kachin people. Since the land of this small Kachin population sandwiches between non Christian countries of China, India and Burmese, these giants neighboring countries are also deliberately conspiring against small Kachin society and applying ammunition to wipe out small Christian society. In doing this, Chinese will harvest the natural resources freely, if Kachin population is crashed. With all these reasons Kachin people no longer see China and India honest looking at their immigrants living in Kachinland. Without these business people, regimes will have gone long ago. As Wang Kya Pou, Chinese prime minister said, “Mainland China is responsible for the wellbeing of these outside Chinese immigrants.” To protect the right and privilege of the Chinese in Burma, China supports regime all that they can, so as India. For the freedom and independence of the Kachinland, it is too hard for Kachins alone to struggle against these giant nations, but Kachins will never give up. When Kachinland is free it will be easy to free all other minorities, including even Tibet plateaus. Being in the middle of the two most populated nations, Kachinland is the most strategic point of these areas.

This is critical situation for Burma. It is very important that western leaders do not take in what this whitewashed regime says. In the news, magazines, there is news about the changing of Burma, but that is in their Burmese ethnic regions, not in Kachinland. They close the door to Kachinland for foreigners and make all sort of presidential lies. The president is only the puppet to deal with the leaders, but militarists are doing different jobs, they even use chemical weapons in their heavy shellings that are quite different to what president says to the international community. Their intention upon ethnic minorities is unchangeable unchanged. So, Western countries, The United States should stand on the side of ethnic groups and help Kachinland free directly if the west wants to see the genuine democracy in this region. Concerned leaders should not take time too long to provide KIA with ammunition directly. Then, KIA will not need much intervention of International Community. They will get back their land on their own. What the KIA needs now is ammunition. It is no use of having modest consultations with Burmese regime because they are not different from Somalia pirates or bandits. For example, they themselves explode bombs in the city centers to impose martial laws and arrest the people they suspect. They seize and imprison the civilians for hostage to bargain with western leaders, in order to have sanctions free. As the whole world sees, they have unwillingly acted out to a couple of western leaders’ demands, but what they have done is just to get what they want in order that they may be able to bully the weak worse.

During the Second World War, by the time, America joined alliance and saved Europe, Nazis had already wiped out millions of Jews. Today, world leaders should not let the same story repeat into this small Kachin society before it is too late. This Kachin society, though small, should also enjoy peace and prosperity managed by the leaders of the global society, but definitely, not by the regimes.
In the opinion of ethnic minorities, western leaders have been heroes in saving the countries and balancing the world since World War II. They still have a great hope on western leaders. They look up to them to live up to their reputation especially while these ethnics are in trouble. Unless Democracy countries and The United Nations help this small nation out of conscious decision in this critical situation, their role and attempts in global society will simply be fruitless propagandas.

For Kachin society, this is Armageddon war. This is too small to compare to the wars in Iraq and Afganistan, but for Kachins this could be the last war. If regimes lose Kachin will survive. If regimes win, Kachin will be finished, later on other ethnic groups will suffer the same fate because in the regimes top secret, they are to wipe out Kachins. While they are eliminating Kachins, they are to offer artificial peace-process to other ethnic groups. When Kachins are gone, they are to take Karen ethnic groups for the second. This top secret came when old Burmese saw British began to use hill tribe people in some of their management. The old Burmese began to see hill tribes as their future rivals. Then, an old Burmese activists group of colonists called “Takhin youth” meaning ‘the lord youth’ organized this secret plan of Burmanizing the country into one single race and single religion. Since then, this secret plan has been handed down by “Takhin youth” from the last moment of British colonels down to the present regimes. The regimes have changed groups after groups, but the top secret remains alive. After all these things, it will not be possible for Kachins to be living in union again because the regimes have imprinted racism to thousands of their young elements of different sectors. It is important to help the Kachinland free and stop all sort of boosting the terrorist Burmese regimes.

Labels: English version (Kachin News)

DARU MAGAM

2012-01-16T19:39:00.000-08:00

Mungkan hta grin nga lu ai myu sha langai tai lu na matu, Tengman ai Daru magam up hkang Tara masing hkrang gaw ahkyak dik htum re ai.

1-Rau shawng de numshawn shaw sa na lam
2-Rau shimlum shanglawt rawtjat galu kaba sa na lam
3-Rau bawngring sutsu nga mai na lam.
4-Rau Htunghking laili laika Ga hpe matsing sumhting sa wa na lam yawng hta,
Myu sha ni myit mang langai sha shabawn nna, Tara ritkawp langai a kata hta rau myit hkrum mangrum ai hte Ra ai magam lit ni hpe rau chyawm gunhpai shakut na matu Daru magam up hkang Tara hkrang gaw ahkyak dik htum ai lam rai nga ai. Pandung langai de rau lata gindun nna rau chyawm shakut sa na matu n'jaw n kaja ai, Tara Ritkawp masing hpe lai kau ra ai zawn n'jaw ai, n'kaja ai myit jasat myit masing masa yawng mung kabai kau ra ai hpe kabai,
prat madang ndep mat sai, myit jasat masa hpe mung tawn kau,n'jaw n'sawn n'ang ai myit lai len ni hpe mung kabai kalai kau yang chyu lawan shanglawt lu ai de du shang wa na re.
Dai ni myen Gumshem gaw annau ni hpe teng myu shamyit shamat ai masa hte gasat nga ai, kaga bawsang ni hpe galoi n'jaw yu ga ai,ahkaw ahkang hpe jaw nna simsa lam gabaw masing hte Ta masat htu ai,grai tsang ra ai lam numbraw kaw shatsap tawn nna hpraw ai kun? Chyang na kun? Moi na zawn ju panyep nyep tawn ai, ningma hkang dingsa alun madun ai de kun? Shing nrai Democracy simsa u shoi dun ai de kun? Myen a ya ten shamu shamawt ai hpe ten la nna grai naw ding lit yu ra na re.
Hpa majaw nga yang bawsang rawt malawn hpung yawng hte Democracy hpung ni yawng hpe ten langai hta rau rapdaw hta man 3 hkrum rai mai bawngban ai. Lama munghpawm tai wa ai ten hta mung rau rapdaw langai hta chyu chyawm bawngban sa wa ra nga n'rai i? Ya gaw annau ni hpe hkrai
dasang gasat nga ai, htawng masha ni hpe lang hte lang dat ai, ndai gaw myen a n'tsa lam mung masa ginsup ai re hpe asan mu chye mai nga ai hte
myen a hkrat sum ai kumla nan rai nga ai. Kata lam manghkang kaba nga sai kumla re. Myen kade manai ai, kade naw tsang ra ai myit masa re, hpyen dap sha madung naw rai nga ai zawn re masa gaw myen hpe nmai kam ai kumla, garan ginhka nna simsa lam bawngban jahkrup sa ai lam gaw myen a nsan nseng ai myit masa kumla re. Hpa wa nga tim ndai ten annau ni hpyen masa, mung masa lam hku myen tai hpyen wa hpe awngdang nga sai ngu sawn mai ai zawn mung masa hpyen masa amyet lu nga ai ten re. Yawng chye ai hte maren shanglawt gaw loi loi nmai lu ai zawn mayak law law kaw na she shanglawt ai de sa wa ra nga ai re,ntin ga.shaning galu dudaw saihkaw sai, htawng rawng sharen hkrum ai, nam rawng rawng ai, makru hpa shat sha, jum nlawm ai simai, jamjau shadang htum hkam wa sai, kawsi htansi, hkabra- hkrapngu hkrapngwi yawn hkyen hkrum nna arang kaba bang wa saga ai, tsin yam hte rau sak hkrung wa saga ai, ya ten NUWA hpu shawng hpuba, ji n ban yawng ruyak jamjau kata kaw na, majan pala lapran kaw nna, hpyen yen tsin yam ten kaw na myu sha yawng a matu arang bang ya ai majaw arawngla ai hte shagrau sha a nngai law.
Kaga Bawsang hpung 1 hte simsa masat htu shagu annau ni a matu n'gam 1 shanglawt lu na de grau nyi wa ai, myen a matu gaw 1 hte masat htu magang dubaw de Daru tara sumri 1 shakyet la magang, 2 htu shanglaw na de grau nyi, myen 2 shakyet la, 3-4-5 dai hte maren sha re majaw annau ni hte simsa lam ntam ai gaw grau kaja ai de lawan du shangun na re. Mung masa, hpyen masa, Daru tara up hkang hkrang hte ten masa gaw annau ni hpe tengman ai awmdawm shanglawt lu na de woi lakawn nga sai, naw hkam sharang ga, naw dating ga, annau ni teng man ai padang hkrun lam majan hte
arang bang gasat nga ai zawn, Democracy hpung nkau hte, shinggyin ahkaw ahkang hpyi hpung ni Sinna democracy Slg kaba hpung ni yawng shi manyi ai hte kya dik ai masing masa kata lam hku myen Gumshem hpe nmai shamu shamawt hkra grup grup hku nna gasat hpyi shawn nga ai, lani hte lani ten hte ten,myen a Daru up hkang tara hkrang hpe lapu du manat hku shakyet nga sai re. Dai majaw annau ni a matu kaja dik ai masa gaw du nan du nyi wa sai zawn annau ni hte nbawngban yang n'ngut ai, bawng nan bawng ra chyalu re raitim annau ni ra ai masing masa Daru magam up hkang lu ai hkrang de lu sa hkra she naw shakut ga, ahkyak hta pausi di, Udi matu tam nmu n'byin u ga, myit malai kalang bai nlu nu ga, ten masa hpe ja ja naw la maram yu ga.
Myen a kalai kau yak ai daru up hkang hkrang masa ni.
1-Hpyendap chyu sha mungdan a kanu kawa, Teng mungdan langai a kanu kawa jet gaw mung chying shawa she re,Daru magam up hkang hkrang hpe mung shawa hpe n'ap gwi ai.
2-Mung chying shawa gaw up hkang hkrum hkam masha masa. mung chying shawa a nsen kaba hpe n'madat ai tinang hpyen dap ra ai gumshem tara hkrang hte up hkang ai.
3-Hpyen la ni a sinat mahka hta she Daru magam up hkang tara grin nga ai. mung chying shawa yawng hpe n'sawn n'ang jahkrit shama,n'htung waw ai n mu mayu, hka ja wa ai hpe she mu mayu ai zai dik ai ladat,Dusat masa up hkang ai.
4-Hpaji ninghkring hpaji chye ai ni hpe shara njaw ai. Hpaji chye ai ni hpe dip tawn ai, n'kam ntsen ai,sinna tara shang ai ni nga nna ginhka kanawn ai.
5-Myu bung ai, makam bung ai ni hpe sha arawng aya kaba jaw ai, lahta tsang mu gun masha kaba tai na matu, myu bung, ga bung ra ai, makam bung ra ai, jaw tim njaw tim tsun ai hku galaw chye ai wa hpe shatsam ai, [ga shadawn hpyen du jaw, lahta tsang masha kaba shatsam sharin jawng ni hta myu bung ra ai myen myu rai ra ai, Bukda makam bung ra ai ni, tinang tara kata up hkang masha hku hkam la ai ni hpe lata san ai]. Ndai ni sha n galai kau lu yang myen hpe nmai kam ai. Ndai Daru magam up hkang hkrang sha nlai kau dingsa anhte bawsang ni hte rau mung hpawm hku rapdaw langai hta chyawm tsap ga ngu ai gaw grai myit yu ra ai lam re, bai simsa lam tam nga ai. U Awng Min tsun ai shada da kam hpa ai lam naw ningra ai majaw anhte hte mung masa loi nmai bawngban ai nga tsun ai, kaga bawngsang ni hte gaw hpa majaw ta? Anhte hpe hpyen man 1 hte n'gun kaba hte lu gasat dang hkra masing jahkrat ai lam sha re. Dai gaw myen a kaya nchye dik ai hkrat sum lam re. Miwa hte hpaga masing hten wa sai. dai majaw miwa hte galaw ai hpaga masing yawng hpe ja ja jahten nan jahten ra ai. Gas salu hte nhprang yenan sau nmai len shalai hkra galaw nan galaw jahten kau ra ai. Shaning galu shingran ran ai myit mada ai shanglawt gaw lu nyi sai, hpa naw myit tsang ra na ta?
Naw dating gasat ga.

Baren Numraw

Learn almost anything for free.( educational )

2012-01-04T22:13:00.000-08:00

Hpa ji hka ja mayu ai ni a matu web link

educational

http://www.khanacademy.org/

SHARE NINGGUN SHAW, MYEN TAI HPYEN WA NINGGUN DAW

2012-01-04T22:06:00.000-08:00

Htaw! Majoi shingra bum kaw n na, rau yu hkrat wa ai madai chyanun chyu rau chyu ai Jinghpaw Wunpawng chyurum shani yawng gyin hka lara n nga ai sha myit hkrum mangrum let nga sa wa ga ngu n’gun jaw dat mayu ai. Dai ni na ten hta yawng grai myit hkrum nga ra saga ai. Wunpawng sha ni yawng n dum n’mai rai n nga na matu jasu jahprang n dau shadum dat ai.
Moi na Jiwa ni zawn share magrau grang ga. Share ning gun shaw ga. Lagam ninggun hkum daw. Karai hta kyu hpyi ai the htim kasat ga. Nu num ni mung moi na dwi ni, nu ni zawn kasha law law shangai mayet ra nga ai. Kasha shangai hkum lagawn. Dai the maren wa la ni mung atsawm bau maka ga. “Kadai hpa byin byin an nu wa ni nga pyaw jang rai sai” n dai hku hkum myit shut lu. Mung tsawm yu tsaw myit rawngga. Pu gang sin machyi ai myit the myit hkrum mang rum let nga sawa saga. Maigan my tai mat na hkum myit. Madu htunghking shamat kau na. Laika shamat kau na. Chyurum Wunpawng sha ni e n myit shut ga.
Nu num ni mung madu hpe roi ai ni hpe galun na matu ningshi masen kasha matep gun da ga ngu shadum mayu ai. Chyurum Wunpawng sha hpunau myit su ni e, na hpyen wa hpe tsaw ra nga u nga ai the maren shaning ladaw grai na hkra tsawra let n ja n hpra let pawng yu saga ai le. Myit shagrit shanyem ga nga ai mung shaning grai na hkra shagrit shanyem yu sai. Shabyi maga mi bye ya yang shabyi maga mi jaya u nga ai mung grai lang bye lang hkam saga ai. Mai mi sa shangun yang mai mi naw sa u nga ai mung mai hti n dang hkra sa ya saga ai. Na htingbu jan hpe hkum ra u nga ai the maren Jinghpaw la ni Myen num ni hpe langai pyi n roi shut yu ga ai. N dai zawn tsawra myit madun timung, chye na ai Myen ni n rai ma ai. Dai majaw annau ni kadai mung n tsawra saga. Tsawra magang Wunpawng la sha ni a madu jan ni hpe kashun jahten roi rip ya magang she rai nga ai.
Myen a myi tjasat gaw masu magaw na sha myi tai hpe nang ngaic hye da ga. Myen tai hpyen wa galling galau masu tsun ai ga hpe n madat saga. Myen tai hpyen wa hta hpanga n na, madu lusu ngamai na hpe sha galaw n htawm, Wunpawng sha yawng hpe lam n re ai de woi ai sha n gadut sha kau mayu ai ni e, nanhte hpajic hye ai kung zet ai hkum shadu. A ngawk sha gaw dik ai a nya dik ai ni rai n dai. Dai hpe dum chye mu. Ten naw nga yang myit malai u. Tinang hpe Myen tai hpyen wa zingri zingrat ai kachyi mi pyin hkrum sha yu ai majaw mung rai na n hten. Yajang nanhte ni tatut n hkam sha yu tim lani mi nanhte a shu mashi shu masha ni hta n dai tsin yam ni hpe hkam sha wa chyalu sha rai na re.
Tsawra ai Nu Wa hpunau Jinghpaw Wunpawng shani e, Myen tai hpyen wa hpe gaw tsawra myit kade madun timmung chye na hkran hkrang ai masha nan n rai ma ai. Tsawra myit madun jang manya sha shadu ma ai. Dang sha roi sha na chyu sha myit ma ai. Dai hpe annau ni chye dum ra nga ga ai. Ya daini na ten hta tsawra magang myawk kaba hte gap bun magang. Myit shagrit shanyem magang num ma ni hpe roi rip magang. Shabyi bye ya hkam magang dum n ta nat ya ai hte du sat yam nga ni hpe sat sha ya magang. Mai sa sa magang anhte my ni hpe porter rim ai hte lit a myet ya magang rai nga ai le. Dai hpe naw hkam sha shalai ngana kun. Jinghpaw Wunpawng sha ni yawng hpe n dai ram zingri zingrat ai Myen tai hpyen wa hpe lahkrip rara the jawm kasat sa wa ga ngu tsun n gun jaw datai. Isarela masha ni zawn myit ja ga. Shan the ni zawn madu a mungdan a matu kasat gala ga.K yu hpyi let n gun da ting n htawm shawng lam de myit hkrum mang rum ta gindun sa wa ga . Share shagan hpyen la ni hkum hkrit ngu n gun jaw sha tsam datai.
MajoiShingra Share Gam
By: http://jinghpawkasa.blogspot.com/

Matu Kadoi ai hte Jahtawng Htu Ai (Culture upon Judaism Circumcision and Kachins Birth ceremony)

2012-01-04T21:54:00.000-08:00

Yuda htung hta matu kadoi ai[circumcision] gaw prat janat hkan hkrat wa sai htung lai rai nga ai. Yesu a aten du wa ai shaloi ndai htung hpe gara hku mu mada ma ta? Mayak gaw byin hpang sai. Yesu hkaw tsun hkai dan, madun dan wa sai amu magam bungli gaw htunghkring hpe jahpoi ai lam nmu lu tim, htunghkring hta noi nga ai ni [gwi gyit ginlawng dang] byin nga ai hpe raw kau ya mayu nga ai. Karai Kasang mung moi shawng de na Moshe hpe shingran jaw ai gaw, nsan nseng ai dusat yam nga shan ni hkum sha nga, ya hpang na Petru hpe shingran bai jaw ai gaw sha u, Karai Kasang hpan da sai arai ma hkra mai sha ai bai nga rai nga ai [Kasa 10:10-16].

Grau nna gaw kasa ni a prat hta lak lai ai hku byin wa sai. Kasa Pawlu hte Petru, Kasa Pawlu hte Barnabas ni gaw Kabu Gara Shiga hte htunghkring lam hpe ginhka nna tsun dan ra wa masai. Kabu Gara Shiga hpe hkap la na matu Yuda ni a htunghkring gaw pat shingdang ai zawn byin nga ai. Nmai sha ai lu sha, nmai tat kau ai htunghkring, nmai galaw ai amu ni law law nga nga malu ai. Shingrai nga yang, maigan amyu masha ni gaw Kabu Gara Shiga hpe lani hte lani hkap la nna hpung shang wa masai Raitim, Yuda ni gaw htunghkring a majaw myit ja ai amyu tai nna naw ngam nga ma ai. Ndai hpe Yesu tsun ai, na a nlung salum shaw kau u, ngai ashan salum jaw na ngu ai byin wa sai.

Kasa Pawlu mung Asia minor de tara maigan amyu ni hpe she shading nna Sasana galaw nga ai [Galati 2:8]. Petru chyawm gaw Yuda htung hta shamyet nna galaw mayu nga ai[Galati 2:7]. Pawlu hte Petru hkrum na lam grai yak masai [Galati 2:19]. Raitim, Yeruslem council kaw gaw Petru nan Pawlu hpe maga ai ga shaga ai nga nna rawng nga ai. Shan a lapran yak ai ningmu ni nga nga ai. Petru a myit hta ngai hpe Madu nan shatsam dat ai, ngai hta na nrai yang sumsing mungdan sumsaw hpe hpaw lu na nrai'shi galaw ai jaw ai, madat mu, nga nna myit nga ai. Dai majaw shi tsun ai hku nhkan jang yak na shadu nga ai. Pawlu mung, 'ngai hpe masha e shatsam ai nrai, dai madu nan dan pru nna kasa aya dang da ni ai' nga ai.

Ginhka nna yu ai shaloi, matu kadai hkam ai ni a kasa gaw Petru, maigan ni a kasa gaw Pawlu rai taw nga ai [Galati 2:8]. Dai majaw shan a lapran ndang kalang hkat na grai law nga malu ai.

Wunpawng Jinghpaw amyu a lapran e mung ndai mabyin hte kahproi kanoi re ai 'Jahtawng' htu ai hte nhtu ai hpe masat ai lam nga nga ai. Jahtawng htu ai hpe sha Wunpawng amyu jat ai nga ma ai. Jahtawng nhtu ai gaw maigan chyasam amyu rai nga ai. Dai rai yang, dai ni mung dai Madu hta Wunpawng amyu ni jahtawng naw htu ra na i? ngu yang, Yuda amyu ni hkristan tai ai hpang matu kadoi ai teng teng galaw ra a ni? ngu ai hte maren sha rai nga ai. James E. Peron gaw 'matu kadoi ai gaw nawku htung nre' nga ai. Dai gaw hkam kaja lam hte seng nna galaw nga ai lai langai rai nga ai. Raitim, chyum laika hta matu kadoi ai lam ding yang arawng nga ai. Kaga maigan amyu ni hta mung ma ni hpe matu kadoi ya ai lam tsi rung kaw nna hpang nga ai. Ra nga ai wa hpe kadoi ya ra chyalu sha gaw rai nga ai. Jinghpaw la kasha langai hpe matu kadoi ra ai majaw kadoi sai ngu ga, dai ma hpe Judaism Yuda htunghkring hkan sai ngu nmai hkam la nga ai.

Rai sa, Jinghpaw ni a Jahtawng gaw hpa wa rai. Jahtawng htu ai gaw mying shamying ai masat masa lamang langai rai nga ai. Nat jaw prat hta u sat yang mung n manu, dumsa shaga mung nra, nam pum toi ai hpan mung nrai rai jang gaw htap htuk ai Nga jahkraw, shan jahkraw hte shanam jap htu htu nna garan nhtawm shiga shana ai lam rai nga ai. Numju jaw ai htung kaw na rai kun? Nat hte ga hkrum ai mau mwi mau sa hku yu yang gaw shangai ai hte mying n shamying jang Nat ni shawng shamying kau ya chya ai, nga ma ai. Amying shamying ai, shangai dai daw sai hpe kumhpa shadu nna shi ga ndau ai sha rai nga ai. Rai yang ndai htunghkring gaw hkristan tai ai hpang jahtawng htu nna mying shamying ai hpe ahkyak tawn na kun? akyu hpyi shaman ai hpe mahtang lata na kun gaw hkam la ai wa a hkawn hkrang ai myit jasat hta madung na rai nga ai.

Nkau mi akyu mung hpyi jahtawng mung htu rai ma ai. Kabu Gara Shiga hpe hkap la nna dai Madu hta sak hkrung ai ni a matu gaw jahtawng htu nna mying shamying kaga mi nra sana kun? raitim, nkau mi naw htu nga ma ai, ngu ai hpe kadun ai hku ka masat da nngai law....
Read More+++Bumsinwa

The 2nd largest Mass Baptism in Kachin Baptist Church in history

2012-01-04T21:42:00.000-08:00

Kachin Baptist Church leaders used its mission and evangelism methods through 'People Movement' since 1910. The largest mass baptism has been conducted in December 1977 during Kachin Baptist Centennial Jubilee, 6213 newly converted members were baptised by a hundred pastor. Some members were participated as a historical remarks on their baptism, but afew were real converted in a short time, and some received their baptism by long preparation.

After three decade passed, the second largest mass baptism was re-conducted in the same place during the 'Kachin Theological College's Golden Jubilee' celebration in March 2008, baptised 2899 newly converted believers. The existing Kachin Christian leaders are continuing encourage mass baptism and continuesly practice People Movement evangelism on its mission. Do you interest their background cultures and anthropology?.

Bumsinwa blog
The question is: Were they converted in Christ?

HPYEN WA A SUMPRAT DIT GA NI HPE CHYE GINHKA NNA SADI KOI YEN GA

2012-01-03T21:50:00.001-08:00

Myen hpyen wa a sumprat dit ai ladat gaw, “Negative Media” amyu myu shamawng nna, mung shawa hpe myit kaji myit daw na hku maw mawn nga ai. Kam shut myit kataw na hku galaw nga ai. Dai zawn re ai shiga hta shagri n kung ai ni mai byin / n mai byin n dinglik yu ai sha myit pyau mat chye nga ai. “Laiza mare hpe bum kata hku tawk waw nna sa gasat zing la na re” nga nna mung, shani shagu Shanglawt Hpyenla ni hkrat sum machyi ma ai nga nna mung, shut ai shiga, n jaw ai shiga ni shabra bu nga ma ai. Laiza hpe zing la na matu nhtoi masat ai mung latsa lang n-ga masai. Gara shani gaw, Taing Mu wa Laiza e manap shat wa sha na re, nga nna mung shabra yu masai hpe na lu saga ai re. Ning re ai shiga ni yawng gaw, dusat hkanghkyi ni a n shawp ai ga ni hkrai rai nga ai.
Gaja wa chyawm gaw, hpyen wa hpe gasat manga kau na matu myit rawt ai ni mung grai sawng nga ai hpe mu lu ai. Dinggai dingla ni, hpawmi hpaw mang ni, ramma ni, lahpum she mayut yut rai nna zawzang ai ni mung hpring dem rai nga ai. Ndai lang na majan hpe loi loi hte jasip kau jang gaw, mai nan n mai sai lam rai nga ai. Hpyen wa gaw, lam amyu myu hku masu hkalem nga ai re majaw, shi a ga hpe kachyi pyi n mai kam ai. Daini gaw “Ma gamung hka kabung” dum ai n rai sai. Gaja wa teng teng labau shang shakrip hkat ai rai saga ai. Ung ang nga n mai sai.
Ya ten myo kata nga ai htauli htaula mahkrum madup nga sai ni gaw, Myen wa a masu hkalem ga kam nna majan shakya kau na hpe she tsang nga ma ai. Hpyen wa mung anhte hpe myu shamyit masing rai nga ai gaw, asan danleng nga ai zawn, anhte mung awng padang masing hpe asan sha gwi gwi hte gasat ra saga ai. Anhte ni ung ang taw nga yang, myu shamyit masing gaw anhte hpe agrawp kau wa nga sai re majaw, Awng padang Masing hpe mahtang lahkrip ra ra dahpran shaja ra sai.
“Simsa lam” ngu ai gaw hpan lahkawng nga ai. Sum let simsa ai lam hte dang let simsa ai lam, shing n rai kahtet shakawp tsi lajang lam hte ana kanu tsai hkra tsi lajang lam re. Daini Jinghpaw Wunpawng sha ni gara hpan mahtang lata la na gaw, chye na ging saga ai.
Hkawp ningbaw ningla ni e, bandung shadaw ngang ngang hte woi awn sa wa jang, mungshawa ni mung gwi gwi hte apnawng lawm na sha re. Tai hpyen wa a sumprat dit ga hta myit gan kataw ai ni mung aten du jang kayin wa na sha re. Awng padang hpe ta tut hkam la lu hkra shakut ga.

Mali-Hpungmai Zup Lunghtawn

ASAN MU SAI KUN?

2012-01-03T21:49:00.001-08:00

Mung hpawm hpyen dap hpaw ninghtan da lu ai gaw mung masa hpyen masa awng dang ai amyet kum la langai re hte myen asuya langai hku tsap nga sai, hpyen dap pyi nlu hpaw ninghtan tawn lu ai, mung hpawm dap hpe hpaw ninghtan dan lu ai gaw, anhte baw sang ni gade ram, Tara ai, kade ram teng man ai gade ram myutsaw myit kaba ai ngu ai hpe madi madun tawn ai hte bung ai, gade ram ntara ai hte dip sha hkrum ai, shinggyin aghkaw ahkang ginlut hkrum ai a jaw, baw sang ni rawt malan gumlang shanglawt ahkaw ahkang hpyi ai de sa wa nga ai re. Dai ni myen asuya ban hte ban up hkang lai wa sai, hpyen dap a hkrang gaw mung hpawm hpyen dap hpe jahten sharun kau ai. Bai panglung ga sadi n'nga mat ai, ntsun mat ai. Moi na myen mung a dawnghkawn gaw shagan 14 hte gumhpawm tawn da ai, dai gaw munghpawm hpe lachyum shapraw ai kumla re, ya dai ni shagan 1 sha rai mat sai. Ndai gaw munghpawm ngu n'nga sai, asan pra ndau shana sai kumla re. Hka san yang hka hpuntang na nga hpraw hpe mu mai nga ai, rai yang myu kaba masa sai shang taw nga sai myen gaw namlawm nna dumsi gamai ai ladat lang nga ai, ya kalang bai ninggam hka nna, mungkan hte tinang mungchying shawa hpe masu nga ai, simsa mara dat gabaw lang nna htawng masha kalang bai dat ya ai gaw namhtun hpraw chya tawn ai lupsung hku yet manan ai hte bung ai.
Gara hku nga tim UNFC munghpawm dap shawng hpaw ninghtan tawn nna mung masa bawngban sa yang she n'gun kaba ai, myen hpe shingdu de na madi tawn ai hte bung ai re majaw, ta sharawt shangun ai hte mung bung ai. Bawngban ai lam hta mung lachyum nga ai hte manu dan namnak nga na re. Miwa a Gas [nhprang salu] yenan sau nmai lai hkra jahten ra ai, mali zup kaw jahtu ai hpe mung n'mai htu hkra galaw ra ai, Hpakant lungseng maw hpe mung n'mai htu hkra gan jahkring ra ai, miwa gaw shi a hpaga lam teng hten run hkrat sum wa yang hpyen masa kaba galai wa chye ai, miwa hte gaw annau ni labau nga lai wa sai, [dai ni annau ni hpe miwa gaw -shanhtu -nga hpa majaw tsun ai kun? Hpa majaw yunan ga ngu shamying wa ai kun? [sakhkrung ga] sakhkung hka ngu ai hpa majaw shamying ai kun? Hpyimaw, Gawlang, Kumhpang, Mungmau ga, hpa majaw miwa lata, miwa mung byin wa ai kun? Ndai mabyin ni hpe du na ten hta myu sha yawng chye hkra sang lang dan na nngai.]
Dai ni annau ni nlaw n'la kaji tim" kri dung ai sai kaba ai magrau grang ai amyu re, annau ni hta grau kaji ai grau nlaw ai myusha hte mungdan ni mungkan hta shanglawt lu ai myusha hte mungdan law-law nga ai hpe mung dum let shawng lam de ja ja matut gasat sa wa ai gaw madung rai na re, ndai lang myen a hpyen ladat masing gaw myit htum ai wa a jumju nga ai de she yawng nga sai, asan mu chye mai ai gaw mung shawa rapdaw hte hpyen dap gaw teng n'gun kaba chyam hkat nga ai. Shada da kawng n'dum hkat ai, n'kaw ai, hpa zawn n'nawn ai, hkabra ga garan n'bung-n'hkrum ai masa pru nga ai. Bai hpyen dap kaw na mung shawa dap de bungli galai matut shatsam hkrum ai hpyen du kaba ni hte, hpyen du kaba kaw na mara hte arawng aya jahkrat kau hkrum ai ni ya na asuya hte hpyen dap hpe ninghkap wa ai. Akyang chye shada, lagaw hkang mu shada re majaw kata lam manghkang kaba byin chye ai, dap kata matsan ai dinghku law ai hte Democracy hkrang hpe madi shadaw ai hpyen la ni dap kata kaw law-law pru wa ai, sak grai nhpring shi ai hpyen la ni majan pa hta law-law si hkrum ai a jaw, kanu kawa ni Gumsan rung de laika shawn wa ai gaw myen a hpang jahtum ten de madi madun wa nga ai. Myen hpe kam hpa yang mungkan a man hta gaya kahpa hkrum ai sha n ga, myen a sadi n'dung ai masa hpe masam-maram chye wa sai majaw matsat hkrit wa ai. Hpaga lam kaba, dik hkra hkrat-sum nga sai miwa gaw gumhpraw jaw shalai kau ai hte, garum shalai kau sai hpe myit malai kaba lu ai tinang htingbu kaja hpe ntara dik ai hku chyawm zingri nga ai hpe sawn dum let myikaw ashun nga sai.
Dai ni annau ni myen a ju ntsa kaw ja panyep nyep tawn masu ai, myen a maw lanyet mawru hta, myen a sumla hkrang shapraw ai lam de hkawm sa na kun? Shing nrai jam jau hkam nna, bum pungding hta jung tawn ai myu tsaw mungtsaw shanglawt dawnghkawn hpe madaw jum sharawt na kun? 3 raitim 1 nga ai de madaw du hkra sa wa yang she kaja na kun? Padang hkrun lam majan padang dip la nna padang manau nau ai de she du mayu mat sai, anhte mung-chying shawa dawtsa a kraw lawang kata hta maroi n'ni masin n'si marit ningtsing lu nga ga ai. Laknak kaba gade mi gap sharu bun tim annau ni a myutsaw myitkraw sai kata kaw na prut pru wa ai laknak gaw dai hta htam 100 n'ga grau kaba nga ai. Myu tsaw mung tsaw myit gaw langai sha raitim galoi asum njaw ai, laknak kaba law-law gap nna yen kau ai ngu tsun na malai hpa mung ntsun ai sha nga kau dan lu ai gaw grau na kaja na re. Mungkan na madat ai mungkan ting chyam bra nga ai annau ni yawng a myiman hpe sawn yu nna tsun shaga ai gaw htuk manu dik na re Shingja laknak kaba gapbun ai majaw yen kau ai nga yang grau nna manu na kun? Myit marai atsam shayawm ai lam mung npru na re. Mung masa hte hpyen masa a katsi kahtet shadang hpe mung, shen yu ra nga ga ai, kahtet shadang 100%65 jan nga sai kun? Shing n'rai katsi shadang 20&10 lapran rai nga ai kun? Dai hpe yu maram nna mung-masa bawngban ai gaw htuk manu na re ngu mu ai.
Annau ni a saitum saipa rai nga ai hpraw sanseng tsawm dik ai kraw hkrat ma kaji ni a, Myiman hpe ja-ja azi yu nna matut gasat ga.

Baren Numraw

DUM GA

2012-01-03T21:48:00.001-08:00

Bau dum bau waw, ga tsun ga law,nga ai hte maren, myen gaw ga rawng rawng tsun shabrawng nna,kraw lawang kata, nshu nshang kajam kalam gale galau, pale palau rai, tsun hkanu ai gaw moi myen hte ningnan mahku mara ai ten kaw na rai wa sai, bungsap tsip zawn shanut ai myen hte shaning galu ganawn wa yu saga ai myen a myit jasat, myen a myit kraw lawang hpe mung mu gin chye gin ai daram chye saga ai,matut nna myen hte naw ganawn yang mai na kun? Mung hpawm ngu ai hta naw tsap lawm yang kaja na kun? Myen a up hkang tara kata, mung hpawm hku naw ganawn yang kaja na kun?mung masa tara joisi hta shen dik yu ra nga ga ai. Miwa joi jang lang na kun? Sinna dan ni joi kilo lang na kun? Myen hte annau ni a joisi jang namnak madung na kun?shawng shen yu ga.

Mung shawa rap daw rai sai, Democracy, tara hkrang hte sa nga sai, Gumsan Magam hku up hkang sa nga ai,ten hta hpa majaw hpyen dap she grau naw n, gun ja nga ai zawn, u shoi jum tek ai zawn rai nga ai ten, myen a mung masa lam bawngban ga, ngu ai gaw hpa ta? Kara hku ta? Kara masa de yawng nga ai kun? Annau ni buga ginra de, hpyen n,gun kaba htu nga ai ten, bai annau ni a dai lup dai hpang ga kaw,myen a hpyen dap kaba ni sha adung nga dingsa mung masa bawngban ai gaw

lachyum pru na kun? Bai majan naw byin nga ai,rim zingri roi rip nga ninglen man hkrum bawngban yang Namchyim nga na kun? Myen a masa hkrang asan pra nmu shi yang bawngban ai gaw nau naw jau na re, myen a galai shai sharai ai lam, nmu yang grai naw myit sawn shachyaw yu ra nga ga ai, dai ni annau ni lam mungkan na mung chye nga sai re, hpyen yen tsin yam ni hpe mung garum sa wa na masa nga sai, myen a lachyum hpe atsawm nmu nchye lu shi ai, UNFC hku sha n'ga, UN hku nna rapdaw Slg tai ya nna mai tsun bawngban ai de du wa na sha rai sai ten annau ni Sum tsan pala hkyen tawn ai madang sha naw myit jahkut tawn yang kaja na re.

Mungkan de gaw mung shawa up hkang hkrang, Democracy hkrang, simsa lam nga tsun ai, rapdaw kaw nna mung masa bawngban jahkrup jahkra hpung hpaw nna galaw nga sai zawn, masha a lu gin ai ahkaw ahkang hpung hpaw ai,Rim skaren da ai ni hpe, lang hte lang dat ya masu ai, Asan apra rai nmu shi ai myit ding hpring ai lam nmu shi ai ten,anhte kam yang mai na kun?

Ya byin nga ai lam ni kalai shai wa yang she bawngban yang manu dan na re, ya ten [chyan-hput paty] kata nru nra nhkrum, nhkra ai lam byin pru wa nga ai, Dingdung Korea a ning baw kim Jong Ii si mat ai majaw myen hte matut mahkai bawngban galaw tawn ai lam ni mung manghkang de mai du pru chye ai myen a myit tsang hpa langai re. Myen gaw sinna dan ni hte pru pru shang shang galaw wa ai,kala Thai Bangladesh Japan ni hte hpaga jawm galaw wa na masa nga ai zawn maigan Slg law law sa du nna myen mung hpe Democracy hkrang de, sa wa lu hkra jawm n'gun jaw u shoi jum tek ya ai ladat sa nga ai. Dai gaw annau ni a mung masa bawngban na matu, la yu ra ai masa naw re, U Awng Tawng hte U Awng Min yan a ga manaw gaw nding nga ai, simsa lam hte mung masa rapdaw kaw bawngban na gaw 3 ning na ra na re nga gaw, grai tsang ra ai mung masa ninggam re.

Miwa a shaning galu myen a shingdu kaw tsap ya madi shadaw ya ai hte myen mung kaw hpaga ga up tawn ai, shaning galu sai chyup na masing tawn ai, Miwa myu law law hpe myen mung hta mung chying masha byin hkra galaw nga ai, [Maha Byuha] katsi majan hku masha shalaw, Hpaga masa hte gangwi ga up kau lu hkra hte, gumrai len shalai la na hka daru masing kaba hte nhprang rai masing ni hten wa na masa de yawng wa nga ai jaw, Miwa gaw hting grum kata myen hpe mung masa hpyen masa hpaga masa hku grau madi shadaw lu hkra masing kaba jahkrat galaw wa chye ai.

Ndai n'gun chyam ai gaw masa kaba kalai chye ai, Awng San Kaw hte NLD ni a ra lata poi shang ai masa hpe mung naw la yu yang kaja na re.

1-Anhte lamu ga hta myen a hpyen masa galai ra ai.

2-Rap daw hte hpyen dap hpe maram yu ra ai.

3-Hpaga yumga lam hte Miwa a shamu shamawt lam hpe yu maram ra ai.

4-Maigan Slg law law sa du ai hpang na mabyin hpe la yu ra ai.

5-Awng san kaw hte NLD a ra lata poi shang ai hpang maram madat yu ra ai.

6-UNFC Hpyen hpung shawng hpaw ning htan tawn ra ai.

7-UNFC hku bawngban yang she kaja na re..

8-UN a galaw sa wa ai hpe la yu ra ai.

Lahta de na lam ni hpe shawng maram yu ngut jang she mung masa bawngban sa wa yang kaja dik na re ngu mu ai. Myen gaw grai sum machyi taw nga sai ten re majaw mung masa hte kayin dang lu hkra nsin ladat shaw ai lam re ngu sawn mai ai, anhte ra awng sharawng ai hpe UN hte mungkan de shawng chye hkra shakut ra ai ngu mu ai hte,mungkan hte UN hpe sum tang hku shawng ka shalen tang madum sa wa yang kaja dik ai re ngu mu ai. Hpyen masa hpe galoi mung loi loi hte matut manoi nhkring hkra gasat nga yang gaw annau ni ntsun nbawngban shi yang UN kaw na ndai manghkang hpe jum tek nna hparan wa na masa de du wa chye ai. Dai majaw ndai ten bawngban ai gaw grai naw jau ai.

1-matut gasat na.

2-hpyen yen tsin yam ni lam matut manoi hpyi shaw na.

3-Mara kata Rim zingri ai Num ma ni hpe roi rip sat ai.

4-shinggyin ahkaw ahkang n'nga ai lam.

[U DI] matu tam nmu,tam shamat nga ai masa sha naw re majaw, lahta de na lam ni hpe la yu, maram yu nna she bawngban sa wa yang grau manu dan ai hte htuk manu na re ngu sawn lu ai law. Matut nna Naw Dating gasat ga,yi ngam shakre shangut na sha rai wa sai. Shani tup wa ai tingka shana de azat kau ai nga, shani tup gatek tim u di gaw langai sha nga ai de naw yawng nga ai.

Langai sha ngam tim gasat ga.

Baren Numraw

SHAGRI KUNG AI MYIT MASA

2012-01-03T21:47:00.000-08:00

Shawng nnan Karai Kasang a Chyeju hpe shakawn ai law. Tsaw ra hkung ga ai Wunpawng sha ni yawng a matu merry hkristmas the ngwi pyaw ai shaning ningnan rai u ga. Jinghpaw wunpawng sha ni yawng a gawng malai hkung ga tai nna,tai hpyen hpe gasat manga nga ai, myu tsaw mungtsaw share shagan ni, lam amyu myu hku madi shadaw nga ai kanu kawa ni ,sutdu ni, hpang lam kaw na ladat amyu myu woi shaw nna, shawng lam masing masa hpe woi awn nga ai ningbaw ningla ni,maigan mungdan shara shagu de du nga nna, tinnang buga amyu sha ni hpe pu gang sin machyi bai n htang pawnba nga ai Jinghpaw Wunpawng chyu rum ai annau ni yawng hpe n dai laika the hkungga jaw dat nngai law. Yawng a n tsa Karai Kasang shaman ya u ga.

Tsaw ra hkungga ai chyurum wunpawng sha ni e, daini na ten gaw , shagri kung nna myit n-gun shaja let daw dan ai lam hpe tup hkrak byin wa hkra galaw ra ai ten du nga sai law. Myen gumshem asuya nnan gaw, mungkan de myi man tam nga ai ten rai nga ai. Myen mungchying sha ni a gam maka hpe pahkam hkam lu na hpe ahkyak ntawn ai sha, mungkan a man hta hkyak hkyak e yu tsawm daw shiga shapoi nna , shi a akyu ara hpe galaw la na shi hkyen nga ai hpe anhte chye ra ga ai. Hpang de hpa byin yang byin ,ya law law se gap hkat jahkring lu ai ngu ai hpe shi galaw mayu nga ai. Ndai hpe hkum kam dam lu. Kam ai the anhte gaw hkaraw de di hkrat chyalu rai sai. Ya na madang zawn re madang hpe n pawt kaw na kalang bai galaw na n loi sai re. Ya gaw anhte thing nut nmai sai. Matut nna anhte a pandung du hkra ganawng sa mat wa na sha ra sai. Anhte a pandung gaw hpa rai ta? Anhte a pandung gaw, Tinang a mungdan hpe tinang up hkang hpajang lu ai shang lawt mungdan rai nga ai. Madu myu sha ni up hkang mai ai federal hpe n lu mai ai majaw, awng dawm ahkaw ahkang lu ai shanglawt hta lai nna anhte lata na lam kaga n nga sai. Dai ni na ten anhte sadi maja ra ai gaw, Federal hpe jaw na pyi hpyen gum shem sha nrai. Mung masa galaw nga ai myen mung masa la ni nan n dai hpe kachyi mi pyi myit n hkrum ma ai hpe adan aleng rai nga ai. Ya ten hta myen mung dan kaw mung masa galaw ai wuhpung law law nga ai. Gade law tim munghpawm myusha ( taiyintha ) ni a ahkaw ahkang hpe myit yu ya na wuhpung n lawm ai ngu ai hpe anhte chye da ra ai. Hpa baw Democracy mi nga tim, shanhte a masha n gun kaba the myu kaji ni hpe kaup sha na ngu ai myit jasat hkrai re.

Dai ni na asuya ningnan kaw lawm nga ai lut daw dat kasa ni ngu ai mung, anhte myu sha ni a maga de tsap nna, laja lana rai tsun garum na nnga ai sha n-ga, gaw da ai tara hpe ninghpai nna, rawt malan ni hpe shamyit kau mayu ai ni hkrai rai nga ma ai. Taiyinta dat kasa loi li ni gaw myit lawm ma ai rai tim, grai rai na tsun na ahkaw ahkang, galaw na ahkaw ahkang n lu nga ma ai. Laiwa sai lana mi na BBC a gasan gahtai galaw ai kaw,myen mungdan a labau hta Dr degree lu ai myen the hkang masha kaba ni hpe san htai galaw ai shaloi , myen labau sara Dr langai mi tsun lai wa ai gaw, “Banlung ga sadi ngu ai gaw hpa lachyum pru ai n re. Dai hpe wa ya dai ni grai ahkyak ai ga sadi hku nna tsun nga ma ai. Kaja gaw Banlung ga sadi gaw , Taiyinta ni myen mung the rau shang lawt la mayu ai majaw myit hkrum ai ga sadi sha re” nga nna grai ahpa atang nga tsun ya nga ai. Shi tsun ai hta taiyinta ni myen the arau shanglawt la mayu ai hpe sha mu ai. Mungdan hpe gara hku up na , gara hku ahkaw ahkang jaw ra ai, hpa majaw shang lawt rau la ra ai, Bum masha ni myit hkrum yang sha shanlawt jaw na ngu ai lam ni hpe shi n tsun ai sha n-ga ndai teng man ai lam ni hpe she magap da mayu nga ai. Hkang myu sha na Labau sara kaba Dr mung grai nga tsun htai lai ai hta, myenmung kaw sharin ya ai labau gaw munghpawm myen mung a labau n re sha myen a labau sha re. Munghpawm mungdan a labau rai teng yang,taiyinta ni a labau mung sharin ra ai. Anaw yahta min, mindung min, chyan tsitta min ni a lam gaw, anhte taiyinta ni the hpa n seng ai. Myen ni a labau san san sha re nga tsun ya ma ai. Ndai zawn re amyu kaba laba the myu kaji ni hpe kaup sha mayu ai lai ladat,n tara ai lam ni a majaw, myu kaji ni rawt malan nna, lani mi na n htoi hta munghpawm kaw na garan pru mat wa na shing nrai shanglawt jaw ra wa na hpe mu mada tsang nga ai myen hpaji chye ai n kau mi mung nga nga ma ai. Ga shadawn Dr Zani zawn re masha kaba ni gaw, shanhte a myu kaba lai ladat a majaw, mungdan n ngwi pyaw nga ai lam, ndai lai ladat a majaw, munghpawm myit hkrum lam hta dingbai dingna rai nga ai lam ni hpe ayan shadum ya nga ai. Ndai zawn re lam ni a majaw, myen mung masa la n kau mi gaw anhte myu sha ni hpe grai tsaw ra ai zawn zawn, grai lanu lahku la mayu ai zawn zawn rai nna lam amyu myu hku shani wa ai ni hpe mung anhte hkrum na re. Raitim ndai ni gaw anhte garan pru na ngu dat ai the gaw, anhte n mai garan pru hkra anhte hpe lam amyu myu hku n na jamjau jaw, mayak mahkak jahkrum na hkrai re hpe, tau hkrau na dum da ra ai. Ning ngu yang n kau mi gaw dai gaw n rai na re anhte hpe tsaw ra ai myen ni mung nga na re, laika ka ai wa nau hkum tsang nga na re. Myu sha ni hpe tsaw ra ai, myit su ai lama wa nga yang , hpa majaw anhte hpe ga sadi the hkrak ( Federal) madu up hkang,madu tara dara, madu upade galaw nmai ai i? rap ra ai lam, tara ai lam, rai yang hpa rai masha a ahkaw ahkang hpe pat kau nna, anhte buga , anhte shara anhte myu sha ni hpe dip apyet nna up sha mayu nga ai i? Myit yu ga.

Asian mungdan langai kaw na ,mungdan kaji Singapore mungdan a lam hpe kachyi mi tsun dan mayu ai. Mungchying sha ni wan masum jan wan mali daram sha nga ai mungdan kaji langai re. Raitim dai ni sinpraw mungkan hta sut su ai lam hta Hkang Hkyi ngu shamying hkrum nga ai. Mungdan kata hta n hprang rai hpa mung nnga ai.Sau the gas mung npru ai. Ga the zaibru, lu na hka, lang na hka ni yawng maigan na mari bang na lang ra ai. Raitimung sinpraw dan maga na masha ni, sha n-ga sinna dan masha ni du hkra n dai mungdan kaw bungli sa galaw nna gumhpraw tam nga ma ai sha n-ga n dai mungdan kaw bungli lu na matu shakut jawng nga ai gaw sen hku nna nga nga ma ai. Hpa majaw ta? Mungchying sha law htum gaw miwa ,no.2 Malay no.3 gala the no.4 gaw Sinpraw mungdan shagu na hpaji chye ai, mahkrum madup nga ai, machye machyang law ai bungli galaw masha ni rai nga ai. Mungdan hpe uphkang ai gumrawng gumtsa hta law malawng Miwa myu ni re rai tim Malay the Gala hpe mung lachyen lahka ai lam nnga ai sha shang lawm shangun ai. Up hkang ai ladat hta Miwa, Malay , Gala ngu n ginhka ai sha yawng gaw , Singaporean ngu Singapore masha ngu ai hku sha yu nna up hkang ai ladat re. Anhte sa nga nang, sa galaw sha nang ai ni hpe mung lachyen lahka ngu ai nnga ai sha, masha a ahkaw ahkang hpe atsawm jaw nna woi awn ai munngdan re. Nang du nga ai ten laman , nang sa mayu ai de sa. Wa mayu ai ten wa, nang hpe manam re nga jahkrit shama sha na masha nnga ai. Nang hpe dang sha roi sha na, mya lu mya sha na lagu lagut na masha nnga ai. Ndai daram kaja ai gaw, masha kaja ni hkrai nga ai majaw n re. Mungdan kata kaw sa shanu nga ai masha ni sha n ga, maigan na chyahkring chyahkra du sa ai bu hkawm masha ni a matu mung sim sa shim lum dik ai mungdan re. Kaja gaw Democracy mungdan gaw n re. Raitimung mungdan masha ni hpe grai pyaw hkra, ra nrawng hkra lit la up hkang ai mung dan re majaw, lam amyu myu hku dip apyet da hkrum ai anhte myen mung masha ni hku sawn yang, Singapore mungdan gaw “Ngachyu the Lagat jahku lwi ai mungdan” rai nga ai. Ndai zawn byin tai wa ai lam gaw, mungchying sha Miwa,Gala hte Malay myu masha ni hpe lachyen lahka nnga ai sha yawng hpe ahkaw ahkang langai the sha up hkang kanawn woi ai lam a majaw rai nga ai law.

Anhte myen mungchying sha ni hpe lahta na asuya zawn lama woi awn ai rai yang, hpa a matu rawt malan na i? hpa baw a matu gran mayu na i? Amyu masha ni shada da tsaw ra hku hkau let nga nga na rai nga ai le. Dai ni gaw asuya hpyen dap kaw anhte amyu nnga ai. Gumrawng Gumtsa up hkang hpung kaw anhte myu sha n lawm ai. Langai lahkawng lawm lu yang mung shanhte wu shoi shoi da ai. Mungdan a asuya kaw anhte a kanu kawa nnga ai. Kadai wa anhte maga de tsap nna, hparan ya na i? anhte a hpyen hpung nnga ai, kadai ni wa anhte hpe makawp maga la na i? ndai daram shimlam nlu ai myu sha ni a matu, shanglawt na hta lai nna, gasat na hta lai nna, hpa mahtai mung nnga sai. Masha ahkaw ahkang ngu ai kachyi mi pyi n hkam sha lu ai nga rai kaw prat tup jam jau nga na malai, chyahkring sha mi jam jau hkam nna, shang lawt la ai gaw anhte matu htawng hpang na anhte myu sha ni yawng a matu manu dan dik ai lam rai sana re.

Dai majaw, shawng lam de jam jau hkrum let sai the asak the galai nna myu sha yawng a gawng malai hkung ga tai nna, ap nawng nga ai myutsaw share shagan ni e, nanhte hpe amyu sha ni yawng , maigan shara shagu de du nga ai myu sha ni yawng, kam hpa nga ga ai. Galoi mung madi shadaw nga na ga ai. Hkum hkrang she kaga ga rai tim ,myit masin gaw , nanhte the rau rai nga ga ai. Nanhte machyi ai gaw anhte machyi ai re. Nanhte hpe sha myit mada shara shatai nga ga ai. Myit hkum ru myit, myit hkum tsang myit. N htang na hkum myit. Shayawm kau na hkum myit. Majan gasat yang she padang ngu ai nga ai. Tai hpyen gaw Masha n-gun, lak nak n-gun, zingri zingrat n-gun ni the Wunpawng myu sha ni a shagri brep hkra galaw shakut nga ai. Shagri n mai brep ai lu. Ndai lang gaw Karai Kasang laksan lajang ya ai lam she rai sai. Jinghpaw Wunpawng sha ni yawng gaw Karai Kasang hpe kam sham ai ni hkrai re. Kam sham ai ni kaw byin ai lam mahkra gaw Karai Kasang a yaw shada ai lam re. Ndai hpe kamsham nna, shi ra sharawng ai lam hta hkan sa na sha ra ai. Byin hkra galaw na gaw Karai Kasang a lit she re. Anhte gaw shi a ga madat nna hkan sa na sha lit nga ai. Badang dip ai ngu ai gaw, chyum laika kaw yu ai shaloi, masha n-gun, laknak n-gun the n seng ai. Karai Kasang lawm ai maga de dang na dai re. Myu sha ni yawng shi hpe n dut n hka kamsham nga jang teng teng shanglawt lu na re. Kam Ga.

Myu hpe tsaw ra let,

Agu Namti

LAM NBRAW KAW RE KARA DE HKAN NA?

2012-01-03T21:46:00.001-08:00

Jinghpaw Wunpawng sha ni a shawng na prat (Myen mungchying sha rai ntai yang) kade a kata mung n taw ai tinang a du ni up hkang ai, salang ni up hkang ai/ tinang a mare gahtawng de nna, grai pyaw ai gumchying gumsa prat hku nga lai wa saga ai.

Rai yang dai ni hpa majaw, myen mungchying sha (taiyinta) ngu byin wa ai kun? Myit yu shara kaba rai sai law. 1885 ning hta myen mung de English ni shang kasat nna, myen mung hpe shang zing la sai. Dai hpang 1886 English ni gaw jinghpaw mung de lung gasat bang wa ai shaloi , Jinghpaw du ni woi awn nna, English hpe gasat ai majaw, English ni gaw, law malawng shara ni hpe n lu zing la ai lam chye lu ai. Jinghpaw ni a lung rap shachyai bun nna gasat ai majaw, English ni grai hkrat sum nna, mare kaba daram hpe sha zing lu ai nga tsun ma ai. Dai n lung lung Rap ni gaw dai ni hkra Putao, Sadung, Sama, Nahpaw Bum, Alaw Bum, hte Ura bum ni hkan naw mu lu nga ai. 1942 No.2 majan hta Japan ni bai shang wa ai hpe Jinghpaw ni gaw English hte Maha Mik hpyen hpung ni the matut la nna British Kachin Levies, the American Kachin Ringer hpyen la hku nna, Japan ni hpe, kasat shapraw kau ma ai. English asuya gaw Jinghpaw ni a myit masin hpraw san ai, hpyen gasat grai kung ai. Hpaji rai n chye ai, n dai ni a majaw, Jinghpaw ni hpe grai myit kap mat ai hte tsaw ra matsan dum ma ai. Dai majaw, up hkang ai lam hta mung myen ni the n bung ai sha, jinghpaw ni hpe gaw, anhte a htung hking hte bung pre ai bum nga masha ni up hkang tara hte maren lak san up hkang ai hku re.
1945 No.2 majan ngut ai hpang, English asuya gaw, shi dip up tawn ai Koluni mungdan ni yawng hpe shang lawt jaw kau na masing hpe lutdaw kaw na shagrin da manu ai. Dai aten e Richard Actali gaw Hkring mang daju rai nna, Labour party ni up ai ten rai nga ai. Shaloi myen mung hpe mung shang lawt jaw na lam pru wa ai. Bugyuk Aung San gaw, myen mung shang lawt a matu England de sa nna, sa jahkrup ai shaloi, English du ni tsun ai gaw, myen mung hpe gaw shang lawt jaw na, rai tim bum nga masha rai nga ai Jinghpaw , Sam hte Hkang ni hpe gaw rai n jaw na lam tsun wa ai shaloi, Bu Gyuk Aung San gaw myen mung de bai wa nna, 1946 November 28 ya shani Jinghpaw mung Myitkyina de lung nna, Jinghpaw salang ni hpe myen mung hte arau shanglawt la ga. Shanglawt lu jang nanhte Jinghpaw mung daw hpe nanhte Jinghpaw ni ra ai hku up hkang mai ai. Myen ni nsa up hkang ya na re. Bai myen ni lu ai ahkaw ahkang, hte maren nanhte mung lu na. Myen ni lap mi lu yang nanhte mung lap mi lu na re. Myen hte pawng nna shanglawt la mat jang nanhte gaw English a mayam n rai sai. Bum nga masha ni lu ai ahkaw ahkang mung nanhte matut nna hkam sha lu na re. Anhte myen ni galu kaba nga ai zawn nanhte mung galu kaba wa sa na re. Shi ning du ai hte kanu myen mungdan hte n pawng mayu jang nanhte hkrai pru mai ai, ngu umhnna gumhpuk dat ai shaloi gaw, Jinghpaw salang ni a na hta mungkan na pyaw dik, na ra dik mat manu ai. Ya she chyeju madu the hkrum ai zawn ngu manu ai majaw, nang gaw anhte anhte a kahpu , anhte a kawa rai nit dai. Nang hpe kam dik saga ai. Anhte hte hpe mung pawnba shakung shapan la rit, Anhte mung nanhte hte rau shanglawt lu mayu ga ai. Naw she garum la rit ngu nna awng dawm ga ap kau dat ma ai. Chyeju madu ngu n tsun ai sha ra masai.
N dai shara hta anhte myit yu ga. Myen hte anhte Jinghpaw ni kalang mi mung jinghku rai n hku yu ga ai. Kaning re a kyang rawng ai mung rai n chye ai wa, ga tsun shapyaw ai hpe sha na ra nna, tsun ai mahkra hpe kam kau ai majaw, dai ni Jinghpaw Wunpawng sha ni a matu gaw, sum kaba, n sin krung de gum htawn bang dat ai hpa, shaning kru shi ning jan myen a shangun ma zawn zawn, mayam zawn zawn, madu rai nga ninglen manam zawn zawn, chye nga ninglen mana masu su nna nga ra ai prat du taw nga saga ai. (manang rai d aw ngu yang n dang wa ngu ai ga malai she rai mat sa.)
Aung San anhte Jinghpaw salang ni hpe hkyaw la kau ai hpang shani jang, Jinghpaw myu sha ni a myit masin hpe a tsawm chye ai Mung up ai English du Director of frontier Areas H.N.C Stevenson wa gaw, Myitkyina de lung wa nna,tsaw ra myit kaba the “nanhte Jinghpaw ni gaw, hpaji rai n chye madai majaw myen hte rau shanglawt la jang myen gaw nanhte hpe roi sha, dang sha hkrum na madai. Myen hte pawng nna shanglawt rai hkum la mu. Nanhte hpe lam shagu hta chye chyang kung kyang wa hkra naw sharing ya nna she, lak san shanglawt jaw na ga ai” nga ai shaloi, jinghku hpe gaw lagut shadu nna, “nang tsun ai hpe n kam madat ga ai . Anhte myen hte rau shanglawt lu mayu ai, shanglawt she lawan jaw marit” ngu hpyi ma ai.(jinghku ga gaw sheng maren, tsasam ga gaw si mani)
Jinghpaw salang gaw myen hte rau shanglawt la na matu Sam mung Banglung mare kaw Aung San hpung ni hte likmat htu na matu hkyen bang wa masai. Sam salang ni hku na gaw myen hpe nkam ai majaw shanglawt rau la na kachyi mi pyi n kam ai hpe, Jinghpaw salang ni shagwi ai majaw sha shanglawt rau la na matu hkraw kau ai rai ma ai. 1947 Febuary 12 ya shani Banglung myit hkrum likmat htu kau manu ai. Dai majaw dai ni du hkra Sam ni mung Jinghpaw hpe kam ai majaw, hkam sha ra nga ai zawn rai nga ai. Tsaw ra ai nu wa ji nban ni e, ndai shara hta jiwa ni kalang sha naw masu hkrum ai hpe mara ngu rai n mai tsun ai. Anhte ji wa ni shawng de kalang mi mung myen myu ni a lam rai n chye ai re majaw, n dai mara hpe myu sha ni yawng hkam la kau ging nga ai. Kam shut nna Banglung ga sadi htu sai majaw, nsin kaw hkawm ra saga ai. Anhte myu sha ni a matu mung ram dik la na sai. Kahtap nna masu hkum hkrum manu. Matut nna masu naw hkrum ai nga jang gaw, myu sha ni a mara gaw n rai sana re, Kadai kam yang kade a mara she rai na sai.
Masu chye ai wa chyawm gaw masu dingyang sha rai na re. Banglung myit hkrum lik mat htu ai hpang, 1951-52 ra lata poi,1990 ning ra lata poi, 1994 ning hta gap hkat jahkring, 13 ning tup na ai gaw da ai tara (constitution), 2010 ra lata poi, ndai ni hpe masu nna galaw lai wa sai. Bai shanhte a myi man tau nna, 13 ning tup gaw da ai tara galaw ai kaw shang lawm ya ai, myu sha ni a malai shang lawt KIA/KIO ni hpyi shawn ai hpe gaw langai mi pyi n hkap la ya ai sha n ga, 2010 ra lata poi shang na ahkang mung n jaw ai gaw kachyi mi pyi mi man n tau ai lam re. Ra lata poi de shang shing jawng na matu mai gan du Jinghpaw Wunpawng sha ni yawng kachyi mi pyi myit n hkrum ai re, myu sha ni myit n hkrum ai rai tim, kaja byin ging ai gaw, Jinghpaw Wunpawng myu sha ni gaw myen munghpawm hta lawm nga ai myu sha ni re majaw, Myu sha ni a gawng malai tai nna, shang shingjawng na KSPP party hpe ra lata poi hta shang nan shang shangun ra ai re. KSPP party hpe ra lata poi n shang shangun ai ngu ai gaw, “Nanhte Jinghpaw ni anhte myen munghpawm hte hpa n seng madai” ngu ginhka kau ai the bung mat nga sai. Dai hku rai sai sha n-ga, munghpawm byin wa ai n pawt Banglung ga sadi hpe shan hte run kau sai rai sai majaw, anhte Jinghpaw Wunpawng myu sha ni a matu, moi Banglung ga sadi rai n galaw yang na zawn mungdan san san bai nga mat na hta lai nna, lata na lam mi n nga sana kun?.
Banglung ga sadi hta,
1. Jinghpaw, Sam hte hkang myu sha ni gaw myen mung hte jawm pawng nna, myen munghpawm mungdan hpe jawm galaw let, rau jawm nga na.
2. Myen wa lap mi lu yang Jinghpaw, Sam hte Hkang ni mung lap hpra lu na.
3. Tinang nga ai shara hpe mungdaw masat la nna, tinang a mungdaw hpe tinang a myu sha ni up hkang na. Mungdaw a ra mara ma hkra hpe tinang a myu sha ni hkrai hparan na. Mungdaw ni galu kaba wa na matu gaw gap ra ai lam ni mahkra hpe Kanu mungdan kaw na hkam ya na.
4. 10 ning du ai hpang myen munghpawm kaw na pru mayu yang mai garan pru ai ngu ai myit hkrum lam ga sadi ni re rai tim, kaja wa shanglawt rau la ngut ai hpang n dai ga sadi ni hta lawm ai lam langai mi hpe mung nlu ai hpe myit malai hte hkam sha ra saga ai. Garan pru nmai ai sha n ga, tinang a mungdaw hpe tinang n lu up hkang ai. Myu sha ni a ra mara mahkra hpe manam wa kaw she shagrit shanem let hpyi la ra ai. Manam wa kaw hpyi nna ahkang jaw ai hte hpe myit pyaw tim n pyaw tim, tara tim n tara tim hkam sha ra nga sai.
Uru seng maw na shanhte htaw la mat wa ai lungseng kaw na 1% mi shapyi Jinghpaw mung a matu jai lang ai rai yang, Mogawng hte Hpakan lam hpe gatdara hte n re lungseng hte nep lu ai. Danai lam de na shanhte shaw sha ai Ja hte n hprang rai a 1% hpe Jinghpaw mung a matu jai ai rai yang , Danai lam hpe concret n nep ra ai. Ja hte nep lu daram rai sai.
Tsaw ra ai Jinghpaw Wunpawng sha ni e, masu hkam ai lam gaw n dai daram rai yang ram sanu ga. Matut nna masu n hkrum na matu sadi maja ga law. Hpyen asuya hte seng ai lam rai jang gaw, marai langai lahkawng sha bawng ban nna, n daw dan ai sha, myu sha ni law law a baw nu hte dinglik yu nna she daw dan sa wa ga law. Shawng nnan masu hkrum ai gaw masu ai wa a mara she re, lahkawng lang hta jan nna masu hkrum jang gaw masu ai wa a mara n re, kam ai wa a mara she rai na sai myit dum ga law. Dai majaw ga lahtum yang shut yang shut na, Myen hpyen asuya masu ai ngu ai gaw n shut ai ga re.
Jinghpaw Wunpawng sha ni moi laisai ten hta myen hte n pawng ai sha san san nga lai wa ai ni re hpe n kau mi n kam ma ai. Kachyi mi tsun dan mayu ai.
1. Aung San gaw Jinghpaw mung de lung wa nna , Jinghpaw salang ni hpe wa alawn ai lam gaw, kaga ga nga ai ni hpe arau nga ga ngu ai lachyum rai nga ai.
2. English Director wa gaw Jinghpaw ni hpe myen hte shanglawt rau hkum la mu, hpang e she la mu ngu ai gaw, kaga ga nga ai kaw na, myen hte rau pawng mat wa na tsan ai majaw, tsun ai re hpe sawn yu yang kaja wa moi gaw kaga ga nga ai re hpe sawn lu ai.
3. Banglung myit hkrum lek mat a majaw, kaga ga re ni jawm kahkyin dat ai majaw, myen munghpawm byin wa ai re. Kaga ga n re rai yang, banglung myit hkrum ga sadi n tawn ra ai re.
Myu sha ni a rawt malan shanglawt KIO/KIA hpe bai yu yang, nnan hpang ai shaloi gaw, Amyu sha ni shanglawt lu hkra gasat na ngu yaw shada ai lam she re. Shaning na wa ai shaloi shanglawt hte myen gaw kadai mung n dang ai masa re majaw, munghpawm myen mungdan kaw na n garan pru ai sha, madu mungdaw hpe madu myu sha ni up hkang ai lai ladat federal hpe bai hpyi la ga ngu nna 1994 hta Cease Fire gap hkat jahkring ai lam hpe shi kru ning tup galaw da sai rai tim, Federal gaw lu sani? Rai nlu ai sha n ga, Myu sha hpyen la ni hpe jahtum shamat kau ai baw ladat Border Guard she bai galaw shangun wa ai. Gap hkat jahkring ai a yaw shada ai gaw, bai lung wa na asuya nnan ni hte, mung masa saboi kaw mung masa bawng jahkrum la nna, madu mungdaw hpe madu up hkang sha na Federal hte munghpawm mungdan hpe gaw sa wa lu na matu ngu ai rai tim, kaja byin wa ai gaw, shaga na ahkang pyi n lu, tang madun ai hpe mung ahkyak n la, asuya n nan rai n lung wa yang laknak jahkrat shangun ai, shing n rai jarik sin hpyen la sha galaw shangun wa ai. Ndai gaw anhte amyu sha ni masu hkrum ai hpang jahtum rai na sai ngu kam ai. Ndai jarik sin na hpe n hkap la ai lam gaw, Jinghpaw Wunpawng myu sha ni a gawng malai tai nga ai KIO/KIA a lata la ai lam gaw, myu sha ni yawng a myit hkrum daw dan ai lam hpe hkam la lu ai lam langai rai nga ai. Ndai border Guard hpe n hkap la ai lam hpe Kanu mungdan hta nga ai Jinghpaw Wunpawng sha ni yawng sha n ga, mungkan ting de du taw nga ai Jinghpaw Wunpawng sha ni yawng mung ra sharawng dik ai lam re ngu kabu gara n gun jaw nga ga ai.
Laiwa sai ten hta lang hte lang masu hkrum sha ai a mahkrum madup a majaw, myu sha ni a ningbaw ningla rai nga ai KIO/KIA asuya gaw, hpyen asuya a masu ai hpe bai n kam hkra, lam shagu hta sadi let maja let, simsa na lam bawng ban jahkrum ai hpe na chye lu ai shaloi, mung shawa hku nna grai n-gun lu wa nga ga ai. Ahkyak ai myu sha lam daw dan na rai yang mung, tinang rawt malan hpung ni hkrai daw dan ai hku n re sha, mung shawa a hpaji jaw bawng ban shang lawm ai hpe madung tawng let daw dan sa wa ai lam gaw, myusha lawt lam hta manu dan dik ai lam ni rai nga sai ngu kabu kaga n-gun jaw nga ga ai.
Tai hpyen ni zawn lak nak n-grung ai, masha n-gun nlaw ai rai tim, Myu sha ni yawng shang lawm myithkrum nna jawm ninghkap ai majan, teng man ai majan re majaw, Karai Kasang a shaman chyeju lawm nna, Wunpawng annau ni n dai majan gaw padang dip lu ai majan rai na re ngu kam nga ai. Mungkan ting kaw nga ai Jinghpaw Wunpawng sha ni kaw na mung, dang di lu ai Karai Kasang kaw n sim n sa akyu hpyi nga ga ai re. God can do every thing.
Rai yang ndai shara kaw myu sha ni a matu myit yu na lam langai mi nga ai. Tai hpyen gaw anhte hta n-gun grai kaba ai. Anhte nmai dang ai ngu nna, Federal hpe sha hpyi la nna Federal daram hte myit shadik let, myen hte rau prat tup nga mat sana kun? Ndai ni hte sha a ganawng nga ding sa gaw, federal mi lu tim maga mi hku gaw naw masu sha, dip sha, dang sha ai gaw naw matut hkrum nga na ga ai. N-gun bung n bung hpe n yu, laknak grung n grung hpe mung n myit ai sha, “Anhte a awng padang, Yehowa Karai Kasang” hpe kam sham let, Awng Dawm shanglawt hpe myit mada nga ai ni rai yang gaw, anhte hpe Karai Kasang mungdan jaw ai shani, masu magaw, hkalem hkalau ai chyahkyawn asuya a kata kaw na lawt wa na ga ai. Dai majaw dai ni nang du nga ai gaw“Lam n braw kaw re, gara de hkan na” Wunpawng sha ni e.

Myu hpe tsaw ra let,
Agu Namti

11 comments:

Anonymous said...: mung masa uhpung ni myu sha ni hpe gara lam hkan na nchye hkra woi lam ai shaning grai na sai,gap hkrat ga nga nna gramaga de yawng woi ai remung nchye, gaphkat jahkring nga nna sha ning law law lam woi ai mung nnga, yawng hpe lam woi shadam, hpyen wa mya sha ai sha katut, yabat gasat ga nga ,myen wa hte bai pawng nga na matu sha bai shaga, myen mung ting a mungmasa hpe sha bai lit lamayu ai uhpung ti nang a lit hpe pyi nndang maw na zawn re ai mung masa, tinang hpara ai re mung nchye nna grai kaw hpi nga, grai wa ganing re ai hpe jaw na ta? ngai ra ai gaw wunpawng mungdan,ngye jiwa luda ai mung wunpawng kachin mungdan ,karai jaw ai mung wunpawng kachin mungdan,asak hpe jaw nna makup maga ai ni mung wunpawng myu sha, hpawng de makup maga na myu tsaw shre shagan ni mung wunpawng kachin myu sha ,myit asan, pan dung mung asan, ndai san ai lam hta she Karai kasang mung lawn na re, lamdam taw nga nmai, ningbaw ni mung ndai lam hkan ra, myu sha ni a padan hkrun lam, ngai ra sharawng ai mung wunpawng mungdan, hpyen wa jaw na matu taladawn hpyi nnra, hpyi sha ai amyu ni hpe, jachyum ga hta mayam ni nga. garai nra ai lam hta nmai hkan sa ai achying ten rai sai.awng padang lam hta grai wa tut lawm nga u ga.; December 21, 2011 5:49 PM
MYU TSAW MUNG TSAW said...: KOI,KIA SHA W.P MUNG DAN A ASUYA,W.P MYU SHA NI A MATU HPYEN DAP RAI NGA AI..; December 21, 2011 6:44 PM
myitkyina boy said...: Um Federal hku sa yang gaw anhte jinghpaw w/p myusha hpyen dap hpe nmai hpaw mat sana re majaw dai ahkaw ahkang tat kau ai hte gaw hpyen wa a lata kaw rai sai re.shi kam ai hku anhte hpe mai kalau sha mat sai.U.S.A gaw Europe hkan na masha ni mungdan nbung ai kaw na sa ai rai tim yawng hte htuk manu ai American ngu shamying ai majaw mang hkang dai ram n-nga mat ai.Anhte myen mung Native masha ni gaw myen nre majaw anhte hte seng ai mying hpe nlu shamying nga ai ndai gaw amyu mat masing hta myityu hpa gaw re ngu mu ai.; December 21, 2011 10:38 PM
little Jinghpaw sai jet said...: WP sha langai hku n na chye nan chye da ging ai lam ni hpe chye lu ai majaw grai chyeju gaba la sai law,AH GU NAMTI e,Karai Wa gaw an hte a shawng lam hpe galoi mung lam madun shaman nga u ga law..; December 21, 2011 10:43 PM
msw langji said...: Um Ya Myen ni hte mung masa jahta na ngu ai shaloi grai njahta yang ya myen ni anhte lamu ga de htu lung wa ai myen hpyen la ni shawng dawm kau ngut yang shaga ga ngu yang gaw grai htap htuk manu na wa,ndai hku nre ai sha kalaw dat yang K.I.A/K.I.O ningbaw ningla ni lani myi myusha man hta dawdan shut kau ai byin wa mai ai hpe mu yang grai kaja na wa.; December 21, 2011 11:09 PM
Anonymous said...: Ah Gu,

Grai hkrak ai. Ya na zawn matut nna yawng hpe myi jahpaw shachye shachyang ai lam galaw u. Grai chyeju kaba sai. Grai n-gun lu ai.

Ah Tsawm; December 22, 2011 1:46 AM
Anonymous said...: Masha jahpan n law ai majaw gara ladat hku nna Mungdan madu lu na mahkrun tam yu ga. Gasat di la ngut ai hpang masat ya na matu mungdan law law de manang jinghku law law mahkawng ra na re.; December 22, 2011 5:11 AM
Jutgert said...: Madu up hkang lam hpe sha ra sharawng ga ai.
Tsep kawp Union,Federal munghpawm hpe nhkap la ga ai.; December 22, 2011 5:42 AM
hkunman said...: Myen a lagaw, lata,Mahkra gahtam daw kaw ngut ai hpang she Tengman ai,hku mai bawng ban na re. Myen a bawnu gade ram sung ai hku magaw ai. Manai ai ngu ai gaw, n-lu maram tawn lu ai. Majan lam shagu hta, GOD lawm jang hkum tsup sai,Myen wa bawng ban ga ngu ai mung shi tsun masu ai sha re,Myen a kraw hta Yawng hpe sat na, Yawng hpe madu la na, Yawng hpe shamyit kaw ma na ngu ai, myit zasat gaw 100% hpring tup re,Yamung LID, 66,hpe Jinghpaw Mung de Majan rawt na matsun ai lam na chye lu ai,dai majaw gaw, GOD, kaw marawn jahtaw sha bam n-na gara hku gap na ngu myit shajin ai gaw madung re,; December 22, 2011 7:23 AM
Anonymous said...: Myen ni a mung masa kaw n kadawng bang mat na ahkyak ai. Jinghpaw ni galoi she tinang lagaw hta lu tsap na? Mung masa Lam- Myen a npu rai na kun? Hpung makam masham lam-Kayin ni a npu rai raw ai le? gaya kahpa re. Tinang nang gwi gwi tsap yu ga le..nau agam ai baw n di ga!; December 23, 2011 12:42 AM
Anonymous said...: Grai teng ai. Tinang mungdan lu mayu yang Dai baw myit jasat rawng ra ai. Brand new mari/galaw la ga.second hand n la ga.; December 23, 2011 12:54 AM

HKRIT HPA

2012-01-03T21:45:00.001-08:00

Simsa lam ngu ai teng man ai tara masing tara kaw shinggyim, ahkaw ahkang masa hte ding hpring ai mung masa ahkaw ahkang teng lu ai rai yang she simsa lam gaw lachyum nga na re hte, njaw ai ntara ai simsa lam gaw hpyen majan hta grau hkrit ra nga ai zawn masha hpe hkrung nga ninglen, si ai hte bung ai, prat a myit makru yawng daw kau ya ai, rawt jat lam yawng pat kau ya ai gaw, AIDS, ana zinli hta grau hkrit hpa re.

Jum hte sha mi rai rai, bahkang langai sha lu bu tim lu sha, lu hpun jang rai sai ngu ai, da shatawt myit jasat gaw rawt galu kaba lam hta hkra machyi dik ai, shanglawt hpe pat tawn ai myit masa kaba re, nlung hta mi rai rai, zai bru jang e mi rai rai, gara hku di yang shat hpraw lu sha na ngu ai, ntsam ai myit marai, myit jasat hte shakut ai rai yang, lam yawng teng awng dang na re. Tinang hkrai atsawm nmyit yu, n'yu nna, ahtu kataw yang, langa masha hpe mara n'nga dasang zingri sat ai, htawng bang ai, mara gata numma hte hpa nchye shi ai ma ni hpe roirip sat ai, mare nat ai, shinggyim ahkaw ahkang htum zingri ai, n'gun kaba hte majan je ai, ndai zawn re hpe asuya ngu tsun lu na kun? Gasu kabrawng hpung, mya sha, lagu sha, kashun sha, myu shamyit ai, ladat kaba hte galaw taw nga ai myen hpe asuya ngu na kun? Madu up hkang kata madu kasha ni dai zawn rai hkrum ai hpe yawng a Kanu Kawa Gumsan magam ngu tsun mai na kun? Asuya majing Gumsan magam jet ai shani she simsa lam jahta yang kaja na re.
NLD Aung San Kaw ni mung jawng ma ni a 8-8-88, ninghkap n'gun madun ai, 2007, hpungkyi ni hte mung shawa n'gun, kaba madun ai ten ni hta, NLD hte Aung San Kaw ni, makau kaw nga nna poi yu masha langai hku nga ai, 2010 ra lata poi hpe 2008 a tara masing hpe nra ai majaw hte 1990 NLD ni ra lata poi na awng dang ai hpe shawng masat ya yang she ra lata poi shang na nga ya hpa majaw, tsun tawn ai, langai mi mung grai nlu shi yang hpa majaw ya gaw ra lata shang na hkyen sai, bai anhte baw sang hte seng nna, tsin yam masha hte seng nna galoi ahkyak la tsun yu nga ta? Dai ni hpe maram yu nna dai ni hpe mung tsan tsan kaw na yu tawn da sha mai ai.
Mung masa hte seng nna sharen da ai htawng masha ni hpe ninghpai masu na, mung masa laknak hku jai lang jahkrit ai, laknak kaba shatai ai. Simsa lam ga manaw shapraw nna, mung masa, hpyen masa laknak kaba shatai, bawsang nkau mi hpe, grin ai mung masa bawngban jahkrup ai lam n'nga, hpaga lam hte shalen nna, moi na zawn, magwi shabam majap ntsa kaw dwi hpa magap tawn ai masa hku mung masa laknak kaba shatai ai hpe annau ni grai tsang maram dik ra ai. Sadi ra ai.
Hpyen yen tsit ni nga gabaw dat nna mung masa laknak shatai mayu ai, [Ma-Sa-La-prat =Na-A-Hpa prat ] ten hta shanhte dap kaw na mung shawa de mu bungli galai shatsam hkrum ai hpyen du kaba ni gaw, madu hpyen dap hpe bai ninghkap ai masha grai law wa ai mung, myen hpyen dap a, ya ten hkrit tsang nga ai lam re, dai ni hpe mara tam nna, arawng aya n'nga hkra kawng ntu hkra ladat shaw shamyit ai, maza kanu law law sha hkrum tawn sai hpun kaba hte bung nga ai myen mung a mung masa, hpyen masa gaw, kade nna yang daw na sha rai sai majaw, annau ni a masa lam yan hpe mung, dating nna loi naw sharang tawn let matut gasat yang gaw, myen a masa masing yawng gaw nsin shang hkyen sai. Galoi mung asum jaw na nre, langai sha ngam tim gasat ra na re ngu mu ai. Ma kaji ni a myiman n'sam hpe yu nna naw gasat ga.
Baren Numraw

AHNAU NI A LIT

2012-01-03T21:44:00.001-08:00

Shimlum shanglawt awmdawm ahkaw ahkang hte madu tara masing kata, madu up hkang lu ai, mungdan a hkrang numshawn a matu, dai ni annau ni hkyen shajin tawn ra saga ai hte maren ya hkyak hkyak, ten hpe manu shadan nna masing jahkrat galaw sa wa ra nga ga ai.

Chyurum ai annau ni shanglawt ai amyu, mungdan lu ai amyu, Up hkang tara lu ai amyu, labau rusai nga ai amyu, htung hkring laili laika ga lu ai amyu, Yungwi madum shingnyi lu ai hkaw hkam hkaw seng magam amyu rai nga ga ai majaw, prat dingsa htani htana labau nmat, mungkan hta grin nga lu na matu, lawu de na lam yan ni hpe matut lahpa galai ya na lit anhte yawng hta, nga nga ga ai hte maren sharin lam madun sa ra nga ga ai ngu lajin dat mayu ai.

Mungdan Lamu Ga Labau

Myusha Rusai Labau

Htunghking Laili Laika Ga Labau

Tara Hkrang Labau

Mung tsaw myu tsaw sari rawng sadi dung ai myu sha tai nga lu na matu, matut manoi sharin la ai hte sharin ya na lit nga ga ai. Tinang kashu kasha ni hpe ma ten ga chye shaga chye ai ten kaw na myu sha labau mau mwi mausa hpe yup ra shang ai ten hkaidan htidan ra nga ga ai. Ndai gaw ja dik ai ritkawp tara re hte ja dik ai hkan sa ra ai tara re, kaji ai ten kaw na kamsham myit, madu myit,myu tsaw myit, magam myit,s hanglawt myit hpe sambang dawkbang htibang, sharin ya ra nga ga ai, shimlum bawngring rawtjat galu kaba ai myu hpe tsaw ra chye ai manu shadan chye ai myit hkrum mangrum gakyin gumdin chye ai,garum chye ai gatsun gala chye ai myu tai lu na matu sai ga chye shaga ai lit la chye ai ni byin hkra lahpa kalai ya na matu sharin len shalai ya ra nga ga ai.

LABAU
1. Anhte lamu ga hpe shaning ten, kade ram kaba ai kade ram gang ai,tsang hte tsang nga pra hkrat wa ai lamu ga shara ni hpe lamu ga sumla hte hkrat sang lang sharin ya ra nga ga ai.
2. Anhte a pra sa hkrat wa ai myu sha rusai labau hpe ban hte ban hti gumhting sharing achyin lam madun hpyendan ra nga ga ai.ginru ginsa lam matut sharin ya ra ai.
3. Chyurum ai annau ni gaw nta shachyaw galaw sa wa ai shaloi shawa ga hte hkrai shachyaw galaw la chye ai ni re, [shadaw, ngau, lapa, chyinghkyen, shangu, pali, kawa, share,] [Dawhpum, nbang, npan, hkuwat, hkinchyi, rapdaw, dawdap, nladap, yupgawk, htingnat, gumba, sharem, nhtung, htingye, garap, rading, shingnoi, htingka, Di mala, lakung, kamai, lagyawt, lahpaw, kailang, htum, htumun], ndai ni gaw laika man a majaw ga shadawn hku sha ka ai lam re. Shamying shamang shachyen shaga maumwi mausa hpe matut hti sharin shalen yang she galoi mung madu myu hpe manu shadan chye nna myu tsaw myit grau kaba wa lu na re. Ndai lam ni hpe kanu kawa ni ga chye shaga wa ai ten kaw na sharin achyin ra sai hte,shachyen shaga lam, hkungga lara lam hpe mung sharin nan sharin ra ai, shinggyin nauna myit bang nan bang ya ra ai. [ndai lam ni hpe rawt jat galu kaba nga sai mungdan ni hta ma ni hpe wanglu wang lang nga shangun ai majaw, ya dai ni duhka hkrum nga sai majaw, Tara kata ritkawp kata shanglawt ai ahkaw ahkang hte chye nga na matu ladat tam ra sai re], Ga tsun Ga la shawa bungli hta mahta nna maden galaw chye ai myu re.
HTUNG HKING
Num wawn num ya hpuji hpuja, mayu jahkrum, dama jahkrum rai, daw hka yak ai myu re. Manau nau ai, myu htunghking ka manawt hkrang lu ai.Manau hpan myu law ai.
1. BUHPUN SUMLI LAM
  Manu dan dik ai, kaja dik ai, lachyum rawng dik ai, laksan labu hpun palawng lu ai, soi gum hpraw palawng rida maka labu, gumhpraw n'ga, soi tingsan, myu lakung (6) a buhpun palawng gaw laklai tsawm ai, htung hking buhpun sumli chye ai amyu re. [Masha ni labu hpun palawng shani shana ten na na buhpun ai lang law shaning galu hpun wa jang myit shang sha wa ai, tsawm dum wa ai, yu ra wa ai, gangwi ai nawn wa ai, madu buhpun hking zawn nawn wa ai, dai sadi ra ai hte hkrat sum wa na npawt re, kaga myu ni hpe htang kaba chye wa ai gaw myu tsaw myit hpe ndum shami hkra machyi shangun ai.] [anhte htunghking maka hpe sum pan hta dawk shakap nna madu labu hpun palawng hpe prat madang hte bung hkra mai jahtuk hpun nga ai.
2. KA HKRANG
  Laklai shai ai laksan ka manawn hkrang lu ai myu re, annau ni a myu lakung 6 a ka hkrang ni tsawm dik ai hte laklai dik ai, buhpun palawng yungwi ni Karai jaw ai, JIwoi Jiwa ni jaw ai labau ka hkrang gaw mungkan hta laklai tsawm dik ai hte manu dan dik ai, myu sha ni a prat dingsa Jinghpaw WP myu sha re hpe madi madun ya ai sakse rai nga ai, ndai hpe matut nna nhka ja ai, matut nna nlen shalai lu yang gaw myu mat na npawt rai sai, masha ni ka hkrang hpe she manu shadan ai, masha ni ka ka yang she tsawm dum wa ai gaw myu tsaw myit hpe hkra mchyi wa ai, madu myu hpe yu kaji shangun chye wa ai, dai gaw hpang de hkrit hpa kaba re. Myu mat na re. Sadi ra ai.
3. LAILI LAIKA HTE GA
  Anau ni a laika hpe ma ten nta jawng kaw pyi mai sharin la lu nga ai, teng madu myu hpe tsaw ra ai manu shadan ai, Nuwa Jiwoi Jiwa ni hpe hkungga tsaw ai rai yang tinang laili laika ga hpe manu shadan ra ai, dai gaw myu tsaw myit jet re, Sai jaw ai labau ga re, dai ni annau ni laika hpe grai naw gram lajang la ra nga ai, laika ga ni mung grai naw gale la ra nga ga ai hte madang tsaw hkra mung hpaji ninghkring ni grai naw shakut ra nga ga ai law, madu ga hpe ga shakut ga, masha ni ga hpe shap ga ai gaw yawn hpa hkrat sum ai mayam myit rawng wa chye ai, masha ni ga hpe shaga yang she tang du tum ai, n'gun lu dum ai, ai nawn ai, htang kaba ai, namnak nam chyim nga dum ai gaw, hkrat sum dik ai lam re, madu laika ga atsawm nlu shaga ai mung myu sha lam masa lam hta hkrat sum ai, ga garan na npawt kaba rai nga ai.
4. YU NGWI MAHKAWN HTE MADUM SUMHPA
  Mungkan hta langai sha nga ai,laklai shai dik ai,pyaw dik ai yungwi madum sumhpa lu ai amyu rai ga ai, arawng la ra ai, rawt jat galu kaba nga sai myu ni gaw, laklai ai yungwi madum sumhpa hpe she myit shang sha ai re, htang kaba ai, laklai shai ai kaga myu sha ni a madum sumhpa yungwi nsen ni hpe she hka ja ai, ahkyak la chye ia re, dai ni annau ni pyaw dik ai laklai she dik ai madu dan yungwi mahkawn madum sumhpa hpe prat ndep dum mat ai,madu mahkawn hkawn yang namchyim n'nga dum ai, manu ndan dum ai, masha myu ni mahkawn hkawn lu yang ga lu shaga yang she tang du dum ai pyaw dum ai,myit shang sha ai,
  
  myit shim dum ai,htang kaba dum ai gaw hkrat sum kaba re, masha myu ni yungwi, madum sumhpa buhpun palawng, kahkrang ga hpe law law mahkawn, law law hpun, law law lang, law law shaga, law law ka wa jang dai myu ni hpe yu ra wa ai, htang kaba wa ai, ai nawn wa ai, dai gaw kaba dik ai masa kaba rai nga ai mung masa lam re, masha myu ni anhte buhpun palawng, kahkrang, yungwi madum sumhpa hpe myit shang sha wa ai gaw mung masa hta awng dang ai lam re. Ndai gaw yu yang hpa zawn n'nawn tim hkrit hpa kaba dik ai katsi majan hpyen kaba re, myu tsaw myit hpe ginlut shangun dik ai lam re. Madu myu hpe tsaw ra ga. Ahkyak dik ai lamang ten tsun shaga ai shaloi grai sadi ra ai, dai zawn re ten ma ni grai ahkyak la nna madat chye ai bai kaga myu ni mung madat ai re majaw grai sadi ra ai, madum sumhpa hkum hkum lu ai myu re, dai hpe prat madang hta hkan nna madang tsaw tsaw jai lang sa wa ga.
5. MAKAM MASHAM
  Dai ni annau ni Hkristan makam hpe hkap la kamsham ai myu tai wa saga ai, raitim labau jaw ai, myu rusai hpe Jiwoi Jiwa ni jaw ai makam hpe mung myu nmat na matu nat jaw htung hpe mung masa lam hku, labau hta ka matsing tawn kashu kasha ni hpe htidan ra nga ga, labau mat jang myu mat na re, makam law law nga wa ai mung annau ni hkabra wa na npawt kaba re. Sadi ga.
TARA HKRANG
Moi chyi nma pri npra ten kaw nna gumchying gumsa Bumdu prat ya dai ni du annau ni gaw up hkang ai tara hkrang nga ai ni re,ndai hpe tinang jawng kaw htunghking shrin hpawng hkan sharin ya ra ai. Du Slg, Agyi wa, Hkinjawng, Dumsa myihtoi nga nna, up hkang hkrat wa ai myu re mung up ai hkrang nga ai, dawdan jeyang ai tara agyi tara slg ni hte up hkang hkrat wa ai myu re. Lahta de na lam yan kaba ni hpe ya hkyak hkyak sharin nan sharin ya tsun nan tsun dan ra ai annau ni a labau jaw ai lit kaba rit kawp tara kaba re, hkan nan hkan sa ra ai, ma ni hpe len nan len shalai lam matsun ra ai. Dai ni hpyen yen nga ai ten hta mung ndai ni hpe ten la nna sharin ya ra nga ga ai. Madu myu, madu labau, madu ga pyi nchye ai she law wa nga ga ai gaw yawn hpa hkrat sum kaba dik ai lam rai nga ai, myu a ntsa sadi ndung hkabra wa na npawt mung ndai ni re. Moi shanglawt ningnan gawgap hpang yang tara grai ja dik ai majaw dai ni du hkra grin nga ai lam sakse re.masa kaw na mung masa de kalai sa wa ra ai. Tara hkrang hte mung masa hkrang masing hpe tinang myu hte htap htuk jaw manu ai hku gram lajang na mung grai ahkyak ai.

Dai ni sinna mungdan rawtjat galu kaba dik sai mungdan ni, Democracy mungdan ni hpa majaw hkrat sum wa nga ai kun? Hpa majaw manghkang kaba ni byin nga ai kun? Gumhpraw manghkang matsan lusu manghkang, ndai ni hpe maram shingdaw shen ginhka yu dik ai shaloi, wanglu wanglang nga ai, tara kata shanglawt ai hku nchye nga ai, shinggyin nauna myit nrawng wa ai, Kanu Kawa, masha kaba, sara sarama, sak kaba ai ni hpe hkungga lara ai myit n'nga wa ai, makam masham n'nga ai masha law ai, makam masham hte chyum mungga hte sharin shaga ai lam n'nga ai majaw, kadai hpe mung hpa zawn nnawn ai, Karai n'nga ai madang de du nga sai majaw moi Karai hpe kamhpa yang na mung up ai ten hte nbung sai majaw hkrat sum nga ai, ndai ni hpe kasi yu nna dai ni annau ni madu myu hpe hkungga tsaw chye ai myu tsaw mung tsaw ai magam myit shanglawt myit rawng na matu lahta de na lam ni hpe yajang hkaja sharin ya ra nga ga ai, ninggawn mung masa lam hpe mung sharin nan sharin ra ai. Dai ni annau ni htunghking sharawt ra ai, madu laili laika sharin ra ai, madu yungwi madum sumhpa kahkrang, buhpun palawng hte ga hpe manu shadan lang shakut ra sai, shaloi she annau ni galoi hkrat sum na nrai sai hte rawtjat galu kaba ai myu tai nna shanglawt ai myu tai na re. Myu mat na nre. Mungdan mung lu nga ga ai tim shanglawt ai myit madu myit magam myit nrawng ga yang gaw mungdan lu tim hpa di na ta? Mayam hpaji myit jasat hpe yajang kabai kau saga.

Myu sha lam yan hpe shawng kaw tawn nna matut dating shakut gasat ga.
Baren Numraw.

9 comments:

little Jinghpaw sai jet said...: Hpu nau Baren Numraw e,grai chye ju kaba la sai yaw.N dai nang shaleng dan ai an nau ni a labau hpe ya she a san pra nga chye na lu ai re,thumb drive kaw copy n na save galaw da sai.Ngai zawn re ai nau n hprang/myi nau n hpaw ai ni an hte hta law law mung nga na re.Internet n dap hkap ai shara ni hta n dai zawn a hkyak kaba chye da ra ai lam ni hpe lai ka dip shabra/garan jaw yang grai mai na wa i..An nau ni a shawng lam hpe Karai Wa bau sin shaman/lam madun let mung kan hta Karai Wa lata da sai dan hkung ai a Myu kaba lawan byin tai wa u ga law..; December 14, 2011 12:32 PM
Nu A Ma said...: Baren numraw e jinghpaw raitim jinghpaw ga laika hpe atsawm nchye hti nchye tsun shaga ai hpe myit malai dik sai,ngai tinang myu hpe tsaw ai ngu gaw ntsa lam sha naw rai nga hka ngu myit malai dik sai ya kaw na gaw madu htunghkung mahkawn ga ni hpe shakut ga hti shakut na sai.myu hpe galoi mung grau tsaw ra chye hkra arang bang na sai.; December 14, 2011 2:37 PM
hka hku shadang said...: tsawra ai ram ma manaw manang ni e n,dai baren numraw tang madun hpa chyi jaw ai ai hpe yu n,na ting nang chye ai hpaji hprat hte myu sha lam hta gra hkru jai lang ra sai ngu ai hpe myit sumru yu ga ngu tsun mayu ai. bai n,n an hte maigan de du nga ai ram ma ni sha n,ga kanu mung dan kaw nga ai ram ma n,kau mi masha law ai u hpawng hkan du jang ting nanga myu sha ga wnp jp ga hpe sha ga na matu grai gaya chye ga ai.wiwa myu sha ni hte gala myu sha ni gaw masha law law nga ai hpawng kaw du jang sha hte a ga hpe n,sen grai ja hkra sha ga ma ai.dai ni ah hte wnp myu sha ni hpa na jinghpaw ga shaga gaya taw ga ai kun.? an hte a ga si ga ngaw hpe mannu sadan ga ngu ma nang ni yawng hpe saw lajin ai; December 14, 2011 8:42 PM
Jidwi said...: myu sha labau htunghking hpe manu shadan ga law kaja sha wa anhte hkrat sum nga ai gaw masha ni hpe htang kaba chye ai ni re majaw yawn hpa rai nga ai.htawng ka ka,buga mahkawn hpe hkawn shakut nna myu sharawt ga.; December 15, 2011 1:27 AM
Dut Wa said...: "Masha ni ga hpe shap ga ai gaw yawn hpa hkat sum ai mayam myit rawng wa chye ai." N dai ga yan hte maren MAYAM myit n rawng wa u ga, MAYAM mung n re majaw tianang a Ga, Laika , htung hking manu shadan tsun shaga, jai lang, makawp maga sa wa saga law.; December 15, 2011 12:25 PM
shanglawt said...: dai ni annau ni kahtet majan katsi majan hpe mung ninghkap ra nga ga ai hte maren Barennumraw ka tawn ai hte maren matut nna hpang na ma ni myi man pa pa n'gun ja ja,arawng mi alu tsap lu na matu madu myu hte htunghking yungwi a'ga hpe manu shadan chye hkra tsaw ra chye hkra sharin ga.; December 15, 2011 6:12 PM
hkri ma said...: Barennumraw e nang ka tawn ai hpe masha ni nau tsun nna ngai jinghpaw laika nchye hti ai majaw manang wa hpe dasang hti shangun ai,na laika lu hti na myi prwi si pru nga sai,kaji ai kaw na masha ni laika sha sharin nna ya 30 ning pyi jan wa sai,madu laika hpe ahkyak nla nna galoi nhti ai
ngai jinghpaw jet rai nga nna jinghpaw ga jinghpaw laika pyi nchye ai gaw jing hpaw ngu tsun na pyi kaya dik ai majaw myi prwisi pru ra sai,ya nadai laika hpe manang wa ka ya ai re,jinghpaw laika chye hkra shakut na sai.; December 16, 2011 3:23 AM
Japan Du said...: labau mat nmai sai lawan hkaja ra sai,ten law law masha ni mahkawn chyu hkawn,masha ni ga chyu ga nna jinghpaw ga ga na grai yak mat sai,baren e dai ni na ten majan ten hta nang ndai zawn re ka shadum ai majaw nye prat hpe bai lu awai la lu sai.jinghpaw ni matu ngai sadi run wa sahka,wa yan nu a kasha ngai jinghpaw sai jet kaw na shangai ai re kaba jang she laknga kasha nmai tai sai.myit malai ai.; December 16, 2011 3:31 AM
laika hti said...: jinghpaw kasa e na majaw WP myu sha ni nhtoi grai lu nga ga ai law,matut nna Karai a shaman chyeju kawp e yawng a matu naw shakut ya rit yaw.hkungga ai.

MAJAN MAI SHANGUT AI LAM

2012-01-03T21:42:00.000-08:00

Majan a tsin yam hpe Jinghpaw shawa ni hkrai hkam sha nga ga ai. Kaga amyu ni majan byin ai a mayak n nga ma ai. Grau pyi naw hpaga ga let pyaw nga ma ai. Dai majaw majan byin ai laman kaga amyu ni yawng grai nan grau lu su jat sai re. Jinghpaw shawa ni she nga manga tawn kau da let hprawng ra ma ai. Jinghpaw shawa ni hpe sat ai majan rai taw nga ai. Shang lawt dap gaw jinghpaw Ramma ni hpe mu jang hpyen la la na matu lahkawn ai. Myen ni gaw Jinghpaw Ramma hpe mu jang hpyen ni re nga nna shayak sha ai. Potter lahkawn ai. Num sha ni hpe pyi hkyamsa lam n jaw ma ai. Dai majaw ya Myitkyina kaw masha grai mat taw nga ai. Hpang jahtum bawm ni gabai bun let sat hkawm ai, n kau mi hpe gaw n tsen ai nga nna rim ai, zingri ai, htawng bang ai. Miwa, Gala ni gaw Myitkyina mare kaba kaw grai pyaw let she nga ma ai. Shana hkan e saike ni jawn dumbre hkawm mai nga ai. Jinghpaw ma ni gaw n mai mat sai. Miwa, Gala ni gaw Myitkyina-Kampaiti lapran hta e grai mai kahkrang sha nga ma ai. Dai Miwa ni hpe Shanglawt hpyen la ni mu jang mung Miwa jinghku ni re nga nna hpa n shayak ai, dai hte maren Myen ni mu jang mung chyeju madu ni re nga nna she karum dat ma ai. Dai Miwa, Gala ni gaw dai zawn re masa hpe chye ai hpang gaw majan byin ngut mat na pyi hkrit taw nga ma sai. Dai majaw Myen mung na Miwa ni gaw Miwa mung kaw na arang jawm bang ai Miwa lauban ni hpe Myen hte Jinghpaw majan byin yang grau mai galaw sha ai lam tsun dan ma ai. Miwa mung kaw na lauban ni hte lauban ni zawn rai nga hkawm ai Miwa kin-yu ni gaw shanhte a Miwa asuya hpe Myen ni hpe majan n jahkring hkra ladat shaw shangun rai ma ai. Ga jarik kaw na Miwa asuya gaw Jinghpaw ni hpe kachyi kachyaw karum masu let, Miwa mung ting a asuya gaw Myen ni majan hpe n jahkring na matu karum ai. N gun jaw ai. Dai gaw ya hte Myen hpyen du ni Miwa kaw wa chyai ai shaloi sakse re. Dai majaw Myen ni gaw grai n gun lu let, majan hpe dingyang shabyin taw nga ai re.
Dai gaw anhte buga hta majan byin tim, n dai kaw nga ai Miwa, Gala ni, Myen shawa ni jamjau n hkrum lawm ai majaw rai nga ai. Kam mara byin taw nga ai re. Myitkyina kaw bawm kade kapaw tim Miwa, Gala, Myen n si ai, Jinghpaw ni she si ai. Jinghpaw ni hpe she rim la let a dup zingri, htawngbang ai. Dai majaw Miwa, Gala ma ni gaw majan byin ai hpe pyi gaw n chye ma ai. Dai majan ni gaw hpa tsun chyai na daram pyi n re nga she tsun ma ai.
Dai majaw n dai majan hpe shazim mayu ai, shangut mayu ai nga yang gaw, Myitkyina kaw nga lawm taw nga ai Miwa, Gala ni Myen ni mung machyi lawm hkra gaw ladat shaw ra na re. Dai ni law law nga ai de kapaw bun ra ai. Dai ni nga ai de laknak kaba ni gap sharu bang ra na re. Shaloi she kaga amyu ni mung Jinghpaw amyu ni hte maren hkrit maja let chyu nga ra wa na re. Hpang jahtum Miwa, Gala maigan law law Myitkyina kaw na hprawng pru mat wa ma na re.
Ngut jang Jinghpaw mung de lung wa ai wanleng baw masum, mali dang hpe kapaw dan jang wanleng ni mung lung wa sa na n re. Shaloi hpyen ni mung kam ai daram lu lung wa sa na n re. Grau nna gaw wanleng n lung wa jang myen hpyen dap ni malu masha n lu wa sa na, dai shaloi gaw kashun kashe rai wa ra sa na re. Dai zawn rai Miwa, Gala ni hte myen hpyen ni shada achya hkat let, shanhte a lapran hta mung Jinghpaw ni hte byin ai zawn re manghkang ni byin wa na re. Dai zawn re mayak law law hpe Miwa, Gala ni hkrum lawm jang she, majan ngu ai hpe shanhte mung hkrit mat na. Dehpang she Miwa, Gala mung na asuya ni hpe majan jahkring lawm hkra hpyi shawn ai ni mung nga wa na re.
Dai majaw Myitkyina kaw na Miwa, Gala ni sha nga pyaw nga dingsa gaw majan mai ngut ai hpan n re. Hpa majaw nga yang myen wa a majan wan grung hkra layit yit ya taw nga ai gaw Miwa asuya re. Miwa asuya dai zawn rai hkra gaw Myitkyina kaw nga ai Miwa ni hte lauban zawn zawn nga hkawm ai Miwa kin-yu ni maw lanyet ai majaw re. Myen mung kata na Miwa ni si lawm, daw hten lawm ai hpe mu wa jang gaw Myen hpe ya jang majan jahkring kau na matu Miwa asuya ni tsun na mara ai.
Ya na zawn sha matut sa wa yang gaw Shanglawt dap mung myen hte hpa n shai ai. Miwa, Gala ni nga mai na matu woi shakut lawm taw nga ai hpyen hpung she tai mat wa na re. Hpa majaw nga yang, Jinghpaw myu sha ni yawng gaw masha jahpan hte sut masa lam hta lani hte lani kaji mat wa sai. Jinghpaw amyu sha ni hpe shani shagu daram rim majaw ai lam ni, shara mi kaw n rai jang shara mi kaw nga taw nga ai. Dai zawn re ai shiga ni n bra hkra mung hkawm sa hkawm wa n mai hkra shayak sha taw nga ai. Na na gasat hkat taw nga yang gaw mungdan lu ai shani Jinghpaw amyu sha ni gaw mungdan langai hku nna nga sa wa na daram nga yang she nga sa na.
Dai majaw lang mi naw tsun na, Jinghpaw amyu sha ni hking lam, mun lam si htum mat wa yang pyi gaw majan dai hkring na n re, raitim Miwa, Gala hpawng de kapaw bang ai rai yang, Miwa ni latsa n si shi yang majan n dai kalang lata shangut ra mat wa na re.
Shanglawt hpyen dap hpe Karai Kasang a ding tawk bausin makawp maga lam woi let hpyen ni yawng mayawng hpe dang manga lu u ga. Jinghpaw Wunpawng mungdan hpe atsawm sha lu woi awn gawde lu mu ga.

25 comments:

myu tsaw mung tsaw said...: myen sa wa hpyen n gun hpa majaw jing hpaw mung de grau grau htu lu wa ai lam hpe myit yu ga..dai ni myen mung state shagu hta nga ai rawt malan hpung ni sinat pala langai mung n shale ai.myen hpyen sa wa a target gaw UNFC a ning baw rai nga ai jing hpaw hpe sha myit lu yang laga amyu baw sang rawt malan hpung ni zim mat na re hpe chye nga ai.hpa majaw nga yang myen mung kaw na rawt malan hpung n gun ja dit gaw WA hte jing hpaw re.laga amyu baw sang rawt malan hpung ni hpe gaw nga nga ai zawn pi n sawn ya ai.ya dai ni myen hpyen sa wa hpe UNFC hku n na n gup ga hte sha mung masa jahta na lam tsun taw ai gaw U LOI na hta ting se dum bang ya nga ai hte bung nga ai.ta tut galaw sa wa ai lam n nga ai.myen hpyen sa wa hpe shamyit na matu gaw UNFC rawt malan hpung yawng aten langai hte myen mung ting majan baw dat ra ai.hpa majaw n gup ga hte sha tsun taw nga ma ta?hpa majaw n gap ma ta?myit yu hpa she re.; December 7, 2011 4:22 PM
Anonymous said...: grau la wan ai lam gaw myu ka ta gaw ma sha myu sum hpa nga ai sha ra gaw she ah yai dan ra na re dai sha loi she wp mung dan gaw jam jau taw ai n ru n ra byin taw ai mung kan hta dan dawng wa na re jp 1 sha hkam sha taw jang ga dai n chye ya ai miwa, ga la law law nga ai sh ara de ah yai hkawm ra sia dai sha loi she la wan dik ai ma htai lu la na re; December 7, 2011 6:10 PM
myu tsaw mung tsaw said...: jing hpaw mung dan hpe lawan ai hku gap di la ra ai.dai hku n rai yang a ten galu wa ai hte an hte W.P myu sha ni grai machyi hkrum wa na re.UNFC kaw lawm ai hpu nau amyu baw sang rawt malan hpung ni a myu sha ni gaw n machyi ai.jing hpaw hte myen hpyen sa wa majan kaba byin nga ai ten kadai amyu rawt malan hpung ni gap garum nga a ta?yawng zim nga ai lam gaw myit yu hpa re...wan hkru ai kaw garum je la na gaw n myit,yu let marawn taw ai hte bung nga ai.; December 7, 2011 6:26 PM
Anonymous said...: Majan sim ai hpang banau myen ni a masu hkalem ai lam ni matut hkrum sha na hpe myit yu jang, majan nsim u ga ngu na zawn nga nngai oi!; December 7, 2011 6:34 PM
myu tsaw said...: Jaw dik ai law Miwa kaga ni gaw myen kaw lu shalau sha na matu annau ni kade si si hpa zawn nawn ai nre,myen e lu galaw sha na rai yang myen a
dangkang mata u nga tim mata na sha re,myen e kai chyan galaw ya nga ai gaw miwa hte kala ni sha re majaw dai ni hpe kaja sha shatsang jahtaw kau ra ai,myen ni nmai hkawn du ai kaw dai ni shi la shahtawn ya ai ja gumhpraw garum ya nga ai re,
dai ni hpe achyaw nan achyaw ra ai,myen ni n'gun lu nga ai gaw dai ni majaw re.; December 7, 2011 8:23 PM
Anonymous said...: Anhte Jinghpaw wunpawng sha ni yawng JAMJAU HKRUM AI ten hta KARAI KASANG hpe tut e manoi nga ai zawn simsam ai ten pyaw ai ten hta mung KARAI A mung ga hta manoi nga ga JAMJAU Ten na zawn KARAI hpe sha manoi nga ga KYU HPYI nga ga ,KARAI KASANG hpe sha , shakawn nga ga, SATAN MYEN ni masu hkalem ai lam nlu galaw na re,SATAN MYEN hpe HPAN da ai KARAI A MUNG GA hte TUT e hkawm sa wa ga law
MADU YESU SI AI KAW NNA HKRUNG RAWT WA AI SHANI KAW NNA gaw SATAN wa gaw hpa NGUN nrawng mat sai hpe myit dum nga ga, Rai tim anhte a myit masin hta ayan YESU hpe hkap la tawn ga KARAI a MUNG GA gaw YESU rai nga ai hpe n malap ga JINGHPAW WUNPAWNG sha ni yawng hpe KARAI KASANG tut e bau sin makawp maga lu nga u ga KARAI A MUNG GA hte rau rai nga ga,MYIT HKRUM NGA GA<> SHADA TSAW RA NGA GA<>MA TSAN DUM HKAT NGA GA K I A / K I O ni yawng hpe tsaw ra ai,KAM DIK AI

kcfchannel; December 7, 2011 8:32 PM
Anonymous said...: Ndai gaw Wunpawng sha ni myit nhkrum ai lam a mahtai re. Hpang lam 2000 ning daram hkan na htung hking masa lam de bai nhtang yu dat yu ga. Wunpawng annau ni shada da laika a majaw mung, Uphkang Ninghpaw kashun ai a majaw mung Htung hking a majaw mung nhkrum nra rai lai wa saga ai. Dai hkan Ja Ja nga rawt malan ai Zai Wa ni ya dai ni gara de du mat wa sai kun. Wunpawng mung dan a matu rawt tsap nga ai kun? Zahkung Ting Ying mung Myen ni a mayam she tai kam ai hpa majaw nga yang shi a ka ni tau ba business sha myit ai le. Myitkyina na Miwa ni hpe kadai shalai bang ai shadu ai law. Dai ka ni ya kaba wa nan re. Dai ni dai Miwa ni hpe kadai hpa tsun gwi ai law. Dai majaw Anhte Myu sha ni rawt jat kalu kaba ngwi pyaw lu na matu nga yang Wunpawng sha ni yawng shawng myit hkrum ra ai.

Wunpawng Myu Tsaw Brang; December 7, 2011 9:22 PM
awng mai said...: wp myu sha ni hpang de ngai na nin mu 1 mi tsun dan mayu ai.ya na myen sawa gaw simsa ai hkru nna aga hte lam 1 mi hkau sha jahta taw yang gaw nmai ai.dai lam ni hpe gaw yawng chye da sai hte maren rai nga ai.ndai hta ya myen mun hta byin taw ai mun masa lam ni hpe yu dat ga nga jang an hte jinghpaw myusha ni sha majan a jaw e' sum machyie taw nga ai.lai wa sai a ten ni hta laga myu baw sum hpa ya UNFC kaw lawm taw ai myu ni gaw myen sawa ndai hte gap hkart nna e.ya laja lana jinghpaw hte gap taw nga ai ten ni hta gaw yawng zim taw nga ma sai le taw! ya na zawng sha jinghpaw ni hkai gap taw na malai gaga myu baw ni rai nga ai bum nga masha si nat lang hpung ni hpe UNFC hkru mi rai rai . laga lam ni hkru nna mi rai tim yawng jawm di n'na ndai myen sawa hpe jawm gap na hkru bawng ban la lu jang gaw sim sa ai lam jahta wa na lam ni hta e lawan wa na re ngu di na mu mada ai.ndai lam ni hpe mu yawng myit yu di nna jawm e' shakut sa wa ra na re ngu nna ngai mu mada ai lam myu tsaw mun tsaw hpu nau ni hpang e lajin dat ai law,................jesusloveyou.2011@gmail.com (usa).; December 7, 2011 9:25 PM
awng mai said...: wp myu sha ni hpang de ngai na nin mu 1 mi tsun dan mayu ai.ya na myen sawa gaw simsa ai hkru nna aga hte lam 1 mi hkau sha jahta taw yang gaw nmai ai.dai lam ni hpe gaw yawng chye da sai hte maren rai nga ai.ndai hta ya myen mun hta byin taw ai mun masa lam ni hpe yu dat ga nga jang an hte jinghpaw myusha ni sha majan a jaw e' sum machyie taw nga ai.lai wa sai a ten ni hta laga myu baw sum hpa ya UNFC kaw lawm taw ai myu ni gaw myen sawa ndai hte gap hkart nna e.ya laja lana jinghpaw hte gap taw nga ai ten ni hta gaw yawng zim taw nga ma sai le taw! ya na zawng sha jinghpaw ni hkai gap taw na malai gaga myu baw ni rai nga ai bum nga masha si nat lang hpung ni hpe UNFC hkru mi rai rai . laga lam ni hkru nna mi rai tim yawng jawm di n'na ndai myen sawa hpe jawm gap na hkru bawng ban la lu jang gaw sim sa ai lam jahta wa na lam ni hta e lawan wa na re ngu di na mu mada ai.ndai lam ni hpe mu yawng myit yu di nna jawm e' shakut sa wa ra na re ngu nna ngai mu mada ai lam myu tsaw mun tsaw hpu nau ni hpang e lajin dat ai law,................jesusloveyou.2011@gmail.com (usa).; December 7, 2011 9:30 PM
Anonymous said...: Um..Jinghpaw mung kaw nga taw nga ai myiwa/Pan-cha hte Hindu gala ni hpe loi shayak dat ra ai nga hpe grai teng ai ngu mu ai.dai shaloi she mungkan na ni grau na mu chye wa na re.sumtsan hkan na gap dat ai hku kalaw ra ai.Mungkan majan pyi naw gaw myu kata de mung gap bang ma ai,anhte K.I.A ni gaw hpa majaw nmai gap n a rai? Human right kun? or what? camera n-nga ai shara kaw human right mungkan hta nau nlang ma ai.; December 7, 2011 10:17 PM
Anonymous said...: Gawng ngu naw,ai ni hpe

hkum a gam nga mu ,myo de mung ,a mya dat ya ra sai,myen a n gun gaw dai ma sha ni rai nga ai ,wan leng bawmung ga paw ya ai hte myo hkan mung ,ga paw ya ra na re ,dai sha loi she myen hpe dang na re; December 7, 2011 11:34 PM
myu tsaw said...: WAnleng baw lam hte lung wa ai sang hpaw yawng hpe gap nan gap kau ra ai shaloi she hpyen n'gun
malu masha dan di kau ra sai,sang hpaw hpe Kata lawu hkan ten la nna matut manoi gap shalup kau ra ra ai,shaloi she myen hpe dang na re,agam nga nmai sai.; December 8, 2011 2:42 AM
Anonymous said...: la tha na stun wa ai ni mung grai hkak ai hku re,,,,ya yang mai gan hkan du nga ai ni mung myit grai ga hpra ai hte shi ga hpe hti n na grai myit n kut na hpe chye na nga ga ai ngu kam n ngai,YA YANG SHAWNG LAM NA ,MYO STAW SHA RE SHA GAN NI,GA RA HKU SHA KUT NGA AI ,GA RA HKU JAM JAU NGA AI,SHAWNG LAM KAW ,LU SHA GAW GA RA HKU,LU HKA GAW GA RA HKU,SA LAT PYI GA LOI N GA STUT,RAI,,,,,,,,,,MAI GAN DU RAM MA NI,GA RA HKU GA RUM LU NA NGU AI HPE MUNG YAWNG JAWM JA HTA GA,,,,,; December 8, 2011 6:42 AM
Jutgert said...: Kaja dik ai ningmu langai myi rai nga ai, KIA/O ni nau nna yang Mare kaba hkan shamu shamawt wa na re ngu hpe myit mada ai.; December 8, 2011 7:52 AM
Anonymous said...: majan ngu ai gaw uhpung lahkawng gasat hkrat ai lam re ndai hta anhte wunpawng shanglawt hte myen hpyen ni bin nga ai majan gaw mai gan hpyen hte nta madu ni bin ai gasat gala lam re, mungkan history hta nta madu ni hpyen sum mat wa ai myusha ni grai law ai,dai hte maren nta madu ni hpyen hpe dang kau ai mungdan myu sha ni law law nga ai hpe mulu ai ndai mungkan history an hte wunpawng myusha ni a stum sok shagawn yura nga ga ai, tingnang jaw ai majaw gasat lam hte masha amyu hpe dang sha mayu nna gasat ai lam hkrai sha rai nga ai, yana anhte hte myen ni gasat ai lam hta wunpawng myu sha ni jaw ai re, rai tim gasat hpang ai kaw nna gaw kadai wa jaw ai shut ai ngu ai hpe shaga chyai nga ai aten nrai sai gara uhpung gaw hpyen graw lu gasat ai ,grau bin ai hpyen ladat kadai wa grau chye ai ngu ai hta she mahtaichye na re, kadai wa jaw ai njaw ai ngu ai mahtai hpe langa ai majan nrai nga ai majaw lahta kahpu kanau ni tsun ai lai ni gaw an hte wunpawng shang lawt hpung ni lang nan lang ra ai ladat re, mungkan labau hta jaw ai njaw ai ngu ai gaw hpyendang ai uhpung wa she labau ka ai hpyen sum ai wa a labau gaw kaja tim , nkaja tim labau nnga ai, hpyen sum ai myu sha ni gaw prat hte prat yawn hken hkrum ai labau hta nga nga ai , jaw ai majan re ai majaw jaw ai ladat munglang ra ai kajaai ladat mung lang ra ai ,dai hte maren nkaja ai ladat mung lang ra nga ga ai; December 8, 2011 8:57 AM
Anonymous said...: Anhte gaw Karaikasang hpe chye ai ni re .. K.K hta kamhpa let K.K gaw anhte hpe teng sha lam woi nga ai ngu ai hpe anhte a dum nga ra ai .. dam la da ai hku na" yu ga" .." mu ga" .. dai myuwa , gala ni hpe shakyin na hpe gaw anhte n myit ga .. shara shagu , mungdan shagu hkan du taw nga ai myusha ni yawng nsim nsa kyuhpi taw nga ga ai hte maren K.K kawn garum la na hpe myit mada ai rai yang n gaja ai ladat ni hpe n mai lang na re ngu shadum mayu ai .. hkam sha hkrum taw nga ai tsimyam ni gaw tsun nma hkam sha n dang hkra rai wa ai shaloi anhte a "pru sa mat wa na lam gaw Karaikasang hre sha rai ra ai " ngu ai hpe a dum nga ga ngu .. Karaikasang gaw Wunpawng Myu shani yawng hte " Share shagan " ni hpe tut e bausin nga u ga ..; December 8, 2011 1:45 PM
Anonymous said...: Anhte K.K hta zen ra nga ga ai .. myen ni gaw mare kata shara shagu bawm ni hkam kapaw nna KIA / O ni hpe she mungkan hku nna , mung shawa ni hku nna " kasukabrawng hpung " " terroist group " ngu mu na hku grai n shawp ai hku shakut galaw taw ai ten hta anhte grai sadi na , gari myit yu na ka, tsun shaga ra na re ngu ..shanhte n gaja ai, n tara ai, nteng n man ai hku nna mungmasha ni hpe sat ,nat zingri nna anhte hpe she mara mu na hku maw taw nga ai hpe dum ga .. bai " terroist group " hku nna masat hkrum yang gaw mungkan ting gadai mung n ra n garum ma ai .. Anhte gaw / KIA , KIO ni gaw mung masha hpe tsawra nna tinang a a sak hpe apnawng let mare kahtawng ni hpe makawp maga ai , tara rapra nna ntara ai hpe ninghkap nhtang ka sat ai, dai ni hta grau nna Karaikasang hpe chye ai ni she re ngu .. K.K gaw an Nau ni hpe galoi mung ngaja ai lam na shaw la na lam woi nga u ga ..; December 8, 2011 2:17 PM
Anonymous said...: Yes..Good..........., "Majan Mai sha ngut ai lam"ka madun ai myit su wa hpe chyeju dum ai majan hpe gaw majan hte mahtai la ra ai karai kasang a aga madat mara lam chyum mungga hta law law rawng ai akyu hpyi ai kaw makam masham rawng nna magam bungli hta teng man ai majan rai ra ai dai majaw majan hpe gaw majan asan sha an hte chye ginhka ra ai.ndai majan gaw amyu sha majan re majaw mare kahtawng nga jinghpaw yawng shang lawm gasat ra ten rai sai,mare kaw nga ai wa mung lit la ga, sinat hpai ai wa a lit sha nrai sai .an hte yawng lit la sa ga law.; December 8, 2011 2:33 PM
zeroking said...: karai kasang gaw majan kasat ai karai kasang re shi la ta da ai myu hpe mayam pyat na sha lawt na ma tu a na zin li<7>hpe la mu na ja hkrat ai wa re nan hte hpa baw hpe a gam taw nga a ta shing gin myit man hpe i ka rai pawt na hype n-hkrit nga myit dai hpren dap တုိင္း hkan ni shang gap ai lam n-nga ma dai sha wa la pran e ka paw ai ni hpe nan hte ngu na hpe hkam la na hku e nan hte n-ga sat tim an-hte hpe sat taw nga ai cha sam wa a-ga rum na hte chasam wa ajaw na ahkaw ahkang hpe n-la ai sha ten sha gu hta bawm n-sen hte sanat ma hku gaw an-hte a-awng pa dang pa hke n-tsen tai let n mai sha zim sai. pawng yawng#; December 8, 2011 11:04 PM
Anonymous said...: Anhte wunpawng myu sha ni hpe Karai Kasang nan lata la tawn ai amyu ni re, Anhte wunpawng myu sha ni gaw KaraiKasang hpe kalang mi akyu hpyi ap nawng da sai re majaw hpa mi nga tim "CHYUM LAIKA KAW RAWNG AI KARAIKASANG A CHYUM MUNGGA" HTE MAREN ANHTE galaw sa wa ra saga ai. dai majaw masha amyu ni hpe jamjau jaw jang Karai Kasang nra na re, Karai Kasang gaw "Na a hpyen wa hpe tsaw ra u" nga tsun da ai le. Masha hpe sat na, nat na, jamjau jaw ai lam ni gaw Karai Kasang hte nhtang shai mat wa na re ngu mu mada ai. Karai Kasang hpe akyu hpyi ap da sai kaw na gaw, K.K tsun ai akyu hpyi nna la nga ra ai. Dai shaloi she K.K bungli galaw wa na re. Akyu hpyi nna Karai Kasang nra ai bungli galaw jang anhte mahtang sum wa na re. KaraiKasang anhte hpe lata da sai re majaw, anhte hpe karai kasang garum ya na sha re, ya mung Karai Kasang bungli galaw taw nga ai re,MiWA,Gala ni gaw anhte ni hte Hpung nbung ai, kam sham ai lam nbung ai,dai majaw re, Karai Kasang gaw Kam Sham ai ni Myit Hkrum let akyu hpyi ai nsen hpe, hpyi ai hte yawng madat ya ai re, Ga hkaw 10 hpyi yang 10 hte yawng madat ya ai wa re. Anhte jinghpaw wunpawng myu sha ni gaw Karai Kasang a kasha majing ni re majaw "KARAI KASANG GAW KANING RE AI KARAI KASANG RE AI HPE" mungkan ting chye wa lu na matu hte mungkan ting hpe nhtoi jahtoi na matu Karai Kasang anhte hpe majan gasat shangun taw nga ai re. Lam shagun hte KaraiKasang a Mungga hte galaw sa wa yang Hpang jahtu AWNG PADANG DIP LA LU NA RE ngu kam ai. yawng a ntsa hta shaman chyeju lu u ga.; December 9, 2011 12:20 AM
Anonymous said...: Lam shagu hta Karai Kasang a Mungga hte maren galaw sa wa yang Hpang jahtum hta "AWNG PADANG AJET" lu la na re, dai hta n ga "TARA RAP RA AI" shanglawt mung lu wa na re,Karai Kasang hpe nkam ai zawn kam ai zawn galaw jang nmai na re. Karai Kasang gaw "Hkawhkam ni a Hkawhkam" kaba re majaw...; December 9, 2011 12:29 AM
Anonymous said...: DAI ,SHI GA SHA POI DAP ,( RFA ) ( BBC ) DAI KAW SHA POI NGA AI NI ,SHI GA SHA POI AI HPE MA DAT YU GA,,,,,,MYEN NI KA KYI MYI DANG YANG GRAI GA BA AI HKU SHA POI NA,,,,JING HPAW MUNG KAW YAK NGA AI LAM,MYEN NI ZING RI AI LAM HPE GAW A HPA A TANG SHA STUN YA NGA AI,,MYEN GAW MYEN RE,,YU MU,,,USA,HTE LON DAN KAW NGA AI NI LIT LA MU,,,SA NAT MA RI YANG LOI NA RE,,,RFA HTE BBC PYI N KAM MA DAT SAI,,,; December 9, 2011 7:56 AM
Anonymous said...: RE,,, DAI NI HPE SA GAP SAT KAU RA SAI,,DAI NI NGA AI SHA RA ,CHYE DA AI,,,,,,HKUM STANG,,SHAN GAP SA NAT HTE ,GAP MA KOI KAU NA RE DAI NI HPE,,,SHI GA LA MA DAT NGA MU; December 9, 2011 8:00 AM
Anonymous said...: MYEN NGA JANG YAWNG SAT,,,,; December 9, 2011 8:17 AM
Anonymous said...: MYEN NGA JANG YAWNG SAT

SHAWNG LAM

2012-01-03T21:41:00.002-08:00

Hpyi tsawp galai nna myit masin kraw lawang kachyi mi mung n'galai ai, myen gumshem Thein Sein asuya a shingdu e hpyen dap sha lawa lep palawng kaba gaw hkrang gran taw nga ai kaw shingna shingnyip zawn shamau shamawt nga ai lawu lahta rap daw Slg. ni gaw dwi ai ntsa lam hpe yu nna hkali tsi sha hkrup ai nsam hte bung nga ai zawn, shang yang gaw loi nna pru yang chyat ai masa de yawng nga ai. NLD hte Awng San Kaw mung dai hte maren sha rai na re. Bawsang ni hpe ya du hkra tara shang simsa lam tsun ai lam n'nga ai, sharen da hkrum ai mung masa masha ni grai nlawt pru shi ai. 2008 tara masing grai nlu galai ai, ahkaw ahkang hpraw chyang asan grai nmu mada shi ai, bawsang ni lam manaw hta ten tup tsun tim ya du hpa grai n'galaw ya ai, hpyen yen tsin yam ni hpe garum na lam galoi ntsun ai, shanhte kata de shanhte myu ni matu sha galaw ya nga ai, ya gaw tara shang paty hku kaja nan pawng sai, dai gaw annau ni a matu hpa madi shadaw shara n'nga ai zawn, ung ang shara n'nga ai.
Asean rapdaw zahpawng grai nsa shi yang gaw Mung masa hte sharen da ai ni hpe dat ya na Bawsang laknak hpai hpung yawng hte rapdaw kaw nan simsa lam bawng na tsun wa sai, 2014 Asean ningbaw mung lu tai sai hpang, mung masa hte sharen da ai masha n'nga ai, mara lu nna rim sharen ai sha nga ai nga, bai simsa lam hkum tsun lani hte pi KIO/KIA hpe shamyit kau na gasu kabrawng hpung gumlang hpung nga tara shang Thein Sein a n'gup na tsun pru wa ai gaw bawnu naw kaji ai ma langai mi a n'gup manaw nsam sha rai nga ai. Bai Hillary Clinton du sa wa yang No,2, sumtsan Slg. hpe sha sa tau shangun ai, kade ram sari n rawng ai hpe mu mai ai, Mungdan langai hte langai na Slg shada hkrum shaga yang myi man nsam, ga manaw, ga ngau, bu hpun sumli ai labu palawng nsam kaw na hkawt maram nna buhpun ra nga ai, simsa lam hte seng ai mahku mara ai hte seng ai mawn sumli nsam hpe chye ginhka hpun ra nga ai zawn dai hpe yu nna myit masa hpe maram mu mai ai. Ya du, shanhte shi laika kaw anhte hpe gasu gabrawng hpung, jahten hpung nga nna sha tsun nga ai gaw simsa na hte naw tsan nga ai kumla re zawn mung masa hku rapdaw kaw hparan na matu grai naw tsan nga tim mungkan mung masa, grup yin mungdan a hpaga masa gaw annau ni hte teng mung masa bawngban na de n'htu n'hkyi hte madi tawn nga ai.
Dai ni myen mung a bungli dap shagu hpe yu yang hpyen dap na lahta tsang du kaba ni hkrai jum tek ai, sum tsan Slg yawng mung hpyen dap na hkrai re,Dai ni a ahkaw ahkang arawng aya,shabyi shabrai gaw kaga mu gun ni hta grau law grau ahkaw ahkang nga ai.. law malawng shanhte hkrai re majaw,manam zawn sha sa matep ai kaga mu gun ni hte paty ni gaw madi shadaw pa nlaw ai majaw tara hkrang hte mung shawa a kaja ai nsen ahkaw ahkang ni hpe tatut hta lu galai shai na n'loi ai. Masha hte masa hkrang yawng galai kau yang she kalai shai ai de du na re.
Thein Sein asuya a galai shai sa wa na lam yawng hpe ninghkap dingbai dingna jaw ai gaw hpyen dap na re hte, Gumchying gumsa arang madu tingkyeng hpaga lauban sut du ni hkrai rai nga ai majaw, dai ni myit jasat n'gun hpe galai shai lu na yak ai. Bukda makam bung ai, myu bung ai ni sha ntsa tsang arawng aya mai lu ai, hpaji ninghkring ni madi shadaw ai lam n nga ai.
Rapdaw a Democracy Tara rapra masa kaba hku gara hku mung nmai sa nga ai. 2008 a gawda ai tara hpe mung kade nhtuk tim nmai galai ai mung mayak rai nga ai. Hpyen masa kaba hku Min Aung Hlaing Bayetnam- Miwa mung sa ai, Soe Win Bangladesh sa ai lam ni gaw makau grup yin hpe mung masa hkrang hpe maga mi de myi man kaba pa ai lam madun jahkrit ai lam re. Tinang rapdaw hpe mung nanhte gaw anhte ra ai hku n galaw yang palawng kata sinat kadun hte madi tawn ai, lak san nga lu na matu bungli n galaw ra ai shat da man man lu ai shawa nta kaba hpe manyi sum tsun masu nna jahkrit ai kum la madun ai.
Myen hte Miwa a lapran matep hkrum ai masa kata kaw mung masa shawng lam gaw madu dawng hkawn gwi gwi sharawt na, madu lamu ga dailup daihpang ga hpe, sadi dung, magrau grang ai myu tsaw myit hpe jum tek nna Annau ni kaji tim reng ai, nyam ai, sai kaba magam myu, tinang lamu ga ntsa tsap ai, kadai hpe shingnyeng nra ai. Lahpum sharawt dan nna, anhte lamu ga hku gas len shalai la mayu ai hpaga lam law law hkang nhpyi ai,madu yi ngam ntsa majoi hkai sha lu na hku galaw ai. Masu hkawm nga ai lam ntsa na chyatam hpe nhprang rai manu dan ai rai ni kaman shaw la shangun na kun? Mung masa hpyen masa,UNFC gaw lapu baw hpe gabye dip tawn ya ai hte bung ai.
UNFC hpyen hpung gaw madu up hkang ai mungdaw byin na de woi lakawn na re. Lawan hpaw lu yang kaja dik htum re, Miwa gaw hpaga sha lu ga na tai jang kadai hpe mung garum na sha re. Si na nhkrit, nlu sha na she hkrit ai myu re majaw miwa arang kaba hpe shatsang ra ai, miwa a hpaga masa yawng hpe pat ra ai jahten ra ai, shaloi she myen gaw hkumbawt lawu ai myi nmu gwi mana hte bung nna zinlawng hku de jau hkrat bang na re. Maga mi de miwa hte mung jahkrup jahkra galaw ra ai. Masa 2 hku tsap sa wa yang kaja na re, htingbu miwa hpe mung si mani dik ai hku masawp yu ai hte kata ang ang lu shang hkra myen a manaw hpe galai kau lu hkra shakut yu ra ai.
Miwa mungdan hte Gala mung kaw shanu nga ai tsaw ra ai chyurum ai hpunau ni e dai ni na, madu saidaw saichyen ni hkrum sha nga ai ,tara nlang roirip sat shamyit nga ai hpe myitsu hpu nau ni hku nna tinang Miwa Gala gum san magam ni hte myen mung Thein Sein asuya hpe madu ru sai langai hku shinggyin nauna myit hte tang shawn lu yang kaja na re. Masa hta mung kaja ai, htap htuk ai. Shanglawt gaw anhte lata kaw re shawng de matut gasat sa wa ga.
Baren numraw

SIMSA LAM

2012-01-03T21:41:00.001-08:00

Teng simsa mayu ai rai yang tara shang ndau shana mai nga ai, bawsang yawng hpe asan sha asuya langai hku ndau shana ra ai rai yang, hpa majaw mayun mayoi hkuwat hkinchyi hku masem mada pru nna yawng hte ten langai hta mung masa lam yan hpe rapdaw hta mungkan hte mung chying shawa yawng mu mai chye gin ai hku nmai bawngban jahta jahkrup nga ai kun? Pahkam kaba hkam tawn ai gaw asan mu mai nga ai.
1-shada hkungga lara ai ningsam ningmu shawng gran ra ai.
2-Kam hpa kam gin ai ningmu masa shawng hpyen dan ra ai.
3-Tengman myit hpraw san ai lam madun dan ra ai.
4-Shada langai hte langai a ahkaw ahkang hpe manu shadan lit la ai lam nga ra ai.
lahta na masing ningmu shawng manaw shapraw madun dan yang she simsa lam a matu myit mada tawn nna masing jahkrat hkyen tawn let bawngban sa ra nga ga ai.
1-hpyen masa n'jahkring ai.
2-2008 tara masing n'galai ai.
3-mung masa lam hku rapdaw hta tara shang bawngban ra ai.
4-Democracy hkrang hte teng galai shai ai lam nga ra ai.
5-Masha a ahkaw ahkang lu gin galai sha ra ai.
ndai lam ni shawng masing jahkrat galaw sa wa ai lam n'nga yang Annau ni bawngban tim lachyum npru shi na re, Ningbaw kaba ni hku na shamu shamawt yang mung nau grai nhtap htuk shi ai jau ai, Sari rawng ai hte ngang ngang kang kang sadi maram yu nna ten hte masa hpe lagaw lahkam jaw jaw, maram shamawt yang kaja na re.
Thein Sein a ga manaw gaw ma ginsup chyai ai daram re ai masa sha naw re majaw annau ni hku na grai ahkyak la nmai shi nga ai.manu dan ai ga manaw li li namnak nga nga, tsun shaga wa ai shani, rapdaw Slg. ni yawng kaw na tsun shaga wa ai shani she annau ni myit yu ra nga ga ai, Thein Sein a lani mi sha annau ni hpe gasat shamyit kau lu ai, gasu kabrawng hpung jahten sharun hpung nga nna sha manaw shapraw tsun nga yang, jahta na ten nre, bai hkranglen rapdaw Slg tsun ai ndai ram shata 6 jan gasat wa ai majan hpe Gumsan magam langai tai nga sai, Thein Sein nchye ai nga gaw masu myit nmat ai, kaya nchye ai madu kraw hpe hpaw dan ai hte bung ai.
Masha shada manu shadan ai, Tara hpe hkungga ai, Ten hpe lachyum pru hkra akyu jashawn ai, Tengman san seng ai myit masa nga yang she Simsa lam tsun jahta yang manu dan na re.

1-mung masa.
Lapu kaba a baw hpe lapai lagaw lahtin hte hkindit kabye dip tawn nna zimsha nga let pru wa na shinglet 2 bra hpe matep di kau ya ra ai. KIO gaw zim sha nga nna, Myi kaba, Na kaba, Sum tsan pala hkyen tawn ai hte bum tsaw kaw na mada mu tawn ra ai, KIA a shamu shamawt lam gaw mung masa hkrang hpe asan mu wa na, Amerika asuya hte masha ahkaw ahkang hpyi ai Wuhpung wuhpawng ni hte matsan grit nyem dik ai masa gaw annau ni hpe madu awm dawm up hklang ai de dun sa wa na re, sadi hte lahkum hta ngang ngang dung taw ra ai.
Amerika hte Miwa a shamu shamawt masa hpe joi si hta shen maram yu let UNFC hku sha nrai yang nmai shamu shamawt na re. UNFC gaw lapu a baw hpe dip tawn ai hte bung nga ai. Yaju yahkyeng nmai ai. Ten masa hpe la nna gamawt ra ai. Masa zai ladat ginsup ra ai raitim Media hte ginsup ai grau naw hkra machyi na re. Mung masa shamu shamawt lam gaw gangwi galai shai wa ai baw re majaw, tin nmai nga ai.

2-Hpyen masa
Hpyen masa hku yu ga nga yang mung bawnu hpe hpaihka hte madi tawn nna lashawng gang tawn ai hte bung nga sai ten re, myit marai masa,atsam marai hku mung lamu ga madu re majaw lamu ga masa dang ai, mung tsaw myu tsaw myit jet ai, tengman ai majan re, magrau grang ai myu re, labau rusai nga ai myu re, Bum nga masha ni gaw mazut ai, jamjau hkam ai,ntara ai lam hpe nkam hkam ai,gumlang ai myu re.
Sadi dung ai, masin ja ai, myu sha yawng madi shadaw nga ai ten re, matsan lusu masha nga pra madang nau nshai ai myu re majaw myit hkrum ai n'gun nga ai, mung shawa yawng madi shadaw ai ten re majaw majan mai dang ai. Tai hpyen gaw galoi mung kasi kaja nlu madun ai majaw hkrat sum ai kum la re, shanhte myit hta numla nsan ai madu buga lamu ga nre chye ai, ndai gaw shanhte hkrat sum na npawt re. Ten galu machyu pala law law nlu gun ai. Shingdu de myit dun nga ai, shingdu de tingsan waw taw sai, mungkan a ningmu hta kaya kaba hkrum nga sai. Tai hpyen,gumshem hpyen gaw hkrat sum nga sai, hpyen masa nmai shayawm ai.

3-Shi htawn shi gunhtin majan.
Tengman shihtawn shi shabra lam,Media,mung masa ninghkap n'gun madun ai lam Tara ai mabyin ahkaw ahkang tang shawn madun ai lam, hpyen yen tsin yam lam, masha ahkaw ahkang hpyi shawn ai lam ding ding galaw ra ai zawn zai ladat hkum hkum tara ai jaw ai shiga hpe lawan ai hku tang madun lu ai gaw ndai ten mung masa hpyen masa hta grau masam sa, hkra machyi na re.

4-hpaga majan
Miwa ga de nhkrang rai len shalai la mayu ai, madim kaba law law gawgap mayu ai, arang kata nhkrang sutrai htu shaw la mayu ai Maisak mailung, ja lung seng manu dan rai ni lamu ga majoi madu la mayu ai a majaw, mung masa bawngban ai rapdaw kaw du na yak nga ai. Mung masa rapdaw de du hkra shihtawn shi shabra ladat gaw sinat law law gap ai hte bung ai. Amerikan Maigan dat kasa hkringmang kaba Hillary Clinton a myen mung de sadu maram yu ai ndai ten masa gaw ahkyak ai lamang rai nga ai, democracy tara hkrang, masha a ahkaw ahkang, bawsang myu tsaw hpyen hpung [UNFC] ni hte jet ai tengman ai simsa lam bawngdung sharen da ai hkrum ai mung masa la ni hpe teng galai shai ai lam hte hkrang shapraw nga ai kun? Shaning galu hpyen langai hku masat nna, tsun jahpoi nga ai myen asuya gaw Amerikan a man kade ram galai shai galaw dan lu na kun? Mungdan langai hku nna mungdan langai a kata lam hpe atit anang shang shamawt nmai nga ai majaw mungmasa lam gaw gangwi she galai shai wa na re. Yajang gaw kalai shai na re ngu nmai myit mada nga ai. Myen gaw grau nna anau ni hpe jut de htu bang lu hkra naw shakut nga na sha re.mungkan hte mung shawa hpe matut nna masu lu ai daram masu na sha re. Ndai ten hpyen masa grau shaja ai rai yang gaw, galai shai lawan na re, myen a shaning galu ginsup lai wa sai lam hpe yu yang hpyen masa hta teng hkrat sum machyi wa magang maga mi de gap hkrat lu jahkring hkra ladat tam wa ai gaw moi mung galaw lai sai, ya mung dai masa de yawng nga ai.
Sum tsan pala hpe masing jaw jaw gap ga.Padang dip la na ten grai nyi kahtep wa sai.
Gasat ga.

Baren Numraw

NINGMA HKANG

2012-01-03T21:40:00.001-08:00

Ningma hkang sawng dik hkra hkrum sha ai,machyi kaba hkrum sha nga ga ai, annau ni shaning 60 ning jan shat di kabye shaga hkrum ai,lamu ga latung kaba sha hkrum ai, majan je hkrum ai, hpaga majan je hkrum ai,laili laika shamyit shamat hkrum ai,matsan grit nyem dik ai masha utsang tai hkra dip shamyit hkrum ai, sali wunli sutgan kashun mya hkrum ai, shingma hta mam ting sha hkrum ai, ndai ram kaba dik sai ningma hkang ni loi mai na kun? N dai ram hkra machyi dik wa sai hpe hpa hta matai madi madun na ta? Loi sha shaprai kau mai ai baw kun? Masha ahkaw ahkang ngu ai hpa ta? Dai ningma hkang kaba ni gaw Simsa lam a matu shingran zawn yup mang hpa naw byin shangun nga ai.
N'sin chyip myi di shim salu salat nkawp, ganaw sha ai ten hti ndang mat sai zawn, tengman ai hte myu tsaw myit jet njet, baw ja nja, simsa lam ga manaw dat nna gum shem Thein Tsin asuya gaw chyam ding lit manaw chyam hkawm nga ai, sha n'ga dasang sat shamyit nga ai.sadi ndung rudi n'ngang ai, uhpung uhpawng ni hpe ga garan kau lu hkra npawt tam, bawsang shada nru nra byin hkra ladat shaw nga ai. UNFC a ngang kang lam hpe ashun ganga shamawt chyam yu nga ai shada kade daram magyep kap ai makyit ngang ai kade ram sadi dung ai hpe ladat kaba hte chyam dinglit dik yu ai ten re zawn maga mi de hpyen n'gun shayawm lu ai daram shayawm kau hkra hte, hpyen man kaba langai hte sha, langai hpang langai gasat shamyit kau lu na matu anhte lapran sung dik ai mahkam kaba hkam dat sai re.
Bai annau ni myu hte mungdan a ntsa kade ram tsaw ra ai, kade ram sadi dung ai kade ram hkam jan lu ai hte sak jaw lu ai kun? Myu labau masa gaw teng chyam dimhlit yu nga sai ten re, lam mi de Karai Kasang gaw shi hpe kade ram tsaw ra ai, Karai Kasang a ntsa kade ram kam sham nna kade ram sadi dung kam hpa chye ai myu lakung re hpe chyam ding lit nga ai, matsan grit nyem dik ai masha utsang, sut kata masha, sutlu nga mai lam n'nga, masha ahkaw ahkang ginlut hkrum dik ai, rawt jat bawngring lam n nga, gaita shingkra jahkrai ma law ai, dinghku masha ni hka bra ra ai, sihkrung sihtan law ai, dawhten masha law ai, mare shamat nta shamat ai law ai, hpaji hparat lam pat shamyit ai, annau ni hte bawsang mung chying sha ni a ningma hkang gaw kaba dik nga sai, ndai masa hpe tengman ai mung masa rapdaw ta rapra ai hku bawngban jahkut lu ai masa hkrang de teng sa sai rai yang she simsa lam gaw jahta nra lu nan lu na re, shinglet 2 bra hte gale galau chye ai, hpyen masa kaba ladat a shingnyip kaw shingna zawn shamu shamawt nga ai Tin tsin asuya gaw UN hte Asean EU Sinna dan ni a nyi htep htep
ushoi shoi tawn nna jum jaw shanyi tawn ai kaw na galoi myit malai teng hte mung shawa a nsen hpe madat na,teng kalai shai lu nga ai kun? Maram shen yu nga ai, ndai masa ni lapran hta annau ni kachyi mi mung nmai htingnut ai hte, kachyi mi mung asum nmai jaw na re hte, ga kya kachyi mi mung nmai shaga ai,hprawt hpawt di di,manaw ja ja hte shaga na ten rai sai,masha nsawn ladu lai roi rip nga ai hpe myit dum shingran let tsun shaga na ten she rai sai. Mungdan lu ai,shanglawt ai,mawru lauban lagat ntsin lwi ai annau hpe Karai jaw ai sali wunli lamu ga lahpa mi mung nmai tat ai.
Hpyen masa lam hku yu ga nga yang mung,kade mi htu lung wa tim lup wa wa tam ai hte maren sha rai na re,Gum hpraw hte shangun ai mayam dap,nchyang dap hte bung ai,sak kaji ai hpyen la law ai,lamu ga kungkyeng ai lam n;nga ai,hpyen nkam gasat ai hpyen la law ai,hpyen dap a kata lam hta mung masa ningmu a jaw nru nra byin ai,hpyen jan hpyen ma ni matsan yak hkak ai mang hkang law ai,hpyen hprawng law ai,teng gasat ai hpyen man hta sadi ndung ai, majoi machyu pala shama kau nna,lawan hpang lu nhtang hkra galaw ai,ntsa tsang du ni ga nkam madat ai lale ai wa lang gale ai hpyen la law ai,lawu ga na hpyen la ni gaw bum ga a masa hkrak nchye ai, bum lung n'gwi ai, hkrun lam galu na wa yang machyu pala law law nmai gun ai jaw ten galu hkra myen asuya gaw hkrat sum chya lu re.
Mungkan shagu chyam bra nga ga ai annau ni ya ten hkyak hkyak grau nna myu hkum hkra hku ya jang ya jang lam magup hku lawan ninghkap madun ra nga ga ai laika bang ai lam hpe mung lang hte lang ding ding tang ra nga ga ai,myen nkaja nshawp dik ai hpe sakse hte hkrat tang shakut ra nga ga ai,law law tatut gasat nga ai zawn maga mi de mung shiga shabra ai lam laika tang ai lam masha ahkaw ahkang tang shawn ai lam ding ding lahkrip ra ra galaw ra nga ga ai. Myen kade nkaja ai lam gaw dai ni,myen mung kata kaw hpa majaw ndai ram hpyen hpung ni law ai laknak hpai masha law ai hpe yu nna sakse hku madi madun lu nga ai.lapran Slg tai ya ai uhpung sha n'nga yang gara hku mung simsa lam nmai bawng ban na re ngu mu ai.
Miwa gaw Kala mung,myen mung,shanhte miwa mung kata kaw nga ai annau ni hpe shi a mungdaw shanglawt ai madu up hkang ginra hku masat lu hkra teng myit shingran nga ai ngu mu ai.sinna dan ni lama grau shanang wa yang shingran tawn mai ai masa kaba rai nga ai ngu nye ningmu san hku myit sawn yu ga ngu tang dat ai. Dai ni annau ni kachyi mi mung nmai htingnut ya sai,asum jaw nan mung nmai jaw sai,
shaning 60 ning arang bang lai wa sai gaw ningma hkang kade kaba nga sai,sawng dik sai,machyi dik saga ai hte dai ni kalang bai myit hkalut kau yang hpang lam hpe grau sung sung myit shingran yu ra nga ga ai zawn,mung chying shawa a nsen kaba hpe grau ahkyak la nna,shawng lam de she grau shanang sa ga.Karai Wa hte mungkan mungdan mung shawa ji nban yawng KIO/KIA hpe myi kaba Na kaba hte galoi mung kam hpa myit mada nga ai hpe dum let magrau grang ai hte matut lam nshawng tai ya na re hpe galoi mung myit shingran ai hte n'gun lu madi shadaw dung yang rai nga ga ai.
Ningma hkang dingsa hpe bai gayen achyaw yu na kun?ningma hkang kaba hpe masawp yu mabyin hpe sawn yu let shawng lam de n'gun kaba hte matut gasat ga. Hpa grai nchye shi ai annau ni a saitum saihpa ma ni hpe ningma hkang bai njaw hkra shakut ga mara kata ai hpraw san tsawm dik ai tsaw ra dik ai ma ni a myiman n'sam, manyi sumsai myiman hpe ja ja azi yu ga, matut yu ga, lahpa kalai ya ga.

Baren Numraw

Prat ning nan

2012-01-03T21:39:00.000-08:00

Hkrang

2012-01-03T21:38:00.002-08:00

HKRANG

Simsa na gaw ahkyak dik nga ai, annau ni matu gaw tara masing kata kaw simsa lam la ai she jaw na re, simsa lam shawng la nna masa bai jahta ga ngu ai gaw nmai byin ai shingran she rai na re, mung masa rapdaw kaw tengman ai tara bawng hkut jahkrat ngut jang she jaw ai simsa lam de du na re. Simsa ngwi pyaw tsawm htap dik ai lamu ga hte tinang prat hpe jahtet sharum ai gaw hpa majaw ta? ngu lachyum hpren dat yang grai dam lada ai hte grai sung nga ai, rai yang ngai hku na gaw ningsam galai ai ni, ningsam galai shai mayu ai ni a majaw re ngu sha tsun mayu nngai.
Tara hkrang yawng mung byin hkrum hkra yu sai mungdan myu sha ni kaw na pru wa ai yu wa ai hkrai rai nga ai, masha a ngasat ngasa n'sam galai wa ai a majaw nru nra, nem tsaw, matsan lusu, myu kaji myu kaba, jahten sharun ai hpung hte shangang shakang ai hpung lahkawng gaw n'gun chyam hkat wa ai majaw, Simsa lam gaw masha wuhpung wuhpawng a matu hten run wa sai hte ahpyak dik ai mahkret lam yan langai byin pru nga ai. Simasa ai lam gaw yawng ra ai hkrai re tim masha lachyawk mi gaw, lu nga ai masha a ahkaw ahkang hpe tawt lai lam dam ai ting kyeng kan wang myit a jaw masha a shanglawt ai lam hpe mya gashun la ai, sai chyup ai, jahten sharun ai, kam hpa ai myit ginlut shangun ai, masha hpe gyit hkang sharen da mayu ai, masha a simsa ai shanglawt ai lam yawng hpe pat da mayu ai, dip da mayu ai majaw Gumshem hpyen jaubu ni pru wa ai, Gumshem ai hpyen tara masing ni jahkrat nna, masha shada bawsang shada dip gamyet sha ai hkang gaw pru nga sai tim dai gaw dai ni na ten hkrang chya si rai mat sai, jan shang sai. Myen gumshem mung majoi wau ai lam ntsa na gwi tam hte bung nga ai.
Gumshem hpyen asuya hku up hkang hkrum nga ai mung chying shawa yawng gaw
1-matsan grit nyem tsin yam hkrum ai
2-Hpaga hkrat sum ai
3-Masha ahkaw ahkang ginlut ai
4-Ana ahkya law ai
ndai ni kata kaw hpyen ladat hte gumshem dik ai hku up hkang ai, sai chyup ai, mung shawa a lu lawm ai shanglawt ai lam hpe mya gashun jahten ai, rawt jat galu kaba lam n'nga hkra makru daw kau ai, mara kata rim rawng ai, hkrit hkungga hkra, shagyi brep hkra zingri ai, kamhpa lam hkalut hkra dasang mya ai kashun ai, jahten ai, mung masha a ntsa lit nla gwi ai, galaw ai bungli hpe lale ai wa lang gale ai. De jaw, ndai ni hpe gumlang ninghkap na matu masing kaba hkrang [ 4 ]
1-Masha a ahkaw ahkang hpyi ai hpung hkrang
2-Matsan grit nyem dik ai hpung hkrang
3-Shi htawn shiga shabra Media hpung hkrang
4-Kata ntsa gumlang hpung hkrang
Ndai hta simsa laknak nlang ai masa galai na matu ninghkap n'gun madun ai ni nga ai zawn laknak hpai nna gasat ai hte hpyen gumshem ni hpe shamyit nga ai ni mung lawm ai, ndai ni ma hkra hte ninghkap ra nga ga ai tim annau ni gaw dai hta grau ninghkap ra nga ga ai.
1-Myu sha shamyit shamat masing
2-Lamu ga majen je ai masing
3-Hpa ga majen je ai masing
Ndai lam yan ni a majaw Democracy lu nna, Htawng masha dat ya nna, masha a ahkaw ahkang hpaw gin ai daram hpaw nna shanhte kata galaw sa wa ai mahkyen ni hte annau ni lu gin ai simsa lam gaw nbung ai majaw, grau nna laknak hpai ai hte annau lamu ga de tawt lai sha kabye zingri sha nga ai.
Sawa ni hpe nammuk dara panglai du hkra ru nawng pawt nawng gawt kau ra ai. Lusu nga pyaw, tsawm htap, simsa ai annau nau ni dinghku lamu ga hpe dasang jahten gashun ai, mya ai, shinggyin ahkaw ahkang hkum tsun U WA daram pyi manu ntawn ai hpe galoi mung gasat ra na sha re, anhte lamu ga hta hpaga law hpaw tawn ai, arang kata sutrai nhprang rai, gaman htu shaw la mayu ai Miwa a majaw anhte hpe nsi si hkra gasat shamyit nga ai re, mungkan gaw anhte hpe annau ni hpe n yu ai gabai tawn na nre, galoi mung gasat ra na re majaw ndai lang gaw yawng chyawm jamjau nna jaw ai mung masa tara masing de du hkra htani htana simsa ai myu sha de du hkra masha utsang de tsang lu hkra matut nna naw dating gasat ga. Simsa lam la jau yang kalang bai machyi na hpe shingram yu ga. Shanglawt myit nrawng ai sai kaji ai, magam myit madu myit shawa myit nrawng ai ni a matu gaw myen a pahkam gaw ntsa lam tsawm tim si chye nga ai.
Myen hpyen dap gaw n'chyang shap ai, n'chyang hpyen hpung hte bung nga sai. Gum hpraw hte shangun sha ai hpung rai nga sai, majan mahkrum madut nnga ai hpyen ma law ai, sat kaji ai hpyen la law ai, wa lang gale ai, hpyen nkam gasat ai she law ai. Gumhpraw mang hkang law law byin nga ai. Shaning 20 ning jan nhprang rai, arung arai , nai mam kaw na dut la lu ai gum hpraw mat taw nga ai mang hkang ni grai law taw nga ai majaw hpyen du kaba shada arawng magra gashun jum, n’gun chyam hkat nga ai ten re. Jahtum n'gun dat yu ai ga re, miwa gaw myen gumshem hpe garum ai gaw tsawp galai tawn masu Puhtum hpe sumbu e bang tawn ai hte bung ai.
Sai Chyup ai, kamhpa shara n'nga ai, San seng lit la ai lam n'nga ai, Tara nlang ai Gumshem myen hpyen asuya gaw Iraq gumshem Ssaddam Hussein, Indonesia na Suharto, Philippines na Marcos, Libya na Kaddafi ni zawn jan shang na sha rai sai. Annau ni dai ni na ten mung chying shawa yawng hte KIO/KIA mu gun kaji kaba yawng du hkra jamjau zingri hkrum ai shadang htum arang kaba bang saga ai majaw tsaw ra dik ai myu tsaw mung tsaw Chyurum ai hpunau ni e teng, man ai simsa tara hkrang sha nlu dingsa gasat ga, n'gun madun ga.
Ma kaji ni a hkrap ai, manyi ai n'sen hpe madat nna masin machyi ai hte Gasat ga.
Baren Numraw

CHYING HKAI NU

2012-01-03T21:38:00.001-08:00

Tsit lali tsawm htap dik ai, shagawng bum ring bum ga, tsit tsawm hpun kawa hpun sau tsi hkrung tsinan, hka shi hkanu lwi,ntsa malen pyen u, dusat dumyang, ja lungseng gumhpraw, nhprang rai hkum hkum nga panyep panyep ai ntsa, myu tsaw, mung tsaw, shawang myit gawp ai, atsam marai rawng ai, sari sadang hpring ai Nu a myu tsaw hkri tung saitum saipa kaw na myu tsaw sai hkaw ya ai hte, sak hpe galai nna,mungkan n'htoi de, labau shang shangai chyinghkai shaprat ya ai Nu e, chying hkai Nu e. Galoi shaga dat tim nye myit masin hta n'gun lu ai Nu.... annau ni naw kaji ai ten myu hte mungdan a matu Sai hkaw ya let share shagang ai hte awmdawm shanglawt a matu Si hkam ya ai arang bang lai wa sai, myu tsaw mung tsaw labau sai matut kau da ya ai Wa-- Wa n'ngut kau da ai yi ngam hpe matut shakre na, shanghlawt myit, myu tsaw myit, magam myit, madu myit, shawa myit Sai sam bang kau da ya ai Wa .. Wa E

Wa kau da ai annau ni hpe Mashi marung she gayaw, lata lahpaw she hpaw, salu salat hte puba jamjau ai yawng hpe hkam sharang shalai let, annau ni hpe masha zawn byin hkra, masha hte bung hkra bau maka ai zilum ai Nu.... mangai hkra u ni hte maling hkrudu ni ngoi, nampu nampan ni a sama, mangai nwat bat hte mangai yi wa de htoilen sumpyi, mahkawn shabrang ni a nchyun shangawn nsen hkra, pyaw pyaw la ai mangai ta kalang bai du nga sai Nu e,

Nlung ningnan sha, chyeju dum poi galaw nga ai dai shani shaning tup shakut la lu ai nsi naisi sihtu simai ngashan, shalap gapung shan hkak nga ga i, hkum hkum shadu shajin tawn, manyi sum sai ai myiman hkrai, ma kaji ni a n sen hkrai malap nmai ai, chyingbau shupsheng wp sumpyi dum, buga mahkawn hkawn let lahkrip ra ra htawng ka ka, pyaw dik ai ten, anhte a htawng seng mangai ta. A kajawng sha mare baw de myen du sai.. myen du sai nga marawn kade nna yang nta nat ai hte sinat n'sen nhkring nsa ngoi, Ma Brang yan Ma Hkawn nang de nangde nga Nu a shaga nhtum shi yang aka aka, Nu hkawm nga ai kaw na kadawng mat, Nu makau ngai kagat du wa yang Nu a sinda pai maga de sai grai pyu nga ai Nu.. Nu hpa byin ata? Annau myit kaji

na tsang sam ai Nu.. ngai Nu hpe mau kahpra let a hpum ai Nu grai sharang let Ma yan e Brang Hkum hkum hkrap lu, myi prwi si hkum pru lu, shanglawt mungdan sha nlu dingsa hkum hkrap, myi prwi si hkum pru, nga yet sha tsun let Nu ga nshaga mat sai, Nu ngai ahpum tawn ai kaw kya gumba ai hte yup pyaw mat sai Nu,, Nu.. Nu a sai nye sinda kaw hkaw bun sai, annau ni a matu Sai hkaw let myu tsaw myit bang ya ai, myu hte mungdan a matu arang bang lai wa ya sai, Nu yen Wa e ..

Ya dai ni htawng seng mangai, nmut mangai bai du nga sai, Moi 20 ning jan Nu jaw kau da ai hkam sharang nlu, malap nmai ai Nu yan Wa a yi ngam hpe dai ni shakre na matu Nu shani shana ten shagu tsun ai awmdawm shanglawt lu hkra Ma e shakut ra ai yaw nga, ya myu tsaw hpyen la tai, Nu myit mada dik ai, myu sha yawng a Padang Hkrun Lam Majan hta Ma tatut shang gasat lawm lu ai majaw, arang kaba bang lai wa sai, Nu yan Wa a ga sadi dung ai hpe shadik shatup nga nngai Nu... Nu dai ni myen ni moi na hta grau zingri ai, grau maka nkap ai, grau nshap ai, roi rip ai lam mung htum sai, mare kahtawng yawng nat ai, mu mamu mare masha yawng gap sat ai, mu mamu yawng la ai, mare buga yawng shingran katsi mat sai, U goi ai pyi nna mat sai, mangai nwat hte rau mam ni myin chyawng nga sai, dan la nmai dan na masha nnga Myu shamyit ai myu shakre ai sawa myen ni, kraw salum hta hka chyat hkra, n'gut ai Nu.e. Ladi nchyun ni hkri ai tim ma nhkrap ai Nu.. masin salum hpawm hkra sinda chyat hkra machyi rai tim ma myi prwi si npraw ai yaw Nu, chying hkai Nu e...

Asak hte ruyak jamjau hkiba ai yawng hpe arang bang let Padang sha ndip la lu dingsa Nu a num htet ga sha, nlu shadik shatup dingsa myu hte mungdan a matu gasat na, galoi asum njaw ai, galoi nhkrit ai, lamu ga hte Myu sha yawng madai ai, tim Ma galoi nhkrap ai, masin ni hpawm kaprep ai, sinda ni chyat machyi ai tim Ma galoi nhkrap Na Nu.. Nu e.

Padang dip la lu ai shani she Nu yan Wa hte myu hte mungdan yawng a matu arang da amyet da tsam mi alu n'gun mi alu hkrap na yaw.

Shanglawt sha nlu dingsa dating gasat na NU.. chying hkrai Nu e... Nu tsaw ra ai htawng seng mangai ta.

Baren Numraw

GA DA JA DA

2012-01-03T21:37:00.001-08:00

Gada jada nga, la ga kalang dat, lau ze kalang hkat nga, ga lai yang hka tai, jum lai yang sha nmai,num chyau chyau yang gaw hka,la chyau chyau yang gaw sha, num kaya yang manyi ai,la kaya yang si chye ai nga ai hte maren sari rawng ai, magam myit, myu tsaw myit, mung tsaw myit, shanglawt myit hte mabyin ga manaw, yawng hpe ya yang,simsa lam bawng nga ai ni, simsa lam la nga ai ni a mabyin ningmu, mahkyen hpe azin ayan, dinglik yu dik ai hte, htani htana grin na simsa lam hpe she myi shingran tawn mai nga ga ai.

Dai ni na ten hta annau ni du nga ai, ninggam gaw myu sha yawng a matu ahkyak dik ai ninggam, ahpraw achyang,sagu bainam garan gin hka na lam numshe numbraw kaw du nga saga ai, mahtai kaja hpe mu lu hkra myit sawn shachyaw yu nna shawng lam de kara hku matut sa wa na mahtai gaw ahkyak dik ai madang du nga sai, dai ni yak ai gaw loi sha naw rai na re, ndai ninggam hpe kalang bai jum hkalut kau yang gaw, hpang na lam gaw grau tsang grau yak, grau machyi hkam ra chyalu re, lai wa sai ten ni hta ahkyak dik ai, manu dan dik ai, myu sha yawng a lawt na ten hpe Sum tsan myit, myi, na, ni hpe atsawm sung sung masa masing hpe ndinglit maram yu ai a majaw, shanglawt na ten hpe myit malai wa yu saga ai. Myen gumshem a maw lanyet mahkam kaw na lang hte lang nlu lawt pru wa ga ai. Labau htung hking laili laika ga, nga sat ngasa malu masha lamu ga dinghkrai rai nga ga ai annau ni, nbung nhkrum ai annau ni, jahtawng nhtu ai ni hte gara hku rau du du hte hte nga lu na ta?

Myen gumshem a manaw masing masa lai len hpe yu nna, tinang mungdan tinang up hkang lu ai de, galoi lu sa na ta? Tinang lagaw tinang lahpum sharawt nna tinang ga, tinang lamu ga tinang dawdan up hkang ai awmdawm shanglawt shimlum lu na hpe tinang nan ndau lu ai de she sa ra sai.

Makau grup yin a mawru kade mi kaba kaba, ten ladaw langai du jang annau ni a lata hta teng zim mat lu na re, padang dip la lu na gaw dai ni annau ni ten lata hta du nga sai, gara lam naw hkawm na kun? Mung tsaw myu tsaw hpu nau ni e, sadi dung ai lung kring lunghkrung annau ni tai ra sai, mawru kaba kade mi wa wa, sadi dung magrau grang ai hte langai sha ngam tim galoi asum njaw ai share myit hte matut gasat ra sai, nlung hta nju langa hta ze, re ladat hte kade mi galaw galaw kaning re laknak hte mi gasat gasat, ntara ai lam grau galaw magang tai hpyen a matu gaw hkrat sum ai kumla sha re. Shanglawt na gaw ndai ten nan rai sai. Bawsang laga ni hpe nmai yu chyai nga sai, madu man, madu kahtan maka hpe madu nan dawdan la ra sai.

Sutsu ai lamu ga madu rai nga ai annau ni, kade mi hpaga majen je je, lamu ga madu nta madu ni hpe galoi lai lu na nre, Miwa mung ten mi lani mi gaw anhte maga tsap nan tsap ra chyalu re, lani mi gaw annau ni hpe shingnyeng masawp wa chyalu re, magaw dik ai mung masa nshawp dik ai masing, tinang myu sha lapran hte maigan de kade mi htawng dan tim annau ni yu manawn shara n'nga ai. Myen gaw annau ni hpe ding hkrai ga garan pru ai majaw gasat ai nga ai de yawng lu hkra kade htawng madun mayu ai. De majaw majan je ai nga tsun dan tim, nhtung chyawaw hte hka ja lahka ai masha hte bung na sha re, chyahkan hpe kade mahti tim sai npru ai hpa kawngdaw chyalu re. NLD Awng San Kaw hte shanhte gaw myu langai sha re shannau ni matu kaja hkra galaw na, masing chyawm jahkrat na gaw shanhte bungli re. Dai hpe yu nna myit ung ang shara hpa n'nga ai, mung masa hpaji langai hku yu la matsing la na lam sha re, annau ni gaw shanglawt lu ra ai, kaga bawsang ni hpe yu nna mung hpa myit ung ang shara n'nga na re, shanhte mung shanhte lahpan tsap na, annau ni mung annau ni lahpan tsap ra na hkrai sha re, man ang ai bungli yingam hpe masa masing jaw jaw shangut shakre la na de she myit marai dat ra saga ai

Shingja laknak, gumra tsi [Ya Ma] kaning re laknak mi lang lang grau sum machyi na re gap dat nna n'gun lu tim, mungkan a man hta gaw shanhte masha mun sen hkrat sum ai hta sha n'ga mung masa hpyen masa hkrat sum dik ai kumla tai nga ai, annau ni mung hkra machyi jamjau na re tim myu sha yawng a matu machyi hkrum ai manu dan dik ai sak jaw lam re ngu shagrau nga ga ai. Manu dan dik ai hte arawng la nga ga ai. Ya ten bawsang nkau mi hte simsa lam la ai bawngban nga ai lam hpe mahkrum madup la let dinglit yu hpaw yu hpaji la rai nna annau ni yawng a shawng lam maka hpe gayen yu ra nga ga ai. Myen gaw annau ni hpe mungdan langai hku myu sha langai hku garan ai masat masa hku htawng madun ai de yawng nna gasat ai rai yang annau ni matu kaja dik ai kaba dik ai ninggam masat ya ai hte bung sai. Annau ni gaw awmdawm shanglawt lu gin ai myu sha langai re ngu masat ya ai hte bung ai ndau shabra ya ai hte bung ai. Dai majaw ninghtoi mahka rai sai, ten du sai, shanhte kaw na dai ga shapraw ya yang gaw mungkan mungdan ni annau ni hpe tara shang mai garum lu na re.

Hpa hkrit tsang nra sai, gwi gwi dawdan gasat ga.

Baren Numraw

Madu amyu

2012-01-03T21:36:00.001-08:00

LABAU SHANG

2012-01-03T21:35:00.001-08:00

Simsa lam grai nhkrum bawngban yang,shada kamsham ai mahkyen shawng galaw madun ra ai, kam sham lam n;nga ai simsa lam gaw ntsa lam,n'grin ai simsa lam namnak n'nga ai majaw bai hten na sha re. simsa lam gaw shada asan kam hkat na ahkyak ai.tsun ai hte maren kam gin ai madi madun gin ai shawng mu lu yang lit la lu yang she,htani htana myu sha yawng a akyu rawng ai simsa lam byin na re.ntsa lam sha nrai teng galai shai ra ai. Teng man simsa lam byin tai pru wa yang gaw labau shang ai simsa lam rai na re.
1- Democracy tara masing masa hte hkrang shapraw Democracy asuya langai hku ndau shana tawn sai hpyi galai gumshem asuya gaw Tinang a jinghku rai nga ai,myit rum manang rai nga ai democracy ahkaw ahkang hpyi ai,democracy tara rap ra ai de sa wa na matu mung shawa a nsen kaba shapraw nga ai ni hpe hpa majaw bawng masha hku rim sharawng tawn ai kun?democract ahkaw hkang hpyi nna sharen da hkrum tawn ai myit rum manang mungmasa la ni hpe hpa majaw ndat gwi ai kun?hpa majaw mung masa hte rim sharawng taw ai bawng masha n'nga ai nga tsun masu ai kun?,hpa majaw mung shawa hte maigan ni teng man ai hpe nhakm gwi ai,masu htawng dan nga ai kun?
2-Mung shawa a ra lata poi shang nna,Democracy asuya nga marawn tsun taw nga ai,
hpyi galai asuya gaw hpa majaw hpyen dap a npu kata e sumla zawn shamu shamawt ai asuya tai nga ai kun?teng man ai mung shawa asuya langai teng hkrang gran ai rai yang, hpyen dap gaw rapdaw npu kata e nga ra ai,rapdaw hta hpa majaw 100 lam shadang 27 gaw hpyen dap de na ading tawk radaw Slg hku up hkang hpawng hta shang lawm ra ai kun?
3-Democract mung up tara hkrang hku teng sa ai rai yang, bawsang ni hte
shaning galu dinghku majan byin nga ai hpe hpa majaw teng man ai hte simsa lam nmai la ai kun?
Hpa majaw mara kata bawsang myu sha ni hpe sat shamyit ai masing hte majan baw ai kun?mung shawa hpe makawp maga ra ai hpyen dap gaw hpa majan mara n'nga ai ni hpe dasang zingri shamyit nga ai kun?hpa majaw mung kan na asuya langai hku nmasat ai kun?
4-ASEAN rapdaw de shang ai shaning 17 she du wa sai hpyen asuya gaw shang ai shani kaw na dai ni du hkra hpa majaw mang hkang hte makau grup yin Asean mungdan ni hpe du hka jaw nga ai kun?mang hkang hte hkrang madun nga ai kun?madi shadaw ai lam n'galaw ya lu ai kun?
Tinang mung shawa ni ndai ram matsan grit nyem dik ai sutgan kata masha tai nga ai hpe hpa majaw nmu masu ai zawn masha sat ai machyu pala ni hta mungdan a ja gumhpraw ni hpe shama nga ai kun?tinang mung shawa hpe hpa majaw lit nla gwi ai kun?
Lahta tsang hpyen du kaba ni mayun kumhpa sha ai gumhpraw mang hkang ni langai hpang langai,dan pru ai,kade magup tim kata lam gumhpraw mang hkang gaw lani hte lani langai hpang langai dawng pru wa nga ai kade magup tim magup nlu rai nga sai, law dik ai shanhte kata na mang hkang kaba ni,hpyen dap hte mung up rapdaw ni a lapran n'gun gang hkat ai arawng aya ahkaw ahkang kashun jum ai,rapdaw ni tsun galaw ai myu mi hpyen dap ni hkrang shapraw galaw ai gaw hka hte sau zawn,katsi kahtet lam 2 mahkret 2 masa 2 hku sa nga ai hte bung nga ai,hpyi galai asuya gaw galoi du grin na,pung hkum ashun nga ai,masa ndai ni majaw,shan hte pahkam gaw hpyen dap kaw nna,asuya ahkaw ahkang hpe kalang hpe jumtek na masa de yawng nga ai. shanhte myit tawn ai tsun tawn ai lam nbyin wa na tai sai majaw,hpyen dap kaw na jum tek na de shanawng nga ai,anhte bawsang ni hpe dasang gasat ai gaw Democracy hkrang hte sa ai tsun garu tawn ai gaw lamu hte ga wa shakap shai rai nga ai. hpyen gumshem gaw prat masa,mabyin masa,tara masa hku teng hkrat nan hkrat sum na ten du sai.nsam grai kaba tsawm hkra myu kaba mahku hte kade marawn tim kraw kata e gaw hpung kraw rai nga sai,la kaba kaya yang si ai nga zawn byin hkyen sai.
Annau ni hpe n'gun kaba hte kade htu lung wa tim nta bai nhtang wa na lam shamat ai zawn sa lam sha mu nna wa lam n'nga ai yubak zinlawng hku de du nga sai.mayam hpyen n'chyang hpyen re majaw,tinang galaw ai mahkam sumri gaw tinang nan hkam sat la ai hte bung nga ai. Annau ni padang dip la na nyi wa sai,shakre la na sha rai sai.
labau shang awm dawm simsa lam gaw kadai hpe mung hpyi nra annau ni nan ndau shana na ten du sai,lu ai atsam yawng hte naw dating gasat ga.
Baren Numraw

MYEN HPYEN ASUYA GAW DEMOCRACY DE GALAI SHAI NGA SAI KUN?

2012-01-03T21:33:00.000-08:00

Myen hpyen asuya gaw democracy mung masa lam yan de galai shai taw nga sai hte simsa lam gaw gap lu sai ngu nna mungdan kata na mung shawa ni hpe ndau shabra dan, mungkan de htawng madun dan masu rai arawng mala taw nga lu ai.

Myen hpyen asuya wa tsun ai lam ni teng ai rai yang hpa majaw democracy a lai ladat hte nhtan shai taw nga ai hku nna mung hpawm ngu ai mungdan hpe hpyen matsun up hkang ai ladat lang nna galaw ding yang rai nga ai? Mungkan mungdan ni yawng hkan nang, hkan sa ra ai democracy shadawn shadang ni hte nhtai shai, mungkan mungdan yawng na hpyen dap ni hkungga ai hte hkan sa ra na gasat majan rip kawp tara ni hpe tawt lai nna KIA hpe gasat shamyit taw nga ai, Jinghpaw mung shawa ni hpe sat, nat, zingri zingrat galaw taw nga ai, mare nat, mare masha ni a arung arai ni hpe kam ai hku mi magawn la kau ya ai? Ndai zawn galaw taw nga ai lam ni gaw mungkan hta gara democracy mungdan asuya ni mung n’galaw ai lam ni re. Matse labye rai up hkang taw nga ai lam gaw democracy a arawn alai hte nhtan shai taw nga ai majaw democracy asuya nre ngu ai sakse hpe madi madun taw nga ai lam re.

Mung hpawm myen mung ngu ai byin tai wa lu na matu Jinghpaw wunpawng amyu sha ni mung shanhte myen amyu masha ni hte maren mara mung masa, hpyen masa lam ni hta arang bang ap nawng shang lawm da ai amyu ni re ngu hpe galoi nsawn ya, nmasat ya nga malu ai. Jinghpaw Wunpawng myu sha ni hte laga amyu baw sang ni lu la ra nga ai mung masa ahkaw ahkang ni hpe gam garan ya dat na matu hpyi lajin taw nga ai lam ni hpe nyet kau ya taw nga ai. Shanhte myen up hkang asuya ni matsun ai lam hku nna sha hkan sa galaw ya ra taw nga na hpe sha galaw nga ma ai. Ndai zawn galaw taw nga ai myit kyang sat lawat ni gaw Jinghpaw wunpawng ni hte laga amyu baw sang ni gaw mung hpawm myen mung a mung shawa ni re ngu nsawn la ya ai lam rai nga ai. Myen amyu mung masha ni tsun ai hpe sha mung shawa ni tsun shaga ai hku nna masat galaw taw nga malu ai.

Ga shadawn; Mali mazup hka wan madim mang hkang hte seng nna Jinghpaw ni ninghkap marawn taw nga ai gaw 2006 hkan na rai sai... ya dai ning she mali hka a tsin yam hpe shanhte lawu myen masha ni mung hkam sha wa na hpe atsawm chye lu wa, myit hkawn wa nna.. shanglawm tsun kabrawng lawm wa ai re hpe gaw mung shawa ga madat nna gan jahkring kau ai re bai ngu shagrau jawng taw… Jinghpaw ni mi jau jau kaw nna ninghkap kabrawng taw nga ai hpe gaw mung shawa ni tsun lajin taw nga ai hku na nsawn la ya nga malu ai.

Bai nna, shinggan maigan du ai myen democracy hpyi jahtau shamu shamawt hpung malawng ngu na ni mung, bawng masha ni lawan dat ya hpe chyu sha she madung tawn hpyi jahtau taw nga… bawng masha ni yawng lawt ma yang democracy lu mat sana zawn zawn re hku nna she myit la taw nga malu ai, byin taw nga ai majan ni lawan shazim kau nna mung hpawm mung masa mang hkang hpe amyu baw sang ni hte lawan man hkrum jawm hparan shangut kau na lam ni hpe gaw myit mi alawm aja awa hpyi jahtau garu lawm ai lam nnga nga malu ai… ndai zawn re sat lawat ni hpe yu yang shanhte myen mung masa hpung yawng ngu na ni gaw amyu baw sang mung masha ni ra ahkyak lam ni hpe hpyi lajin nga ai lam ni hte shinggyim ahkaw ahkang hpe roi rip dang sha hkrum taw nga ai lam ni hpe gaw mung hpawm mung chying mung shawa ni hkrum sha taw nga ai maga hku nna nhkam sha lawm, nsharawng lawm, nmadi shadaw lawm rai nga ma ai.

Dai majaw kaga amyu masha ni democracy de gale wa sai law ngu nna kabu tsun shagrau taw nga ma tim Jinghpaw wunpawng myu sha ni matu gaw hpa wa mi shagrau kabu lawm na lam nrawng shi nga ai, hpa majaw ngu yang amyu sha ni matu akyu ara pru lam tsep kawp hpa nan nnga shi ai hta n’ga gasat shamyit shatsai kau na lam chyu maw mawn galaw taw nga ai lam ni gaw ta tut sakse rai nga ai.

Anhte Jinghpaw wunpawng myusha ni ya ten hta ganing rai roi rip dang sha hkrum nga ai, ti nang a shing gyim ahkaw ahkang gara hku hkrat sum taw nga ai, hpa baw ahkaw ahkang ni nlu hkam sha lu shi ai, hpa baw ahkaw ahkang ni naw hkrat sum taw nga ai hpe Jinghpaw Wunpawng amyu sha hkum ngau shagu sung sung li li myit yu, mada yu, madat yu di nna ya tinang tsap taw nga ai myusha lam yen lahkam hta grau lahkam, tinang shang lawm galaw taw nga ai myusha lam yan hta grau law hkra naw shang lawm galaw, nlawm lu shi ai ni mung ya jang shang lawm di rai ra saga ai nrai ni? Ting nang akyu hkam sha lu mayu yang tinang nan arang bang shang lawm galaw ra na nrai ni?

Zau Hkum

SATAN A LIT HTE ANHTE A LIT

2012-01-03T21:32:00.001-08:00

SATAN A LIT

Grup yin a mabyin masa hpe maram yu yang, satan wa a lit madung gaw anhte myusha ni a mahku mahkau lam hpe dumbru dumbra byin hkra shalau tawn nna, hka hkanu ai shaloi nga rim loi ai kasi hpe lang let Wunpawng Myusha ni hpe shamyit kau na ladat lang nga malu ai. Dai zawn rai galaw na matu gaw satan wa a lit nan rai nga ai hte maren shadik shatup galaw nga sai.

ANHTE A LIT

Lai wa sai ten ni hta anhte shada ninghkap hkat na matu gunglau wa lu sai. Raitimung, dai ni na ten hta anhte yawng dum hprang wa nna tinang kaw lit nga ai hte maren myusha ni a lawt lu lam hta kahkyin gumdin ai n-gun hte jawm shakut bang wa nga saga ai. Sinat gap na atsam rawng ai hpu nau ni gaw KIA hpyen hpung hte rau amyu hte mungdan a matu asak ap nawng let myusha lam yan hta shang tsap nhtawm gasat bang wa nga sai. Kade tsan ai mungdan hkan du hkawm nga ai hpu nau wa raitimung, du nga ai shara kaw nna byin mai ai mahkrun hku nna myusha lam yan hta shang lawm let garum nga masai.

WUNPAWNG MYUSHA YAWNG KYU HPYI

Dai zawn rai shakut sa wa nga ai kaw awngdang wa lu u ga matu mungkan ting kaw nga pra sa wa nga ai Wunpawng Myusha gumgai dingla mahkawn shabrang ramma ni yawng gaw shani shana hpan wa Madu Karai Kasang kaw akyu jawm hpyi nga ai nsen hpe na ya ai marang e, matsan dum la ai hpe adan apra jawm mu nga saga ai. Mungdan kata kaw mung masha ni hpe satan wa gara hku roi rip nga ai hpe chye lu na matu myutsaw hpu nau ni masa amyu myu hku shadan shadawmg sa wa nga ai ten hta KIO mung mungmasa hku nna shadan shadawng lu na matu kasa dat let mungkan zuphpawng hkan e shang lawm tang madun ai lam mung galaw nga sai.

ZUPHPAWNG KAW TANG MADUN

2011 October 29 ya kaw nna November 1 ya laman Phnom Penh kaw galaw ai Asia Pacific Region Round Table Meeting kaw mung KIO kasa sa shang lawm nhtawm myusha lam yan hte seng nna zuphpawng kaw tang madun wa sai. Tang madun ai hta:- President Thein Sein gaw 2011 March 30 ya shani Myen asuya hpe gaw-gap dat sai. Shi a mying kaja wa lu nna 2014 hta ASEAN a ningbaw tai wa lu na matu hkinjang tam nu ai. Mung masha ni, rawt malan hpung ni, maigan masha law malawng gaw ASSK hpe ra sharawng madi shadaw ai hkrai rai nga ai hpe hkinjang mu nu ai.

ASSK hpe jahkau la lu nna asuya hpe madi shadaw wa hkra galaw lu jang shi hpe ra sharawng nga ai ni yawng gaw Myen asuya hpe jawm madi shadaw wa na masai nga nna hkam la ai majaw ASSK hpe jahkau kahtep la nu ai. Htawng masha ni hpe shalawt ai. Media ni hpe ahkaw ahkang jaw ai. Myitsone dam hpe jahkring kau ai. Sinna mungdan ni hte jahkau la ai. Mung masha ni hpyi shawn ai ahkaw ahkang nkau jaw wa magang ai zawn re ai in a lam hpe ndau shabra nga ai majaw, maigan masha law malawng a ningmu hku rai yang, Thein Sein asuya gaw mungdan a matu mai kaja ai maga de woi shanang sa wa nga sai hku nna maram nga ma ai.

KIO kasa maigan zuphpawng kaw sa tang madun ai hta, Myenmung a manghkang hpe hpyen masa hku nna sang lang la lu na rai yang lai wa sai aten galu hta sang lang la mai na sai. Gasat hkat ai lahkawng maga de sum ai hta n-ga, grau sum ai gaw mungmasha ni rai nga ai. Dai majaw KIO gaw mung masa hku sang lang la lu na matu 1994 ning kaw gap hkat jahkring nhtawm asuya hte pawng nna constitution lu wa hkra jawm ka ai rai yang 2008 ning kaw ka ngut la lu sai. Wunpawng Myusha ni gaw ra lata poi kaw shang shingjawng na matu Kachin State Progressive Party (KSPP) ngu ai mungmasa party hpe hpaw shabawn la lu sai. Dai hpang Myen hpyen asuya gaw KIO hpe Border Guard Force (BGF) galaw shangun wa sai. Shanhte a uphkang ai npu kaw tsep kawp shang mat na matu rai nga ai. Wunpawng Myusha ni lu ging ai ahkaw ahkang sha nlu dingsa KIO hpe dawm kau mai na nre majaw BGF galaw shangun ai hpe n hkap la ga ai.

Mungmasha ni hpaw shabawn dat ai KSPP hpe ra lata poi kaw nshang shangun ai hta n-ga, KIO hpe laknak jahkrat na matu hpyen masa hku nna lang hte lang shadut wa masai. Lahta de tang madun wa sai hte maren Myen asuya gaw mungmasa hku nna myiman tam ai lam amyu myu galaw wa masai. Dai hta n-ga, hpyen masa hku 2011 June 9 ya shani kaw nna KIA hpyen hpung hpe 10 ya laman tsep kawp zing la na masing hte shang gasat wa ai hta lahkawng maga de sum machyi ai lam ram ram nga wa nna asuya hku nna simsa lam bawngban na matu lang hte lang mahtan wa masai. KIO kasa hku nna hkrum shaga wa sai raitimung, Myen asuya maga na kasa gaw lamu ga jarit mayan na uphkang du kaji ni sha rai nna shada manu tawn hkat na madang nre majaw hkrum bawng timung manu nnga ai hpe mu wa sai. Myen ni KIA hpe majan baw ai gaw shata 6 de shang wa sai. Lahkawng maga bai hkrum bawng na matu 2011 October 29 ya shani U Thein Zaw kaw nna KIO Ginjaw de laika hku nna matut wa ai.

Lai wa sai ten ni hta rawt malan hpung ni Myen hpyen asuya hte simsa lam hkrum bawngban wa ga ai rai yang myit hkrum lam galoi mung nlu wa yu ga ai. Madung gaw hkrum bawng ai kaw lahkawng maga a matu akyu tam ya ai lapran masha nlawm ai majaw ganing re ai ga sadi jaw hkat timung lapran kaw sakse sakgan nnga ai hta hkan nna myit hkrum lam hta ngang grin ai lam nnga yu ai. Dai ni myit hkrum hkat nna ga sadi jawm tawn ai hpe hpawt ni jang jahten wa masai. Dai majaw du na ra ai bawngban lam hta rawt malan hpung ni hpung langai hpra hte bawngban ai hpe koi yen kau nna yawng kahkyin gumdin ai n-gun hte hkam dahka lam nga na matu kam ging ai uhpung langai ngai, shing nrai mungdan langai ngai lapran kaw shang tsap ya ai ladat hte sari sadang mi a nga rai kaga mungdan hkan na ninghkap hkat ai uhpung ni bawngban wa ai ladat hte sha hkrum bawngban mai na re.

ASEAN hpung shang mungdan 10 hta na Myenmung gaw lam shagu hta hpang hkrat nga ai rai nna ASEAN rawt jat sa wa na hpe shingdu kaw nna lagaw gang shingdang nga ai majaw ASEAN a matu simsa lam nmai lu hkraw nga ai hta n-ga, mungmasa, sut masa, kahkyin gumdin lam zawn re ai kaw mung nmai rawt jat wa ai hpe mu nga ga ai.

Ndai zuphpawng kaw sa du dung nga ai ningbaw ningla ni, grau nna Cambodia mungdan na ningbaw ningla ni gaw na chying hparan la yak ai mungmasa hpyen masa manghkang hpe hparan la lu ai majaw dai ni na ten hta ngwi pyaw simsa rawt jat ai namchyim hpe hkam la lu nga masai. Dai majaw nanhte hpu ba hpu shawng ni a mahkrum madup gaw Myenmung a manghkang hpe hparan la lu na matu hpaji jaw nhtawm manu ai jut kaw nna lawu kaw tang madun tawn ai lamyi ni hpe maju jung let shang garum la na matu hpyi shawn mayu ga ai.

1. Mungdan ting hta hkam dahka lam nga ai gasat jahkring lam galaw ra na;

2. Mungmasa htawng masha yawng hpe shalawt dat ra na;

3. Shada a ntsa, mara raw ya hkat ai masat dingsat npu e, asuya, rawt malan

hpung yawng hte mungmasa hpung ni lawm ai bawngban lam hpe lapran

masha shalawm nna npawt nhpang hpe shangang shakang la ra na;

Nanhte hpu ba hpu shawng ni jawm garum lam madun la ai marang e, kade nna ai laman Myenmung simsa wa na hpe myit kam nga ga ai. Dai shaloi Myenmung masha ni mung ASEAN a rawt jat lam hta shang lawm lu nna, Myenmung masha ni gaw sari sadang nga let maigan mungdan masha ni hte maren madang hku hku hkau hkau ganawn mazum sa wa lu na ga ai,… ngu nna tang madun wa ai hpe hpu nau myit su ni mung jawm na lawm chye lawm na matu tang shana dat nngai law.

JJ Lum Dau

……………………………………………………………………………………………………………..

MATSING:- Shawa a man e tang madun ngut ai hpang shanhte gaw President Thein Sein galaw wa ai hpe jawm shakawn nga ga yang, ya she mungdan kata kaw hpa baw byin nga ai hpe na chye lu ai lam tsun wa ma ai. Matut nna azin ayang san wa ma ai hpe mungmasha ni kade roi rip hkrum nga ai lam sang lang dan ai shaloi myit tau ya let matsan dum ai lam tsun wa ma ai. Dai hpang Cambodia a armed forces Commander-in-Chief hpe laksan hkrum nna azin ayang tang madun ai lam galaw sai.

A kyu rawng ai

2012-01-03T21:31:00.001-08:00

Shingra maka prat ladaw langai bai gayin na ten du sai.myen mung a tara hkrang gaw, Li 2 jawn ai hte bung nga ai majaw hka hkrat mahka rai sai,hka hkrat si hkyen sai hpe Miwa gaw ningren kalu hte dip lup sat ai hte bung nga ai.gumshem asuya gaw madu arawng aya ahkaw ahkang grin nga na matu, mung chying masha hpe hpyen dap hpe nhkru nshawp dik ai hku,zingri sat shamyit nga ai ahkaw hkang jaw ai galaw shangun ai.Shanhte bungli magam hkrat sum magang grau gumshem hkra galaw magang re gaw mungkan a gumshem hpyen asuya ni a lahpai galai lenla ai lam re.

Dai ni na ten hta sumtang hpaji,hpaji hparat lam rawt jat galu kaba tsaw lawan dik ai ten, arung arai shamu shamawt ai lam mung madang tsaw kalai shai lawan dik ai ten,myit jasat ningmu kalai shai lawan dik ai ten sum tsan myi kaba,sum tsan Na kaba ni,nhprang bawnu kaba ni nga nga sai ten gumshem hpyen asuya hkrang gaw grin nga nmai sai hte shingra tara gaw grin na ahkaw ahkang n'jaw sai ten n'jaw sai majaw ,kaja hten run ten du sai.

Miwa asuya a lamu ga jarik hta hpyen n'gun hte sa sin ai gaw myen asuya hpyen dap hpe lawan si na matu hpyen masa mung masa gin sup ai lam re hte grai nsi shi ai myen hpyen dap hpe galaw sa ganawng sat shakre ai hte bung nga ai.si mat nu nga lachyum re.hpyen tsin yam masha hpe matsan dum ai lam n'nga,htingbu shada n'yu garum ai,gaw masha a ahkaw ahkang hpe hpa zawn nnawn ai, annau ni hpe hpa zawn nnawn ai lam gaw Miwa a mungkan de mung masa hpaga masa hpyen masa hkrat sum dik ai lam shabyin shatai la ai lam sha re,kaji dik ai,n;gun kya dik ai hpe dip gamyet na n'gun jaw ai gaw Miwa a matu hkrat sum kaba rai nga sai.Masha langai mi a asak sha n'ga,myu langai hpe sat shamyit na hta garum ai Miwa gaw Moi kani majan hta hkrat sum ai zawn matsan lu su ngasat ngasa nbung ai shai ai katsin majan hta hkrat sum na kumla rai sai.annau ni a matu awng dang dik ai lam langai rai sai.

Ya hkyak hkyak Myen mung asuya hte Amerikan asuya a lapran dat kasa lit la nga ai, Derek J,Mitchell dai ni myen mungdan de bai du sa wa ai gaw anhte myu sha ni a matu hte Bawsang ni a matu kaja ai masa kaba langai de mahtai pru na re.Grau nna annau ni a matu lami langai ninggam langai de du hkra myen asuya hpe tsun nan tsun na re,Amerikan gaw annau ni hpe garum n'gun jaw ai lam tsun na re,hpyen yen tsin yam ni a matu mung tsun chyalu re. Mung chying masha hte bawsang ni hpe shing gyin ahkaw ahkang ginlut hkra ntara dik ai sat nat gumshem ladat hte gasat shamyit ai hpe hkring na matu ahkyak la na matu shawng num shaw hku sadi jaw bawngban ai mung mai byin ai,Mungkan WP Rap Daw kaw na ahkyak teng la na re hpe shawng ningnan hpaji jaw hpaw shana lajin ai mung mai byin ai,anhte matu gaw kaja dik ai hku bai sa du ai lam rai na re.Amerikan Rapdaw gaw anhte myu sha ni matu ahkyak ai mahtai langai dawdan sai ngu mu mada ai.

Teng man ai kaja ai Tara mung masa hpyen masa masing masa gaw awng dang ai de anhte hpang de madi madun tsap nga sai,matut n'gun ban la ai hte n'gun awai nna matut gasat ga law.

Jan shang hkyen sai gumshem hpe shakram kau na ten du sai.

Baren Numraw

Shakawn kung dawn laika

2012-01-03T21:27:00.001-08:00

GALAI SHAI

2012-01-03T21:26:00.001-08:00

Gum chying gumsa hkrang,Gumshem Hpyet Sit ladat,Hpyen Gumshem dip sharim ladat hkrang, Hkum hkra hte dip garin gamyet hkrum nga ai,Bawsang myu sha ni hte mung chying masha yawng gaw,gumshem madang htum htumrin hte dip apyet garin matep,gashun gare jahkrit shama sha ai shaning 60 shi jan hkam sha lai sai majaw,

1-Sutgan kata matsan lu sha nlu hku hku ai mawru.

2-Ana zinli machyi makaw law law byin hkrum hkra nga ai mawru.
3-Hpyen majan a duhka mawru hkrum sha sai hta ya gaw Du hkra ladaw katsi kahtet kalai

shai ai mawru hpe mung bai hkam sha jet nga sai. De a hpang Hku wa kaba wa na de she yawng nga sai,grit nyem dik ai masha utsang hta tsap ra ai.dai lam ni a jaw shinggyin ahkaw ahkang n-nga ai,nlu dik ai masha u tsang tai ra sai.

Sut marin ai ni lam dam nga ai majaw, Sin praw marit ai KaLa nbap hte Sin Na marit ai,

Langda Miwa yan gaw,Myen mung ntsa man tut sut masa majan je ai hta hkrum, annau ni gaw ahkyak dik ai shara kaw tsang,manu dan dik ai myu sha tai wa sai,Sari rawng tsawm htap dik ai annau ni a lamu ga hta arang kaba majoi bang mayu ai majaw,Lam ntsa na laknga myen gum shem gaw Lup hka law law htu,Baw law law hkai shakut nga sai.Langda kaba 2 a lapran,N-Sam 2 dat nna gale galau bahkang she tat, myi man tam ai gaw,woi myi man she pru,Miwa a hka kaba lu wa na matu n-gup hkum bawp she lawu,hpyen gum shem Tan Shwi lakhtak kaw na Miwa kaw hkoi lang ai Gum hpraw ni garan sha nlaw,de a jaw hpyen dap kata,mung masa up hkang rap daw hta nang shoi nangsha nga gangdun gangjen,arawng kashun hkat,Miwa hte hpaga jawm galaw ai hta,arang jawm bang,nhprang rai htu shaw len shalai na lam,Miwa hte Hpyen du kaba ni a kanwang hpaga awng dang na matu,Manu dan dik ai annau ni gaw ahkyak dik sai shanhte matu ju shingna hkrit hpa kaba rai nga ai,[ hpa majaw n;gasat na ta?]Mali hka madim gan jahkring ai matsun a jaw,Nammak law hpa hpring chyat taw nga ai Miwa gaw,sha lawa myi man shachyen nna myen hpe mayu sha kau na daram ningyun bu ai hpe hkrit tsang ai Tin Tsin asuya gaw hkuwat hkinchyi hku pru nna,Kala hte jahta,Kabun sha hkru taw ai shuchyit maigan SLg hpe mung Amrika,Japan,ni de myi man kaji dik ai hte sa kahte manaw chyam shangun ai.Hpaw gin ai daram hpaw saga ai, anhte shata 6 re ma ngai sha naw rai ga ai,naw matsan dum rit madu e nga,galoi mung ntsun ga ai zawn masu ndum kalang bai hpyen dan sai.

Rai sa dai rai yang gaw Kalang bai tsun na,

1-Mung masa hte sharen da ai yawng hpe dat lu na.

2-Bawsang yawng hte NLD Pati nhkum nbung ai yawng hte rap daw hta mung masa mayak yawng hpe rau man hkrum mahtai la lu na.Teng man ai simsa lam tam na.
3-Shinggyin ahkaw ahkang hpe manu shadan ai lam hta tatut hkrang shapraw lu na.
4-Democracy Tara rapra ai hte hkrang shapraw na,Tara jeyang ai hkrang galai kau lu na.

Lapran Ra lata poi grai ndu yang ndai hpe mu mayu aidai ni galaw dan jang gaw nanhte tsun pyi nra dat ya na nga amying jahkat dat sai.

Lamang yawng hpe langai hpang langai,asan sha mai hpaw ai hpe hpa majaw,ten sharen tawn ai kun?

1--Simsa SLg nga nna hpaw ning htan tawn sai.

2--Shing gyin ahkaw ahkang shichying SLg nga nna hpaw ninghtan tawn sai.
3--Bawng ring magam galaw hpung nga nna hpaw tawn sai.

Ndai lam ni hpe hpa majaw lamang jaw jaw bungli nmai galaw ai, hkrang nmai shapraw nga ai kun?Hkrang gran tawn nna hpa majaw,Mu gin ai Hpaw gin ai galaw gin ai daram nmai galaw nga a ta?myit shachyaw yu yang chye mai ai,Myit ja ai hte hpyen myit nmat ai ni,hpyen dap kaw na u shoi naw jum tek ai hpe asan mu mai nga ai.

Uhku a masa si la gawm nga ai hpa,nau dung na ai u gaw pala hkrup ai zawn myen gumshem hpyen asuya gaw dai hte bung nga sai,Hka kaba kap ai asuya gaw Gumhpraw marin ai Sha lawa kaba Miwa a hkaji na shing wang kata na lawt lu na hte,2014 ASEAN ning baw tai lu na sut hpaga pat tawn ai hpaw ya na matu Gumhpraw mang hkang byin hkrum nga ai,Tin Tsin asuya gaw Li baw lai jang li mai gara kaw adawt yang adawt nga,mung masa shachyai tim madu mana ai lam madu nkaja ai lam htawng dan ai singgu kri re hte bung nga sai.sagu hpyi hpun taw masu ai Tin Tsin mung loi sha hpyen myit jasat mat na kun?.Dai ni anhte bawsang ni hpe u nyem roi lu di kau yang she n'gun lu shakya kau yang she,jaw dum nga ai kun? Moi na zawn Gwi Ran si chyawng bum nga,kahka kabu kara si chyawng bum nga myen hpyen hpe kalang bai shamyit kau kau na de du nga sai.majan hta hkring htawng lu ai myu magrau grang ai myu galoi mung asum jaw nmai sai.

Annau ni hpe grau nna gasat ai gaw hpa majaw ta?ntsa tsang hpyen du kaba ni lawhpa myit kan wang myit,Miwa hpe nlai lu ai majaw,arawng magra jum tek ai myit nmai mat ai lachyawk sha re,ntsa tsang myen du kaba ni a jaw hpyen ma hpyen du kaji ni gaw gasat mayu ai nre,ntsa de na aming nlai lu ai,shat di ga mat na hkrit ai jaw gasat ai sha re.

Bai anhte hpe wa gasat ai law malawng gaw lam ntsa na hta la ai kanu kawa nmu ai ma ni re.

asuya bau maka tawn ai,asuya hpe sha kanu kawa shatai ai ni gaw dusat hte bung ai, gwi wa myit jasat sha rawng ai jaw htauli htaula n'nga ai,shinggyin nauna myit nrawng ai. Dai re ai majaw anhte hpe sat na matu lung wa ai,sinat arung arai htaw lung mai ai lam yawng hpe dan di kau ra ai.

Maga mi de gasat nga ai zawn,UN Rapdaw,UK,EU Rapdaw,ASEAN Rapdaw,Amerika GumSan MaGam Hte Amerika Rapdaw,Miwa Rapdaw,KaLa Rapdaw de matut manoi laika bang ra ai.Miwa mung Kala mung nga ai Kahpu kanau ni hpe mung tinang mungdan de laika bang na hku shadut ra sai.Chyurum ai annau ni,MaKru masum jung,mayu-dama-kahpu kanau nga nau pa rau

chyawm pa ai amyu,myit hkrum n'gun shabawn saga law.annau ni a shangai shaprat tawn ai saitum saipa kashu kasha ni a myi man hpe ja ja azi yu nna maroi nni masin nsi ai myit hte gasat ga.

Baren Numraw

Ten du sai

2012-01-03T21:24:00.000-08:00

SATAN HTE HPYEN

2012-01-03T21:23:00.002-08:00

Karai Kasang (KK) gaw ginding aga hpe hpan shalat dat ai shani kaw nna satan hpe mung hpan da sai lam ja chyum laika kaw mu lu nga ai. Satan gaw shinggyim masha hta alak mi grau zen ai rai nna, Adam yan Ewa hpe mung gunglau wa lu sai.

Sung sung dinglik yu ga nga yang, KK gaw satan hpe machye machyang jaw da ai zawn, Adam yan Ewa hpe mung jaw da sai. Raitimung, shan gaw KK jaw da ya ai machye machyang hpe lang nna dinglik maram yu ai lam n-galaw ma ai rai nna satan a man kaw aloi sha kataw ya manu ai. Shing rai satan wa kade gunglau chye ai lam shinggyim masha ni mu chye la lu na matu Madu Yesu a hpang kaw 40 ya tup hkan nang shangun nna gunglau wa ai raitimung, Madu Yesu gaw KK jaw da ya ai machye machyang hpe lang ai majaw satan wa mahtang Madu Yesu hpe asum jaw wa sai lam kasi hku nna madun da ya nga ai.

Shing re ai mabyin masa a ntsa e dinglik yu ai shaloi, KK gaw satan wa hpe grin nga shangun ai hte seng nna dinglik yu yang shinggyim masha ni gaw KK jaw da ya ai machye machyang hpe asung jashawn chye nna zen wa na matu rai na re ngu nna myit la mai nga ai. Maga hku nna dinglik yu ai shaloi, tinang hpe jahten sharun ai wa kadai raitimung, tinang a hpyen, shing nrai satan wa rai nga ai. Tinang hpe jahten sharun ai ni kaw na tinang hte ni dik htum ai wa gaw kadai rai ta? Atsawm myit yu ai shaloi tinang a prat hpe lam dingtawk hku jahten sharun kau ai gaw tianag nan tsa lu ai majaw, kani lu ai majaw, hpai da da ai majaw she rai nga a hka! Dai majaw ni dik htum ai hpyen gaw tinang nan rai nga ai hpe mu wa sai.

Dai hta n-ga, tinang lu sha shajan sha ai majaw dinghku masha ni hte ga li ga law byin wa sai. Shing rai tinang a dinghku masha ni gaw tinang a hpyen nambat 2 rai wa sai. Aga! Kaning wa di sana kun? Grup yin kaw hpyen hkrai hkrai she rai mat sai. Tinang hte ni kahtep nga ai hpyen nambat langai hte lahkawng hpe lu gasat dang kau lu jang she gumhpawn ai dinghku masha a n-gun hte shinggan na hpyen wa hpe gasat dang kau mai na re, ngu ai hpe mu wa sai. Shinggan hpyen gaw kadai rai ta? Anhte Wunpawng Myusha ni hpe shamyit kau na matu dating nga ai satan wa rai nga ai.

Dai satan a maumwi mausa hpe “MYANMAR ATSA, DAGONG KA” nga nna shanhte nan ka tawn ai hpe dai ni gaw “MYANMAR ATSA, KABA U KA” nga nna manu shatsaw la masai. Anhte gaw shanhpyi laika ju sha kau saga ai majaw tinang a labau hpe myen ni hte shan hpraw zawn re ai ni ka da ya ai hpe madang shatsaw nna gram ka la na malai, shada dang rang hkat ai aten naw rai nga ga ai. Ante yawng jawm na dep, mu dep ai satan wa a lam kade matse ai hpe dinglik yu ga.

Hpa mara n nga ai htingbu Assam hkaw hkam, Yahkaing hkaw hkam, Mon hkaw hkam, Thai hkaw hkam ni hpe hkan zing la nna mung masha ni hpe zing ri zing rat sat nat kau ai lam, Myen kaw sa up sha nga ai British ni hpe shachyut shapraw kau na matu Japan ni hpe sa pang la nna shachyut shapraw lu ai hte Japan ni hpe bai ninghkap sai. Satan ni ngu ai gaw chyeju n chye dum ai baw re hka!

Satan wa a asuya hten run mat na mahka e Miwa asuya kaw nna shang hkye la ai hte satan wa gaw nsa matut sa lu nu ai. Dai chyeju hpe shaprai na matu satan wa n ju dik ai Ma Kaw jan hpe shanyam la nna sinna masha ni hpe jahkau la n htawm shi a chyeju madu rai nga ai Miwa a ladi kaw htawng ya manu ai. Lang hte lang Myen mung hpe hkye wa ai Wunpawng Myusha ni hpe mung chyeju n dum ai hta n-ga, 1994 ning kaw gap hkat jahkring ai shaloi tawn da ai ga sadi ni yawng hpe langai a hang langai jahten sharun wa sai. Ya gaw Wunpawng Myusha yawng hpe shamyit kau na matu masing jahkrat n htawm mare masha ni hpe hkan rim zing ri sat bang wa masai. Shanhte tsun ai hta, “Hka nnga ai kaw nga n mai nga ai zawn, mung masha n nga jang, KIO ni mung n nga na sai, nga ma ai.

Satan wa a masing gaw ladu lai sai. Masha amyu langai hpe shamyit kau na, ngu ai gaw Yehowa nan n hkraw sai. Wunpawng Myusha ni n yup n sha kyu hpyi ai hpe Yehowa matsan dum lama la sai. Majan gasat poi shagu kaw Yehowa lawm ya nga ai hpe asan sha jawm mu nga saga ai. Anhte gaw aten langai kaw malap mali rai, tinang a hkum hpe tinang a hpyen shatai wa saga ai majaw grit nem wa saga ai rai nna, dai ni gaw bai dum hprang wa ai lamik hpe mu wa saga ai.

KIO, KNO, KDA, NDAK, Du Kaba Lasang Awng hpung, Du Kaba Adang hpung ni in a lapran kaw satan wa kade sumprat bang timung, shada a ntsa e myusha lam yan hta hkan nna myit tau ya hkat ai lam nga wa magang sai. Ndai zawn rai mungdan kata kaw galai shai wa ai gaw, KK a myit shanu ya ai marang e, maigan de du nga ai myutsaw hpu nau ni a ngang kang ai kahkyin gumdin lam madun dan lu ai sakse rai nga ai. Ndai mabyin masa gaw daw dan nlu ai amyu a kahkyin gumdin lam lu wa ai lamik kumla rai nna satan wa gaw Wunpawng Myusha ni a kahkyin gumdin ai n-gun hpe asum jaw ra ai ten rai wa sai.

Maigan de du nga ai myutsaw hpu nau yawng hte chye nga sai hte maren, mungdan kata kaw nga nga ai hpu nau n kau gaw tai hpyen wa a lata kaw na hprawng yen n lawt, zing ri zing rat ai kaw asak hkrat sum ai ni mung hti n dang rai nga sai. Asak naw hkrung nga ai ni gaw hprawng yen hkawm ra nga ma ai majaw dum dum di di hkrum shaga na matu ahkaw ahkang nlu ma ai. Raitimung, maigan de du nga ai myutsaw hpu nau ni gaw nlaw nla re ai shabri shabrai kaw na buga de tsi mawan, malu masha, machyu pala a matu dang lu ai atsam hpe myit mang langai hte jawm garum nga ai hpe mu lu yang na chying myit n-gun lu ai law.

Mahtai gaw, maigan de du nga ai Wunpawng Myusha ni gaw myit mang langai sha rai nga sai hpe myit n-gun, masha n-gun, wenyi n-gun yawng kahkyin gumdin nga sai hpe sakse madun lu ai marang e, buga de nga nga ai hpu nau ni hta mung yen kau nlu, kahkyin gumdin wa magang sai. Matut nna, tinang myusha ni hta n-ga, kaga hpu nau myusha ni hte mung, magyep kap nga sai kaw n-gun grau kaba wa hkra shakut sa wa nga na masai ngu kam let ngang hta hpa ra jat hku n-gun jaw dat nngai law.

Pyilan

MADIN

2012-01-03T21:23:00.001-08:00

Mungkan hta kachyi sha re,kaji dik ai lam ni gaw kaba dik ai lam ni hpe byin shangun lu nga ai, lamang yawng gaw kaji ai kaw na kaba ai de shamawt chye ai zawn kaba ai kaw na kaji ai de shamawt ai lam gaw ngrin ai de yawng chye nga ai.kaji kadun dik ai, grit nyem dik ai,sutgan kata matsan tsin yam laknga dip gamyet roi rip hkrum sha nga ai, shing gyin uhpung uhpawng ni gaw,mungkan hpe galai shai shangun dik nga ai,rawt jat galu kaba shangun dik nga ai.lam grau byin shangun lu nga ai,mungkan hpe galai shangun dik ai gaw,kaji grit nyem dik ai ni re.Ya hkyak hkyak mungkan mungdan shara shagu ninghkap ninggun kaba madun ai lam ni byin nga ai mungmatsan lusu madang shai ai,sutlu nga mu ngamai ai ni a kan wang marin lawhpa ai shing wang majan je ai,n-gun kaba ni ,n;gun ja ai ni,n;gun kya ai ni hpe shinggyin nauna myit shau wa ai majaw,mungkan hta katsi majan gaw kapaw pru wa nga sai,kaji kadun tim tengman ai gaw galoi mung hkrat sum na nre,Gumshem dik ai ni mung kaji ai hta hkrat sum na re,ntara ai ni,nteng nman ai ni,ndai tsa ban prat hta grin nga na nrai sai,mungkan a tara masing masa,mungkan gaw rawt jat lawan dik nga sai ten hta shaning hku hkum tsun, ten hku lang lai wa sai,tara ni arung arai ni,hpaji hparat ni gaw dingsa lawan ai,madang n-nga sai de lawan dik ai hku galai shai nga sai,

Dai ni annau ni mung ntara dik ai,gumshem dik ai,n-gun kaba dik ai hte dasang roi rip dip gamyet sha hkrum ai,lusu ngamu ngamai dik ai masha u hpung uhpawng kaw na sut kata- lu ai yawng hpe gin lut hkrum ai,matsan gin ai majaw matsan ai nre,dasang matsan hkra, dasang sutgan kata masha byin hkra shinggyin ahkaw ahkang n;nga dik ai de du hkra myen gumshem hpyen gaw,zingrut htu nga ai,mara kata gasat sat nga ai. shoi chyum hkra galaw ai,lamu ga majan,sut majan,shinggyin majan,makam majan,sat shamyit majan yawng hta majan je hkrum nga ga ai,kaji kadun grit nyem dik ai de dip htu bang tim lungpa kaba dip tawn ai npu na tsing makru kya gaw lungpa hpe ga gapang nna pru lu ai hte tsit tsawm hkra tu tsawm lu ai.

Annau ni hpe hpa hte dip tawn lu na ta?annau ni a myit masin kata na myit makru gaw kaba dik ai, ja dik ai anumyu bawm hta shadawn shadang nlu hkra kaba ai n-gun kaba dik ai,awng dang na gaw annau ni a salum hta rawng nga ai.gasat shamyit na gaw arang kaba dik ai annau ni yawng a lata lahpum hta rawng nga ai, kahtet ai hpang gatsi na,marang htu ngut ai hpang jan mai ten gaw du nan du chyalu re.

Myen gumshem gaw jan du nsin shang wa nga sai,annau ni a matu manap jan gaw Htoi tsawm dik ai hte moi na hta grau tsawm htap ai hte pru wa nga ai,.masin naw shaja ga,
lahpum lapyin latsa naw shaja ga,dahpran lagaw lasa naw n-gun dat ga. kaji dik ai,matsan dik ai ni,du hka tsin yam masha ni mungkan shara shagu marawn nga sai,ninggun madun ai gaw hpun tang gashaw nga sai.annau ni matu mung hkang hkang kaba mu na re,gasat nga ai zawn,ninghkap ninggun lawan naw madun ga.
Kaji dik ai gaw mungkan hta kaba dik ai ja dik ai lam byin nga sai. tsaw ra ai myu tsaw mung tsaw hpu nau ni e myit hkum shayawm kau e mung masa-hpyen masa lam gaw awng dang nga sai.

Ya jang naw dating ga-gasat ga.
Baren Numraw

N BUNG AI PADANG SHADAW

2012-01-03T21:21:00.000-08:00

Myen ni gaw,,,Ya ten galaw dan taw ai mungmasa lahkam ni hta e 2008 constitution hpe shagrin la lu na matu hte ASEAN ningbaw galaw lu na ai masing sha re ,, Tara shang Asuya tai mayu nna kyin taw ai langai sha re..,,Myu Bawsang ni hpe jasan kau na matu masing kaba re.

2008 na Gawda tara hta e 18.ning hpring ai mungchying sha ni yawng hpyenla n la n mai nga lawm ai , dai nna mungdan langai kaw hpyendap langai sha nga ra ai nga ai,,,
Dai hpe mahta nna Anhte Bawsang ni yawng hpe shamyit mai ai,,Anhte a laknak anhte a hpyendap n nga jang anhte gaw mat mat na re,,
Dai majaw ya ten hta e Daw Suu Kyi hte NLD ni hpe 2008 constitution n pu de du hkra dun shang wa taw sai,,Myen shada gaw a sawng kau mai ai ngu ai hpe tatut mu lu sai,,, shanhte a party matpungtin nga nna dai gawda tara n pu de shang mat mawn sai, Ya ten hta e n dai NLD ni hku nna Myu bawsang mungchyingsha ni a matu ja ja tsap ra na ten hta Mungkan kaw na Media attention hpe n re ai maga de yawng wa hkra shaga galaw kau dat sai, dai gaw myen ni shada galaishai wa sai, n bung ai hpe tawn nna bung ai hpe jawm galaw na nga tsun bu taw sai, dai gaw n bung ai lam ni pandung ni nga ai majaw she mungdan na manghkang byin taw ai sha re hpe , n bung ai hpe tawn ai ngu ai hta e anhte myen hte n pawng ai ni hpe shingdu tawn Myen ni a ra sharawng ai kaw hkan mat wa ai lam langai sha re,,

Mali hka madim hpe jahkring sai nga ai lam gaw a lak mi anhte kabu hpa n re,, Moi kawn n galaw gring ai hpe galaw nna Mungmasha ni a myiprwi kaji kaba hkrat sai,n gaw htawt ra mat sai, myit tsinnyam hkrum sai, Ma ni a jawng hpaji lam galu kaba lam ni grai hpang hkrat mat sai,,Shingra tara kata na sungan ni ma mat sai, lamu ga ni hten za mat sai, Ja sam Miwa ni anhte a lamu ga hpe shalau sha kau sai, sawk sagawn la kau sai,, n dai hpe Myen ni gara hku matut lit la na nga ai lam, ni n tsun shalawm ai, dai majaw kabu hpa n lawm ai,,
Mali n mai hka madim hpe jahkring ai ngu ai hta e ya ten shanhte a lakhtak hta e jahkring na matu sha re,,Hpang de mung n galaw sai nga jang, ya galaw da ai lam ni hpe jahten kau ra ai, Miwa ni hte manghkang hparan ai lam hpe mungmasha chye hkra sanglang dan ra na,Ndai ni madim jahkring masu ai sha re ngu mu ai, hpang de matut nna mung galaw wa na masa nga na ngu shadu ai..Dai jahkring kau sai teng jang Moi dai kaw na htawt sit katut sai ni yawng bai wa nga na ah hkang nga ra ai, yawng bai wa nga mai sai lam n dau ra ai..ah hkang jaw ra ai..

shanhte galoi mung tsun taw ai gaw anhte hpe mung masha ni kata da ai Tara shang Asuya re nga nna tsun shakut taw ai hpe yu jang a dan a leng mu mai nga ai,,, Myen gaw shanhte hpe mungkan kaw nna Tara shang sai ngu nna hkapla lu na matu Daw suu kyi aq NLD hpe mung 2008 Nargis Gawda tara n pu shang hkra nan dun shang woi sai ga re,, Dai majaw ya ten gaw anhte Myu Bawsang ngu nna nga ai ni hte Myen ni gaw a san sha hka ra na ten re mat sai,, Daw suu Kyi hku nna galai shai nga sai, kaja ai de du wa sai law nga nna tsun kajai taw ai laman hta e Jinghpaw Mung , Sam Mung, Karen mung ni hta e Refugees , hpyen yen tsinnyam ni Sen mi jan wa sai re,, n dai hpe gara hku nna shawng de lahkam wa sai, kaja wa sai ngu nna Daw Suu kyi wa tsun taw ai kun ngu nna anhte myit ung ang na ten n re sai, Myen gaw myen re ngu ai hpe anhte mai dum nga ai,, Ndai NLD ni party masat-- matpungtin-- galaw dat sai shani kaw na gaw Myen ni a Gawda tara mung tara n shang ai ngu anhte kade tsun nga tim dai hpawmi jan ni hte myen myusha ni hkap la kau jang anhte baw sang ni hpe shanhte ra ai hku galaw wa na gaw ga lahtum n shai byin wa na re,.. Mungkan de na ni mung myu baw sang ni a lam jahta ya garum yak na de du mat na, hpa na nga jang htingbu mungdan ni mung htingbu kaja n lawm ai, Lawhpa marin ai myit ni hte masem taw ai ni hkrai re, NLD hte SPDC n dai ni pawng mat ai hpang gaw baw sang ni laknak lang ai ni ga shaga grai yak wa na de re, Dai majaw ya lawan UNFC hku nna kasat la woi ai n re jang hpang de grai yak na masa nga ai..Anhte tsun taw ai gaw Panglong gasadi Federalism.. Aung san Kaw tsun taw ai gaw Democracy, 7 states hte 7 divisions nga nna hpa na garan da ai ngu ai hpe myit yu jang Democracy ngu ai lam hta anhte aq a hkaw a hkang gaw myen kaw na kalang bai hpyi la ra na de du mat na,.Hpyen dap langai sha tawn na nga ai mung galoi n mai byin ai, Federal Army hku sha anhte shanglawm jang anhte a kam maka anhte a shimlam hpe lu na re, Moi Democracy ngu masu nna U Nu hte myen myu kaji lai len lang ai ni dip rip sha lai wa sai,, dai ni na kyang hten taw sai anhte mungdanna masha ni hpe gaw moi na hta grau mai shakri kau loi mat na hpe dum ra nga ai, ,, Lama na myen hte n kam hka ai law nga jang
Myen mungdan ngu ai Mying hpe nan galai kau ra ai, shanhte n hkraw jang Kachin Mungdan ngu yu ga le, shanhte hkraw na i? Yawng e jawm lang ai laika hte Ga hpe gaw English hku di kau ra ai,, Mungkan de lahkam ra ai, Myen laika gaw shanhte na myen State kaw lang mu ga,,, State 8 hte re ai United South East Asia ngu ai zawn re mying shamying kau ra ai, Lama na federalism hku byin wa jang pi... Tim mung dai hpe hkap la ai Myen ningbaw dai ni du hkra n le wa nga shi ai,, shaning 60 jan sai ..Suu Kyi gaw KK n re,, shi hpe kam nga n mai sai,, Shi kawa mung moi Myen ni Gasadi n dung jang shi nan Kachin Gumsan Magam mungdan gaw de wa ai lam hta a tsam htum du hkra shakut lawm na nga nna gasadi jaw n htawm maga mi de gaw Myu baw sang shamyit na matu Aung san Tsitsin yee ngu ai hpe galaw da ai re,, Sam ni hpe mung jahkrit yu shamyawk yu di lai wa n htawm n dai ya gaw da ai Munghpawm de n lu lu hkra shang dun woi la wa sai re,, Sam hpe hpa baw tsun a ta? Sam hpe Munghpawm hta n shang lawm jang 10 ning laman kasat la kau na nga jahkrit ai,, dai nna munghpawm kaw shanglawm na nga jang no 1 Gumsan magam galaw shangun na nga tsun nna shanyen la lai wa sai re,, Dai ni Daw Suu Kyi hpa jaw na nga gara hku galaw na nga ai ga si langai mi mung n shale ai jan hpe madi shadaw chyai na ten n re ,, Mungkan kaw na kade shi hpe madi shadaw shadaw shi gaw KK n re , KK hpe hkap la kamsham ai masha n re, SATAN hpe naw ai masha langai re hpe dum ga,, Masha hpe Kam ai hta Karai Kasang hpe Kam ai gaw grau kaja nga ai ngu ai chyum laika daw hpe anhte Myit dum mai nga ai,,..

Suu kyi hpe san ra ai ga san ni,, Panglong hpe gara hku mu mada, hkam la da a ta?

KIO ,hte, laga Myubawsang laknak lang Rawt malan ni hpe shi hku nna gara hku mu mada ai kun? Ya Bawsang ni hpe kasat taw ai majan n dai hpe shi hku nna gara hku mu mada ai kun? Majan kasat ai lam gaw n kaja ai ngu jang dai majan n nan baw hpang ai wa hpe shi gara hku myit la nna kanawn taw ai kun??

NLD gaw Myen mung shanglawt lu na matu kun? shing n rai Party a sak jahkrung lu na matu a majaw 2008 constitution n pu kaw e shang dingnyawm mat sa na kun? Party lawt na matu kun Mungmasha lawt na matu kun? Mung masha hte bungli jawm galaw na matu nga jang Mungmasha ni lam maw de le wa na hte kasat poi shang wa na hpe shi hpa na ninghkap shakut taw ai ma? hpa na a ja a wa ninghkap ai nga nna tsun taw ai kun?? Myit yu hpa re,

Mungdan shanglawt lu na matu nga jang lu na ladat hpe lang ra ai, n lu na ladat hpe chye ning len shanang nga ai lam gaw rawtmalan hkrun lam a matu dingbai dingna hpyen kaba she re ngu mu ai,,Hpungki ni rawt malan galaw wa ai 2007 sept hta e NLD hka ma um nna zim taw ai,, Hpa majaw ta?? Myit yu hpa kaba.,,Suu Kyi lawt wa ai hpang Bawsang ni a matu Mungkan de kade lang ga shaga ya sai kun? San hpa ni hkrai re ,,,

Myen gaw India rawt malan ningbaw kaba Ghandi e kasat ai British zawn re ai Ritkawp tara ,gasadi hpe hkungga ai a myu n re, Gasadi ngu ai hpe masha ni maga grin na sha shi ra ai, shi hku nna gaw dai hpe galoi grin ai lam n mu ai, n nga ga shi ai,, Mau hpa re,, Masu hkrai masu nna Myen mung hpe shaning 60 jan up sha sai,,

Myen hte anhte n mai pawng sai,,

Myen hte gaw n mai pawng ai ningpawt ni gaw,,shaning 60 jan du hkra anhte sharang sai,, dai ni naw matut nna shi kaw na shanglawt hpyi taw na i? ah hkawn a hkang ngu ai gaw ti nang a lata kaw re, n jai lang ai majaw n nga ai ngu hkam la ga,,Ya rawtmalan prat hta rawt malan na ah hkaw a hkang nang, ngai kaw nga ai hpe dum mai ai,
myen hte hpa na hka ra ai,,

1, makam masham Karai Kasang, Nawku ai lam n bung ai..
2.Myu ru sai , nga sat nga sa a rawn a lai n bung ai.
3,ginru ginsa ,labau lahtik maumwi mausa n bung ai
4, Htunghkring hte laili laika n bung ai.
5.Ga n bung ai, shachyen shaga ai lam n bung ai,
6, Nga shara Ginra buga n bung ai,,htum hkra tsun na nga jang malu masha pi n bung ai..Galaw lu galaw sha n bung ai,,.
Masu magaw, maw lu maw sha, n ding n man, n hkru n kaja , jahten sharun , matsa mawa, diprip roi sha ai a kyang rawng ai shinggyim manu n chye ai n hkunggga ai satan aq manaw manang Myen ni hte gaw anhte Rau nga na n mai byin mat sai hku re,,, Satan ni hpe Ningbaw shatai nna she anhte 60 ning jan jamjau sai,,
N bung ai Mungkan masha ni law law hte anhte rau nga mai tim .,n dai Myen ngu ai ni hte gaw gara hku mung rau n mai nga ai hku re..Dum ninglen hka yawng yawng taw ai shaning 60 jan sai,,,

Myit jasat ngu ai hta e anhte gaw shinggyim masha langai a manu jahpu hpe a tsawm chye na ai majaw shinggyim masha langai aq a sak hpe shareng hkungga chye ai hpe anhte a htung hkring hta mu mai ai,,..

Ya dai ni Hkritu hpe kam sham ai anhte jwp sha ni gaw hpa na Myen n pu kaw nga ra taw ai??,, hpa na ya du shanglawt n lu ai ? Myit yu ga,, Anhte hpyi ai shara shut taw ai,,

Myen kaw n mai hpyi taw sai, KK kaw hput di nna hpyi ra ai.,KK gasadi jaw da ai hpe kam ra ai,, Hkristan mungkan hte n kanawn ai Barla hpara shaje nat satan gawkngu hpuntawng hpe naw ai Myen zawn re KK matsat ai sumla naw ai myusha ni hte she kanawn taw ai,n de a majaw nan re, Hkristan mungdan tai na matu she anhte myusha ni yawng hpe KK gaw Chyumlaika ,jinghpaw laika hpe jaw, sumsing mungdan de du na matu du hkra Hkritu hpe anhte a hkye la madu hku hkap la ai du hkra lakawn sai,, KK a mungga hta e shi hpe kam ai shi a kashu kasha ni gaw ning mai galoi n tai ai, Baw,, Ningbaw sha tai ai ngu ai hpe anhte gaw Myen a n pu hta nga nna ningmai tai taw ai hpe mu mada ai Yesu aq miman hta yawn ai n sam sam taw ai, Anhte hkrap jang shi Hkrap ai, Anhte shi hpe hpyi jahtau ga, Myen hte hka na, Mungdan hka na ten gaw ya re sai,,KK hte n hka ga,KK a mungdan gaw de ga!, KK ra sharawng ai gaw anhte hpe Hpyen n gun la-ba shingwang kata e shi a majaw shimlum taw ai ngu ai hpe madun mayu nna anhte hpe Miwa, gala, Myen zawn re ai KK hpe n chye ai ni , n kam sham ai ni a lapran e tawn da ai re,, Ning Htoi galoi htoi na law,, Ya rai sai,, Hkristu hpyen ni rawt ga!! Myen satan ni hpe a grawp mani kau ga!! Myen gaw hpyen n re satan she re...
Rawt ga, Hkristu a hpyen ni ti nang a kangdang hpai let tengman ai majan hta e anhte shang lawm kasat sa wa ga!,, Nang du ai shara kaw na Hpyen wa hpe kasat mai ai,, Ti nang kadai re ai, hpe ja ja tsun shaga tsap na ten du sai,,Hkrit nga mau nga jang a ten lai mat na, mayam krung de du mat na,, KK hpe kam sham ai makam masham myit madun na a ten ya rai sai,,

Myen zawn zawn, hpa zawn zawn re nga n mai sai,, 1947 Panglong gasadi ngu ai gaw myen Ningbaw ni kadai kaw mung n rawng ai,, hpa hpe naw lat taw na, kadai hpe naw lat taw na,Galoi ten du hkra lat taw na, UNFC hpe madi shadaw, KIA-UKA. ni kaw shanglawm re sa wa ga,,

Hello!!! NDAK,KDA,Lasang awng wa hpung, Danggu dang Hpung, Nanhte yawng bai Kanu Kawa re nga ai KIA de ya jang bai wa rit,, Hkrap tim rau, Pyaw tim rau re wa sa ga,, Ya Ung ang na ten n re,,
Padang hkrunlam majan masing hta,,
2012 Jan,3 ya shani hta e Kachinland ngu ai shanglawt n dau dat ai n htoi re sai law,,

Myihtoi ningshawng,,
MLH

SHAWA BAU MAWNG

2012-01-03T21:20:00.002-08:00

Myen asuya gaw hkrum ai bung ai hpe rau chyawm galaw nna, nbung ai nhkrum ai hpe tawn kau da ga nga nna mung masa ningshawn shaw ai, tsun garaw shamawng nga ai gaw shanhte myu kaba ladat na rai sai. Dai nhkrum nbung ai gaw anhte bawngsang ni a matu grai ahkyak ai lam ni rai nga ai.

Dai nmai hkrum nmai bung ai lam ni a majaw anhte bawsang ni hpe gasat shamyit nga ai re.

NLD hte awng san kaw mung Democracy lu jang shanhte matu ram sai, myu kaba ladat gaw lam langai sha re banau gaw banau sha re.anhte bawsang ni a matu gaw Democracy lu nna sha nmai ngut nga ai,tinang mungdaw mungdan tinang ga bung ai shada up hkang lu ai de sa ra nga ga ai, Awm dawm shanglawt ai de sa ra saga ai, myen gum shem gaw shanhte galaw tawn ai mung masa tara masing shanhte a matu jaw hkra galaw tawn sai re, mungdaw up hkang lam jaw jang mungdan jaw ai hte bung sai,pang lung ga sadi mung shanhte nlang sai, 2008 gawda ai tara mung shanhte nlai lu ai,dai majaw la du yang gaw gasat la mu- nga anhte hpe jau kaw na majan baw na matu ndau sai re,mung masa lam hku anhte hpe nbawng ai,le tsun waw tsun rai, nhtoi htawt hka hka rai nna lani hte lani n-gun kya hkra,laning hte laning du manat shakyet ai gaw ya dai ni du maw lanyet shachyai sha nga ai,anhte myu sha ni gaw mung dan mung lu ra ai,annau ni hte bung pre ai tara ning nan mung gram la ra saga ai,

Dai majaw myen a galaw ai hpe myit shang nmai sai,simsa lam bawng na mung shingran she rai na re, mung tsaw myu tsaw myit hpe nmai shayawm sai, langai sha ngam tim gasat ra sai.myen gaw anhte hpe mayam shatai mayu ai gaw ya sha nrai sai,ban 6 shaning 60 jan sai,ngai naw kaji yang na ga langai mi hpe ga shadawn tsun mayu nngai,nta langai mi hta sagu panyep langai sha lu ai Ma Gam mung nyep, Ma Naw mung pyen, Ma La mung nyep, Ma Tu mung nyep nyep hkrai nyep, Nyep je kau sai nga ai hte maren, dai ni annau ni padang dip lu hkra n;gasat sayang gaw, shawa baumawng tai na de she yawng nga sai, nang mung dum ngai mung dum, dum hkrai dum bau dum bau waw nga ai she tai wa na. Re, naw dating ga, anhte hpe sat na matu lung wa ai sawa ni hpe lagaw ntu hkra mahkrai kaba ni hpe si hkam na dan di ra sai. Majan dang na matu gaw hpa mung galaw ra sai, anhte bawsang ni mung, myit jahkrum nna ya jang yawng chyawm gap ra sai, bawsang langai hte sha gasat ai ladat gaw nmai sai shawa Num hte bung nga ai myen gum shem hpe shawa baumawng shatai nna yawng chyawm dum chyawm nyep ra sai.Dum hkra dum shawaw shakre saga.myen a mung masa hpyen masa gaw grai dingsa, grai dingla sai, run na daw na sha rai sai Kanu mungdan a matu naw garum ga, naw gasat ga.

Shawa baumawng shatai ga law.

Baren Numraw

N GUN MADUN U!!!

2012-01-03T21:20:00.001-08:00

Mungkan hta gumshem dik ai,tara nlang dik ai,matsan dik ai,rawt jat galu kaba ai lam hte, shinggyin ahkaw ahkang ginlut dik ai, wanglu wang lang nmai nawku ai hpaji hparat hta NO-1 lu nga ai, myen gum shem hpyi galai asuya gaw lu ai gum shem arawng aya tingkyin ahkaw ahkang kaba kanwang myit jasat,arawng mala gawngba ai akyang lailen hpe loi shaprai shamat lu na re.

2008 ning a gaw da ai Tara mung shanhte nmai lai ai,mungmasa mayak mabyin hpe rau rapdaw langai hta man hkrum nmai bawng jahkrup lu ai,masa shawng nbawng ban ai,simsa lam la mayu ai gaw anhte bawng sang hpe teng gasat shamyit mayu ai masing kaba nan rai nga ai,mungkan WP rapdaw,mungdan law law dip n-gun jaw nga ai hpe htawng shatsawm lu hkra hte,2014 ning ASean Rapdaw Ningbaw lu galaw hkra mungkan hpe Hpuntang gashaw marawn shazim nga ai lam mu chye gin sai,myen gum shem gaw shi tsun lai sai hpe loi loi bai shaprai chye ai majaw ten kadun hta nsam bai kalai na sha re.shi grai byin mayu ai Asean ningbaw lu tai jang mungmasa hpyen masa,sut masa amyet kaba lu na hpe mayun shakut nga ai,kyang laban dik ai kraw sung dik ai, myen gum shem a zai ladat gaw annau ni a matu hte baw sang mung shawa yawng a matu sai kau gin ai shanaut ka hta kabai kau ra ai hte kasi yu la shara hpa n-nga ai hpe malap kau let annau ni a yaw shada ai pangdung de lani hte lani rau chyaw shakut arang bang na she dai ni na ten madang re.

1-2008 gawda ai Tara nmai lai ai.

2-Bawsang ni hpyi ai,mung masa lam hta rau bawngban jahkrup mahtai la simsa lam tam na,

Pang lung ga sadi hpe mahta na dai ni prat hte bung pre ai ahkaw ahkang lam bawng na.nmai ai.

3-mung masa hte rim sharen da ai ni hpe simsa sakse madun ai hku dat na nmai ai.

4-Mali hka madim masing dawm kau na nmai ai.

5-hpyen hpung langai sha nga lu na shagrin ai.

lahta de na ndai masing hpe shawng hkrang nshapraw hpyen madun dan ai lam n-nga yang kaning re ladat hku galaw na tsun wa tim nmai kam nga ai,mu gin ai hpaw gin ai shanhte kata na shawng hpaw dan masing jahkrat dan wa yang chyu gangwi myit yu ra ga ai.tsun ai hte tatut galai shai ai lam satse satgan myi tut sha nmu yang galoi nmai kam zawn myit hpraw san seng ai malang ai myitchyang myithkyeng nlawm sai ngu grai naw chyam dinglit yu maram ra nga ga ai.

shaning galu byin hkrum sha,hkam sha jin wa sai,dudaw saihkaw ai mung law dik sai,machyi hkrum dik saga hpe ten gadun dingtawk lam dandi nna mung shawa yawng a akyu ara hpe annau ni yawng a shawng lam, prat maka hpe loi simsa lam tam yang grai naw jau na re.

Dai ni myen gum shem hpe mung up hkang ai lam,hpyen masa lam,sut masa lam yawng hpe Ushoi shoi nna jum tek galau sha,shangun shama shatsang sha nga ai gaw gumhpraw myiman yu ai MIWA nan rai nga ai, myen asuya gaw miwa a ga tawt lai nna miwa nra ai hpe mung shawa a ra awng sharawng ai hku galaw na nre, myen mungdan gaw masha hte gumhpraw a mayu kau ai hkrum nga sai,dai hta annau ni mung grai sadi maja nna masing kaba ningnan- nlaw tim sai kaba myit magam myit hte naw mai dang la nga ai,Hpyi Maw- GawLang-Gam Hpang-Mung mau hpe Miwa hpe dut sha kau ya ai hpe shari mu let ja ja ninghkap gasat ra nga ga ai. Tsaw ra dik ai mungkan shara shagu chyam bra nga ga ai,Myu tsaw Mung tsaw myu sha kahpu kanau ni yawng hkyak hkyak du nga ai mungdan shara shagu hkan yajang yajang ninghkap n-gun kaba madun ga,kanu mungdan de n-gun mi alu rai,yawng a matu ASAK hpe Ning gang shatai let share shagan dik ai hte tsaw dik ai manu dan dik ai myit masa hte majan pa hta jam jau jamhkaw yawng hpe hkam sha let padang hkrun lam masing hta gasat nga ai zawn anhte mung ya jang N-GUN KABA MADUN GA,Ten ninghtoi gaw anhte a matu rai nga sai,

Bai lu lawm ai Ja GunHpraw,arung arai,hpaji hparat,Media laknak majan,kyu hpyi n-gun dat ai hte yajang lawan shang lawm saga law.

RAWT U-- RAWT U---HTOI U-----HTOI U---N-GUN KABA -ARANG KABA GAW NA LATA E RAWNG NGA AI,... N GUN MADUN U.

Baren Numraw

HKA LENG KABA A SHAWNG

2012-01-03T21:19:00.001-08:00

Mung shawa yawng a nsen kaba hpe madat nna,mung masa hpyen masa hpe hka len kaba a shawng e masing kaba langai,lahkam langai htawt lahkam tawn lu yang awng dang na gin lam kaba rai na re hte, Tai hpyen a pahkam masing hpe ning hkap dang kau lu na re.

Ji woi ji wa ni a dudaw sai hkaw hkam nna arang bang lai wa sai, annau ni a teng man ai yi ngam,teng ai padang hkrun lam gaw tsun ai ga hpe shangang shakang na matu laknak hte,shangang la ra saga ai, ya ndai ten, myen a lai wa sai shaning law law hta mung masa hpyen masa gin sup lai wa sai hpe mung, ja ja myit shachyaw dinglun yu,bai hpaw yu ra nga ga ai.

lai wa sai 1988 ning a hpang de myen gum shem asuya gaw myo kaba de shamu shamawt ai shan hte hpe ning hkap ai mung masa galaw ai mying kaba ai mung masa la ni hte Democracy pati NLD hpung hpe rim shamyit ai ladat hpe galaw ai zawn maga mi de gaw, rawt malan hpung law law hpe galoi mung njaw yu ai ahkaw ahkang ni hpe ga hte jaw masu nna laknak simsa lam galaw ai, Tuk nrawng ai lapu zawn kya dik ai si manyi dik zawn anhte a magyi lapran de baw dungu gum bang masu nna mung masa hpyen masa amyet htuk lai wa sai zawn ya dai ni mung dai hte bung ai ladat bai lang nga ai, shanhte hpe ning hkap dik ai,NLD hte mung masa la ni hpe masawp shanyem ai mai hkrum ai lam ni hpe

chyawm la ai hte nmai bawng hkrum ai hpe tawn kau matsin tawn nna rau rap daw hta mungdan a matu kaja ai, chyawm bawng ga nga awng san kaw hte mung masa la ni hpe shazim masu ai mungkan de htawng madun masu ai the maga mi de gaw baw sang ni hpe kasu kabrawng nga shamyit ladat hpe bai jahkrat nga ai. lai wa sai ten shanhte a kata na (htawk lan ye-Mi) kai chyan hpung ni hpe ru nawng gawt shamyit sai tim, ya dai ni maga mi de dai ni hpe bai shaw asung jashaw nga ai gaw myen a sadi ndung aiMpale palau myit hpe mu sa ga ai,ndai hpe myit sawn shachyaw nna mung masa hpyen masa lahkam hpe hka len a shawng kaw jahkrat tawn ra sai.

Lam mi de Nga mung nrai shu mung nrai re,hpat lawat palawn kaw n-gun shama tinang shat sha nna, chyasam wa a yi ngam hta shakut nga ai, tinang kashu kasha ni hpe gap sat mayu ai, myu kaba maw ru hta len nang nga ai, kanu a chyu pau kawa di mayu ai, kawa a shing lang dan di mayu ai mayam myit nmat shi ai, myen a shingnan hpyen na hpu shawng hpuba ni e, labau rum ai, kaji kawa hkring htawng rum ai htung hking ru sai, ga bung ai, rau manau nau ai tinang myu hpang de jan grai ndu shi yang lau bai wa marit.

Tai hpyen a dap shagu hpung shagu hta npawt kaw nna ndung hkyen nam mak lawhpa mayun kum hpa sha ai hkrai, Wa lang gale ai hkrai, shawng lam htu lung nga ai myen dap ni a hpang lam de dap sim pyi n-nga wa shoi chyum nga sai, maza kanu sha shakre taw nga sai, myen hpe n-gun kaba loi naw dat yang shakre la na sha rai sai,Dap nawng kaba uhpung kaba the yan hkawm na malai Jau gawng ladat zai ladat law law hte mare kaba de shanyi gasat yang grau masam sa na re ngu mu ai,bai laja lana byin yang she anhte myu sha hpyen yen tsin yam ni hpe maga mi de grau garum wa na re ngu mu ai.

Ning sin kaba grai ndu shi yang hka leng a shawng kaw tsap let, naw dating ga, ga sat ga!!!

Bareb Numraw

HPYEN ASUYA GAW JET AI SIMSA LAM RA AI RAI YANG

2012-01-03T21:18:00.001-08:00

Hpyen asuya gaw KIA hpe gap jahkring dat ya na matu n’gup de na tsun nga tim lata hte gaw gap bun nga ding yang, lagaw de gaw KIA ni nga ai shara shagu de gasat shamyit sa wa nga ding yang galaw nga ai. Dai zawn galaw taw nga ai gaw teng sha kasat jahkring na hpe myit nlawm nga ai hpe sak se rai nga ai.

Myen hpyen wa gasat jahkring ga ngu ai gaw;

-Anhte asuya hpyen dap kaw na gasat jahkring ga ngu tsun ai tim KIA ni she ningdang taw nga ma ai majaw anhte mung nlai lu na gasat nga ai re ngu maigan mungdan ni kam na matu galaw madun ai lam sha rai nna KIA hpe mung masha ni n’ju wa hkra, ninghkap wa hkra galaw nga ai lam sha re.

-2014 ning hta ang ai ASEAN ningbaw shara hpe lu la na matu gasat jahkring na hpe tsun masu ai lam ni sha re. Mungdan kata majan bin nga yang shara lu la na ma nre.

- Mali Hka, N’mai Hka hte Damau Hka(Ta-ping) ni hta galaw taw nga ai hka wan hpaga ni nsum mat na matu hte, Shwe Gas wan sau hpe lahta sam mung hku len shalai la na hta ding bai ding na nnga hkra a matu tsun ai lam ni sha rai nga ai.

Hpyen asuya wa teng sha gasat majan jahkring kau mayu ai teng yang hpa majaw shanhte asuya hpyen dap ginjaw kaw nna gasat jahkring matsun hpe ndau shabra ai lam n’galaw lu ai law? Hpa majaw Jinghpaw ni nga ai shara shagu de hpyen n’gun jat shalaw ding yang, sinat-laknak shagreng nga ding yang, myawk sinat kaba ni hte gap bun nga ding yang galaw nga ai law, hpa majaw mara kata mare masha ni hpe zing ri ai law, Hpa majaw mung masha majan yen tsin yam ni hpe garum na lam pat kau ya ai ta?

Shanhte maga gaw majan shagreng dingyang, KIA hpe gaw gap jahkring mu ngu tsun ai gaw jaw ai lam rai kun? Lai wa sai gasat jahkring tawn ai aten hta hpa majaw Shanglawt magam gun ni hpe mara kata rim sat sharu ai? Dai hku galaw taw nga ai lam ni gaw Jinghpaw myu sha ni hpe hpyen hku masat nna amyu shamyit majan galaw nga ai lam re. Myen asuya gaw jet ai mung hpawm mungdan, sim sa ai hte bawng ring ai mungdan galaw mayu ai rai yang,

a) 1947 ning na Pang Lung myit hkrum ga shaka hpe hpa majaw masat masa hkrang shapraw n’ galaw ai?.

b) Mungdan mung bawng rapdaw galaw nga ai ten hta KIO kaw nna tang shawng dat ai Jinghpaw Wunpawng myu sha ni hte mungdaw a rudi ahkaw ahkang ni hpe hpa majaw masat hkap la shagrin ya ai lam n’galaw ai?.

c) Mungdan uphkang tara u-padi hta Jinghpaw ni hte seng ai ru di ahkaw ahkang ni hpe hpa majaw n’shalawm ai?.

d) Hpa majaw Jinghpaw mung masa pati galaw na pat kau ya ai?

e) Bin taw nga ai mung masa mang hkang ni hpe man hkrum bawng ban hparan na matu nkam galaw ai?.

Ndai zawn re n’tara ai hku galaw taw nga ai, n’shawp nkap re myen hpyen asuya hpe ning hkap gasat ai lam gaw shut ai yi? Myen hpyen asuya gaw hpyen yen mung shawa law wa jang, KIA ni jam jau wa na, mare masha ni ninghkap wa na re ngu shadu na nhten! Rai tim hpyen yen masha law wa magang myen hpyen hpung ni hpe nju ai law magan, rawt malan n’gun ja wa magang she rai wa na re. Hpyen yen tsin yam gaw myen asuya n garum tim hparan la lu wa ai na rai nga ai. Dai mjaw,

-Ndai gasat majan kaw nna akyu pru ai mung masa lam yen ni bawng ban daw dan la lu hkra matut shakut ra saga ai.

- KIA hte kaga laknak lang kasat amyu baw sang hpung ni mung hpawm myen mung hta tara shang ai mung hpawm hpyen dap bin mat wa hkra galaw sa wa ra sai. Moi mung Jinghpaw Hpyen Dap ngu ai ni tara shang nga lai wa re.

- Mung hpawm mung dan a up hkang tara u-padi hta amyu baw sang ni a sak hkrung lam a matu hkam daga re u-padi nnga ai, myu sha ni hpe tara hte nhtan shai ai hku zingri taw nga ai hpyen hpe kadai mung makawp maga ya ai n nga ai majaw laknak lang ra nga ai lam hpe mungkan ting atsawm chye na hkra galaw ra ai.

- Amyu baw sang majan yen mung masha ni hpe myen hpyen asuya gaw garum jaw ai lam nnga ai hta n’ga garum jaw na ni hpe pat shing dang tawn da ai lam ni hpe mungkan ting chye hkra galaw ra ai.

Z. Hkum

HPYENDAP ASUYA NNAN HTE DU WA NA ANHTE AMYU NI A MUNG MASA MAWRU

2012-01-03T21:16:00.000-08:00

Anhte tsawra kamhpa ai shanglawt hpyendap hpe 2010 ning hta Jarit sin hpyendap gale na matu Myen hpyendap asuya gaw, roi jahkroi matsun wa sai. Hpa mi raitim, Myen hpyendap a kata de she shang mat nna, shanhte Myen hpyendap kaw nna jaw ai hte mi sha, shanhte shangun ai mi galaw ya ai lakung lakap she tai na nga myit jasat ai uhpung nkau mi gaw amyu sha ni a mung masa ahkaw ahkang hpyi shawn ai lam hta mung masha gawm malai tai ya ai lam ni kaw nna shing du gayin kau da nna, ting gyeng nga pra sa wa ai lam hta manu na matu de madaw lata la masai. Grau nna anhte a shawng lam gaw shim ai simsa lam lu saga ni? Myen hpyen wa myit hpraw san nna dinghku kawa kaja zawn, tinang dinghku, jinghku, buga hte mungdan hpe sharawt mayu ai wa rai nga a ni? Ngu nna myit yu na lam hpe ya yang Jarit Sin hpyendap masing hkap la ai hpu nau ni hpe shadum mayu ai.

Anhte KWAT, AKSYU, KNO hte kaga uhpung, makam masham hpung ni yawng kam hpa nga ai KIO/KIA chyawm gaw Jarit Sim hpyendap de n’gale mat nna Panlong ga sadi hpe manoi manat nhtawm tinang amyu sha ni a mung masa bandung hpe woi-awn sa wa ai majaw kabu ga ai. Arawng la ga ai.

Arawng la, kabu ai hte maren, shawng lam mung masa lam yan a ntsa tsang ai lam ni hpe mung shaleng let, mu mada ai lam ni hpe yawng hte garan mayu ai. Dai tsang kaba gaw, anhte KIO/KIA gaw ya yang Myen hpyendap wa gyin shalat nga ai, hpyen palawng raw nna, mung masha bu hpun hkrang dagraw ai, hpyen du ni woi-awn ai asuya nnan hte matut shaga na matu lat nga ai masa hpe asan sha mu lu ai. Shanhte hte atsawm dumgre shaga lu na matu, tinang KIO mung Thai jarit hkan ya yang Myen hpyen hpe gasat nga ai, galoi mung laknak n jahrat ai hpu nau uhpung ni hte federal munghpawm mungdan gawgap komiti hpaw nna mung masa gasup nga ga ai. Kaja wa hpyen asuya ningnan wa, dai ni gaw asuya nnan, gaw da ai tara nnan kata e mung masa bai jahta ga ngu nna, KIO/KIA hpe bai shaga wa ai shaloi, hkap la gring ai gaw rai nga ai. Raitim, ya yang Thai ga jarit hkan nta shap, ROKA rung hkan shanu nna munghpawm mungdan a matu jawm myit sa wa ai lam ni gaw kaman tai mat na tsang ga ai. Ningbaw ni tinang baw sa wa ai rai lit (baggage) sha garawt la nna Yangon de nbungli jawn wa mat na tsang ga ai. Ndai lam ni hpe ya yang jarit kaw kanawn nga ai hpu nau rawt malan uhpung ni mung dai hku sha mu nga na ma ai ngu mu mada ai.

Dai hte maren KIO/KIA na ningbaw n kau mi mung, asuya nnan hte gaphkat jahkring ai lam bai ningdaw mi kahtap jat nna myithkrum lam la na hpe shakut nga ai ngu mu mada ai. Ngai nan mung Myen hpyen asuya lama mi dai hku n galaw yang, Daw Aung San Suu Kyi hku nna lapran tsap galaw ya na matu shiga dap hku nna ningmu shalai yu ni ai. Ndai lam chyawm gaw, simsa lam hpe aten garawt lu mai ai ram garawt la nna, tinang a n gun hpe shagreng sa wa na matu ladat she rai nga mali ai. Lama mi Asuya nnan wa, mung masa matut bawng na matu jahkrup wa ai rai yang, anhte KIO/KIA gaw makai hkak, n gun ja, myit marai rawng (moral & principles), mung masha kaja wa kam hpa nga ai uhpung byin tai wa lu na matu, ladat ni hpe tsepkawp jahkrat da ra nga ai.

Myen hpyendap mung Miwa asuya kaw nna arang wan mun (billions) hku bang da nga sai anhte buga na hpaga lam ni hpe makawp maga na matu, KIO/KIA hpe Myen hpyendap wa majan hpaw ai lam hpe n galaw na ma ai. Jarit mayan manghkang hpe Miwa gaw tsep kawp nra na re. Majan mung byin wa na lam n mu ai. Lai wa sai aten hta amyawk htaw shalai, hpyen n gun jat dan ai, Laja Yang hkan KIA hpyenla rim ai lam ni gaw, KIA wa shagri brep sai kun chyam yu ai she rai. Dai shaloi gwi gwi htang (response) galaw ai lam nnga yang chyawm gaw, Myen a akyang nga ai hte maren, gwi nyem, wa nyem roi nna matut galaw sa wa na she rai nga ma ai.

Ndai sat lawat ni hta, Miwa lauban (investors) ni gaw Myen asuya nnan hte pawng nhtawm, ja gumhpraw law law jai lang let, anhte a amyu hpe tsawra nga ai, mung masa ningbaw ningla ni hpe ja gumhpraw hte shalen htawm UHPUNG JAHKA na hpe she myit tsang nngai. Anhte ja gumhpraw lu nna sutsu wa ai hte ahkaw ahkang lu ai gaw shai na re. Dumsu, Nga (Myen hpyen) ju ai hkau na pa hta wang ngu ai ahkaw ahkang atsawm n kum nna, mam kaja hkai tawn ai wa hte bung nga ai.

Ya na zawn mai byin wa chye ai mung masa hkrun lam hta anhte gaw, tinggyeng ja gumhpraw, nga mu nga mai, hkyem sa lam hpe sha madung dat ai hku nrai, kaja wa anhte amyu sha ni a myu sha ban dung, ahkaw ahkang hpe madung dat ai, uhpung hku tsap nga yang, du pru wa na mung masa maw ru ni hta atsawm sha tawt lai lu na re ngu, dai ni na 50 ning hpring rawt malan nhtoi masat hku nna ningmu garan dat nngai.

Amyu sha ni yawng mung tai hpyen wa anhte hpe shamyit na matu kara hku myit nshawn shaw (strategic) nga ai hpe maram nna, galoi mung ningmu garan let, kaja ai amyu sha lawt lu lam hpe jawm tam nga ga law.

Nang shoi nang sha nnga, amyu yawng rapra ai ahkaw ahkang lu ra ai hpe kam sham ai,

Malihkrang